Keremiyaxi 51:1 - Kakaɨyari Niukieya

¹ Yawé mɨpaɨ kanaineni: «'Eka tɨrɨkaɨyeme tiyu'uname nekaninetɨamɨkɨ Wawiruniya hetsiemieme meta Rewi Kamahi kiekatari wahetsiemieme.

Keremiyaxi 51:1 ပူးပေါင်းရင်းမြစ်များ

'Amuxi 3:6

Kuxineta kiekaritsie kaniutahɨtsieriwani kiekatari mɨpaɨ memɨteyu'ɨwiyanikɨ. Kiekaritsie yɨkɨ pɨkatiyɨni xɨka Yawé mɨpaɨ kahaineni.

'Utseyaxi 13:15

Tsepa 'Epɨrahini rexeiyatɨ matɨa yu'iwama watsata, Yawé 'ekaya kaninuamɨkɨ, 'eka mɨxɨka makumawetsie mieme, hamuhapane meta haixate kanikawaxɨamɨkɨ. Tita memɨteheuxeiya katinika'unariemɨkɨ, naime tita witsiti'anenekame memɨtehexeiyakai katinikumawerimɨkɨ.

Nɨ'ariekate 9:4

Kwiepa 'ukaweka kani'enieni xeime mɨpaɨ haineme: —Tsauru 'aku, Tsauru, ¿titayari penetikuweiyane 'ekɨ?

Tsakariyaxi 2:8

Karikɨ Yawé Naimekɨmɨtɨrɨkaɨye mɨpaɨ kanaineni, mɨnetsiheyenɨ'a 'iya nuiwarite naime memɨxete'unawairi wahetsɨa: «Kemɨ'ane teɨteri neteɨterima memɨwa'uximatɨa, nehɨxita memeumemeni hepaɨ mekaniyɨaka.

'Etsekieri 19:12

Peru kanahunarieni haxɨakɨ, kwiepa kanatihɨiyani. 'Eka tau manatineika mieme pitiwatsiɨxaxɨ, teɨteri 'ikwaxi meukatekai mepukamuraxɨ. Putiwa mamateya 'amɨpapa, meta taikɨ putixɨtsitɨarie.

Keremiyaxi 50:33

Mɨpaɨ kanaineni Yawé Naimekɨmɨtɨrɨkaɨye: «'Ixaheritsixi meta Kura kiekatari memu'uximatɨarie mekanihɨkɨtɨni, memɨwaraye'unie mepɨwaranutaxɨri, mepɨkawapitɨa mexɨxɨnitɨ memu'uwanikɨ.

Keremiyaxi 50:29

»Tupikɨ temɨmɨmete xekeniwarukuxeɨri Wawiruniya memɨtamienikɨ, yunaime kemɨ'ane memɨteheutamɨiwawe, waritana xekenayaxetɨkɨni, nixeime xepɨkatayutsitɨwani. Kememɨte'uyuri mɨpaɨ xekeniwaruyuri, yaxeikɨa xeketeniwarakapitɨa kememɨxe'uyuri. Mɨkɨ Yawé muta'iwaxɨkɨ, Mɨpatsie 'Ixaheri hetsiemieme.

Keremiyaxi 50:24

Winiyari nekaniuwieni 'ahetsiemieme, hikɨ mɨkɨtsie pekaniuwiere ni'atsipekatimaitɨ. Pepɨkatiumaritɨarie yapauka pepuwiyarie, Yawé pe'aye'unietɨ pematɨakɨ.

Keremiyaxi 50:21

»Xekeneutami'a Meratahini kwieyari meta Pekuri memɨkiekatari. Xekeniwarukuya, xekeniwaruka'una yunaime. Xeketenaye'atɨa naime kenemɨti'aita —Yawé mɨpaɨ kanaineni—.

Keremiyaxi 50:9

Karikɨ ne Wawiruniya hepaɨtsita nekaniwaha'aritɨaka yumɨireme teɨteri tayeta miemete memuyutaxewirekɨ. Mekaniyukuha'aritɨakuni memitamienikɨ, tayeta kiekatari mekanika'unakuni. 'Ɨrɨkɨ kwinimieme mepɨteheutamɨiwawe yu'iwarika mete'apitɨ mepakununuwa.

Keremiyaxi 49:36

'Erami kwieyari hetsie kuyaxi naitsarie kiekatari nekaniwa'atɨamɨkɨ naitsarie kiekatari nekaniwarawitɨxɨamɨkɨ. Naitsarie kiekatari wahetsɨa nekaniwataxɨriexɨamɨkɨ, naitsarie kwiepa kemakuyewa mekananuhapaniexɨakuni yayupapaɨmetɨ.

2 Te'aitamete 19:7

Neuxei. Ne xeime 'iyari hetsiena nepɨkayeni, hikɨ mɨkɨ yɨkɨ timarieme kaniyemieni yukwieyaritsie paitɨ. Mana paitɨ yanepɨtiyurieni mɨmierienikɨ 'ixiparakɨ”».

Nɨawari 137:8

'Ekɨta Wawiruniya niweya, 'uxa'atɨni pekanika'unariemɨkɨ, 'aixɨa ke'itɨarieka kemɨ'aneta 'ekɨ mɨmetsika'una kepemɨtatsi'uyuri tame.

Keremiyaxi 23:19

Yawé 'ekaya kanayeyani waɨkawa ha'atɨ, haikɨri tiyumemiwatɨ kanayeyani 'axamemɨte'u'iyari wahetsie mɨye'anikɨ.

Kitsariyaxi 13:13

'Ayumieme yanepɨtiyurieni muyuawi mɨtayuanikɨ meta kwie hakewa meuyema mɨtayuanikɨ, Yawé Naimekɨmɨtɨrɨkaɨye haxɨayakɨ kepauka mɨyeha'ani tukariyaritsie.

Kitsariyaxi 14:14

Nekananutiyeimɨkɨ haiwitɨri yekɨrita paitɨ 'emeutitewatsie, 'Amutewi hepaɨ nekani'anekamɨkɨ».

Kitsariyaxi 21:1

Niuki makumawe haramara 'aurie mukuma hepaɨtsita: Nekexi muyekɨka haikɨri mɨtɨrɨkaɨye hepaɨ, kwie makumawetsie xewitɨ kanayeneximeni mariwetɨ.

Kitsariyaxi 47:1

»Kenanakaye'a, tumuanaripa keneutayexi, Wawiruniya niweya 'uka 'ɨimari, kwiepa keneutayexi, 'uka karireutsixi waniwe, 'uweni kaniumaweniri. Hatsuakuri witsipetiyɨritɨ witsipe'anetɨ pepɨkatitahɨawarieni.

Keremiyaxi 51:53

Tsepanetɨ Wawiruniya muyuawitsie paitɨ meuti'axe, meta tsepa mana paitɨ yukuraru mɨtɨrɨkaɨye mutawewi, ne te'unamete nekaniwaranunɨ'amɨkɨ hetsiena mieme —Yawé mɨpaɨ kanaineni—.

Keremiyaxi 51:60

Keremiyaxi tinaka'utɨakaitɨni xapatsie kemɨti'uximatɨarienikekai Wawiruniya, naitɨ hepaɨtsitana raxaxatame.