Keremiyaxi 5:9 - Kakaɨyari Niukieya

⁹ Yawé mɨpaɨ kanaineni: «¿Kareuyewetse mɨkɨkɨ nemɨtiwakwinitɨani? ¿Kareuyewetse mɨkɨ nuiwari mɨya memɨte'u'iyari nemɨtiwarakapitɨanikɨ mɨkɨ kememɨnetsi'uyuri?

Keremiyaxi 5:9 ပူးပေါင်းရင်းမြစ်များ

Keremiyaxi 9:9

Yawé mɨpaɨ kanaineni: «¿Kareuyewetse mɨkɨkɨ ne nemɨtixekwinitɨani? ¿Kareuyewetse teɨteri mɨpaɨ nemɨtiwarakapitɨanikɨ kememɨte'uyurikɨ?»

Keremiyaxi 5:29

Mɨpaɨ kanaineni Yawé: «¿Kareuyewetse mɨkɨkɨ nemɨtiwakwinitɨani? ¿Kareuyewetse mɨkɨ nuiwari mɨya memɨte'u'iyari neta nemɨtiwarakapitɨanikɨ mɨkɨ kememɨnetsi'uyuri?

Nahumi 1:2

Yawé Kakaɨyari mɨtiuyukakwerie kanihɨkɨtɨni meta mɨyɨkɨhɨpa. Yawé mɨyɨkɨhɨpa, Ti'aitame mayu'eriya. Yawé pɨtiwarakapitɨwa kemɨ'ane memeye'unie, mɨwaraye'unie wahepaɨtsita pɨkayuhaxɨapitɨarinɨa.

'Utseyaxi 8:13

Mepɨnetemawirie mawari taiyariyarikɨ meta 'imikierite, waiyari mekwatɨ, ne mɨkɨ pɨkanetsinake. Hikɨ ne ke'axamemɨteyurie naime nepɨkaratɨmaiya, ke'axamemɨte'uyurikɨ mɨkɨkɨ nepɨwaranutaxɨrieni, mekanakunuaxɨakuni 'Ekipitu.

'Utseyaxi 2:13

Nepɨtikwinitɨani mɨkɨ tukaritsie hipame kakaɨyarixi mɨtiwarutimawiriwakaikɨ, kepauka witsitiyukukemaritɨwatɨ nakɨtsatekɨ meta kukakɨ ne kanetsiha'eriwatɨ, yutuxexerima wa'utɨma xeikɨa peyeikakai —Yawé mɨpaɨ kanaineni—.

'Etsekieri 7:9

Ne nepɨkamatsitinenimayata, matsi yanepɨtiyurieni pemɨrayukatɨanikɨ ke'axapemɨtiuyurikɨ. Mɨpaɨ 'ana pepɨretimani kenameta ne Yawé netiyukwinitɨwa.

Hiwerika 4:22

Tsiyuni witsipemɨti'ɨimarikai, kanaye'atɨarieni kepemɨtikwinitɨarienikekai, Kakaɨyari tawariri xeime kwieyaritsie pɨkamatsi'anɨnɨ'ani. Peru 'ekɨ, mɨmariwe 'Erumi kiekariyari, kamani'uximatɨamɨkɨ ke'axapemɨtiuyurikɨ meta naime ke'axapemɨtiuyuri katinitahekɨatamɨkɨ.

Keremiyaxi 44:22

Kepauka Yawé 'ari mɨkatinewiwekai ke'axaxemɨteyuriekaikɨ mɨkɨ kemɨkatinake meta tita mɨtixani'eriwakɨ yaxeteyuriekaku, xekwie 'axa'itɨarietɨ kanayeitɨarieni, 'akumawetɨ, meta ka'akukiepayatɨ kanayeitɨarieni, hikɨ yaxeikɨa pɨ'ane.

Keremiyaxi 23:2

'Ayumieme Yawé mɨpaɨ kanaineni, 'Ixaheri Kakaɨyarieya, teɨteri memɨhɨritɨarie wahetsiemieme: «Xeme neteɨterima xepɨwareutaxɨriexɨa, xepɨwareutaweiyaxɨa yemekɨ xepɨkawa'ɨwiya. 'Ayumieme, ne nekatinixekwinitɨamɨkɨ 'axakexemɨte'uyurikɨ —mɨpaɨ kanaineni Yawé—.

Kitsariyaxi 1:24

'Ayumieme Ti'aitame mɨpaɨ kanaineni, Yawé Naimekɨmɨtɨrɨkaɨye, mɨtɨrɨkaɨye 'Ixaheri hetsiemieme: «Kenemɨtiha'akɨ yanepɨtiyurieni memɨnetsi'aye'unie wahetsie, nekatiniwarakapitɨamɨkɨ mɨkɨ kememɨnetsi'uyuri.

Hutarieka 'inɨari 32:43

»Nuiwarite xekeneyutemamawieka Kakaɨyari teɨterimama wahamatɨa, mɨkɨ yaxeikɨa pɨtiwarakapitɨani te'uximatamete waxuriya memutayeurikɨ. Hikɨ Kakaɨyari yaxeikɨa pɨtiwarakapitɨani memɨxe'aye'unie wahekɨ pɨwa'itieni naime wakiekari meta wakwie».

Hutarieka 'inɨari 32:35

Neta yaxeikɨa 'anemekɨ nepɨtiwarakapitɨani. Kepauka tukari yamɨraye'ani, mepekaxɨrieni. Tukari pehurari mexɨiwa paye'axime kememɨtekwine”.

Mawari 26:25

Ne nekaniwapitɨamɨkɨ memɨxe'aye'unie memɨxekwinikɨ 'ixiparatekɨ, netɨratu kemɨreku'uxakɨ yaxemɨkatekakɨkɨ. Kepauka yukiekaritsie xemɨyehu xeyuta'unake, ne nepɨxe'anunɨ'airieni kwiniya mɨmɨya, meta memɨxe'aye'unie wahetsɨa nepɨxeyetuani.

Kitsariyaxi 57:6

Tetexi ha'ute 'aki'utɨa mieme pemɨtiukuhayewiyarie pɨrayani, yurikɨ, mɨkɨ 'ahetsiemieme pɨrayani. Mɨkɨ wahetsie hatseiti peputiyeuri, hatsi mawariyari pepɨyetua. Mɨkɨ naime mɨyapemɨtiuyurikɨ, ¿'atsinekatitayɨni?

Keremiyaxi 5:10

»Xuruku 'utɨa xekeneutayeixɨa 'ikɨ kaxie mayematsie, xekenayehuna, peru hipame xekeneuhayewa. Xekenamuraxɨa yɨrariyarite, karikɨ mɨkɨ Yawé hetsɨa pɨkamiemete.

Keremiyaxi 32:31

'Ikɨ kiekari memukamatsie paitɨtɨ hikɨta, mɨyamemɨyɨakɨ waɨkawamekɨ mepɨnetsi'uyehaxɨatɨa. 'Ayumieme nehɨxie nepuwakumaweriya,

Hiwerika 3:42

'Axatepɨte'uyuri, temɨkaheu'enana tepɨhɨkɨ, 'ekɨta pepɨka'awaɨriya pemɨtareuyehɨwirienikɨ.

Mawari 18:25

mɨkɨkɨ kwie yukɨmana 'axapuyuyuri. 'Ayumieme nepuwaru'uximatɨa 'axamemɨte'uyurikɨ, mɨkɨ kwie yuteɨterima kaniwaruhayani.

Temaiwawemete 6:29

Kamɨtsɨta kemɨ'ane xeime 'ɨyaya mukumayɨani, hamatɨana mɨkahuni hetsienatsɨ pɨrahɨiyani.

Keremiyaxi 6:6

Mɨpaɨ kanaineni Yawé Naimekɨmɨtɨrɨkaɨye: «Kɨyexi xekeneutiwiteki xekeneutawewi makeme Kerutsareme xemeutahaxɨanikɨ. 'Ikɨ kiekari peuyewetse mɨtikwinitɨarienikɨ, mana nanaimarika xeikɨa muxuawekɨ.

Keremiyaxi 6:11

Peru ne Yawé haxɨayakɨ nepɨhɨne, meta nepɨka'inewieri. «'Ahaxɨa tɨɨri kaye 'utuma memɨye'uwa wahetsie keneukawiwi, metatsiere temari wahetsie, karikɨ mekanitiwiyariekuni memɨneneɨke meta memɨwikie, 'ukirawetsixi meta kwinimieme memɨte'ukirawetsixi».

Keremiyaxi 9:8

Waneni 'ɨrɨ hepaɨ pɨ'anene pɨmɨya, wateni 'itarika xeikɨa pɨmate, 'aixɨa mepɨtekuxata yuhamikuma wahamatɨa, peru yutaɨta mewawiniyatɨwetɨ».