Keremiyaxi 5:7 - Kakaɨyari Niukieya

⁷ «¿Titayari nemereuyehɨwirieka? 'Aniwema mepɨnetsi'uku'eiri, memɨkakakaɨyarixi wahetsɨa mepɨteyuhɨritɨa. Kepauka nemɨtiwakupiniriekai tita memɨteheuyehɨakai, mɨkɨ memɨkayɨ'ɨitama mepɨwarukumayɨa 'ukarawetsixi yuwaɨkawatɨ memɨwakumaɨwa wakiita mepuyukuxexeɨriwakai.

Keremiyaxi 5:7 ပူးပေါင်းရင်းမြစ်များ

Karatsiyatari 4:8

'Anapaitɨ xemɨka'imaikaikɨ kemɨ'ane mɨkakaɨyari, waɨriyarika xekateniyuriekaitɨni kememɨtexe'aitɨakai mɨkɨ memɨkayurikakaɨyarixi.

Keremiyaxi 2:11

¿Kamɨtsɨ xewitɨ nuiwari tiuyeika hipame kakaɨyarixi waruku'eirieka hipame pɨta wareweiyaka, tsepanetɨ mekakakaɨyarixi? Neteɨterima mepɨnetsi'uku'eiri, nemɨmariwe wahetsiemieme, tixaɨtɨ mɨkatiyunaki'erie hekɨ.

Kutsuhexi 23:7

Xepɨka yuxewiriyani 'ena nuiwarite memuxuawe wahamatɨa. Wakakaɨyarixi xepɨkawarayexeiyani wahetsie xepɨkatewiyani meta wahetsiemieme xepɨkateyuhɨritɨaka.

Hutarieka 'inɨari 32:21

Mepɨnetsi'uyehaxɨatɨa kemɨ'ane yuri mɨkakakaɨyarikɨ, nepuyeha'a hipame kakaɨyarixi memɨwarayexeiyakaikɨ. Neta yaxeikɨa nepɨwayurieni nepɨwayehaxɨatɨani kemɨ'ane memɨkaneteɨterima wahekɨ, nepɨwayehaxɨatɨani teɨteri 'axamemɨte'u'iyari wahekɨ.

Tsupuniyaxi 1:5

meta kemɨ'ane yukii heima memukatunuma'uwe, muyuawitsie miemete xurawetsixi mewarayexeiyatɨ, meta kemɨ'ane metitunuma'utɨ, kename Yawé me'ayexeiya memutiyuane, kwitɨwata kakaɨyari Muruki yaxeikɨa memɨtehahɨawe,

1 Kurinitutari 8:4

Merikɨte, 'ikwai hepaɨtsita kakaɨyarixi kememɨtemawiyarie, mɨpaɨ tepɨtemate, tete pɨkaxuawe kwiepa yuri mɨkakaɨyari, xewitɨ pɨkaxuawe kakaɨyaritɨtɨ. Kakaɨyari yuxewitɨ 'akaniuweni xeikɨa.

Keremiyaxi 23:10

'Axamemɨ'itɨariekɨ, kayu'ɨitama wahamatɨa memɨhitɨwe mepɨhɨne 'ikɨ kwieyaritsie, 'ikɨ kwieyari puyuhiwerie meta makumawetsie 'ɨxa putiwa. Kakaɨyari niukametemama 'axamepɨteyurie, yutɨrɨkariyakɨ tita mɨkatiheitseriekɨ mepɨteyurie.

Hutarieka 'inɨari 32:15

»Ketsuruni putawaiyataxɨ meta pɨtiuyeketsi, 'ikwaikɨ xeikɨa putahuxai. Putawaiyataxɨ putatɨrɨkaxɨa. Kakaɨyari puku'eiri tukari mipitɨa, tete putixani'eri mitawikweitsitɨa,

Tsatiyaku 4:4

Neuxei teɨteri hipame wa'ɨitama xemɨwakumaɨwa. ¿Kari mɨpaɨ xepɨkatemate, xɨka tinaki'erieka tita kwiepa mɨtimieme, Kakaɨyari kani'uxiwe'eriekamɨkɨ? 'Ayumieme kemɨ'ane mɨyuwaɨriya tita kwiepa mɨtimieme mɨtinaki'eriekakɨ, mɨkɨ Kakaɨyari 'aye'unietɨ payuyeitɨwa.

Keremiyaxi 12:16

Xɨka yemekɨ meheitimani neteɨterima wahuye, mɨpaɨ kememɨtewaru'ɨkitɨakai neteɨterima Wahari hetsiemieme kememɨteyɨhɨritɨakakɨ, mɨpaɨ xɨka metehetimani kenemɨtitewakɨ xɨka meyuhɨritɨatɨ mɨpaɨ me'utiyuani: “Yawé 'ake'uyeikani yemekɨ”, hikɨ 'ana neteɨterima watsata mekaniyuhayewakuni.

1 Kurinitutari 6:9

Mɨpaɨ xekatemate, mɨkɨ 'axamemɨteyurie wahetsie pɨkatinakeni memaye'axɨanikɨ Kakaɨyari tiwa'aitɨwame mayanikɨ. Xepɨkateyu'irɨwiyaniri. Xɨka 'ikumaɨwani kemɨ'ane mɨkayɨ'ɨya mɨkayɨkɨna, tetexi xɨka warayexeiyani, xɨka 'ikumaɨwani xeime 'ɨyaya, kɨnaya, xɨka 'ukitɨtɨ 'ukari wahepaɨ yɨaneni, 'ukitɨtɨ xɨka 'ikumaɨwani xeime 'uki,

Marakiyaxi 3:5

«Hikɨ ne nekaninuamɨkɨ nexetaxanetake. Ne nemunierixɨ nepaneyeitɨani memɨteyukewaiya wahetsiemieme, memɨwakumaɨwa kayu'ɨitama kayukɨnama, meta memɨte'itawa, teyu'uximayatsiriwamete memɨwakwamana, wiuraxi meta nutuite memɨwananaima, meta 'ateewa kiekatari heitserie memexeiyani memɨkawapitɨa, ne 'etsiwatɨma mekanetsi'ayemakatɨ —Yawé Naimekɨmɨtɨrɨkaɨye mɨpaɨ kanaineni—.

'Amuxi 8:14

Meta mepatixɨrieni yuheyemekɨ 'iya Tsamariya kakaɨyariximama wahetsɨa memɨyuhɨritɨa, meta mɨpaɨ me'utiyuatɨ: “Rani kakaɨyariximama, me'ayeneniereme memɨwa'erie. Meta Weritsewa kakaɨyariximama pemɨwarayexeiya”».

'Utseyaxi 13:6

Ne nepɨtixe'umi xeme xeputihuxai, peru xehuxatɨ xepuyuti'ɨrixɨ meta xepɨnetsihatɨmai.

'Utseyaxi 11:8

»'Epɨrahini, nepɨkayɨwe nemetsiyetuani. 'Ixaheri, nepɨkayɨwe nemetsi'uku'eirieni. Ne nepɨkayɨwe nemetsiyetuani 'Arimaha kenemɨtiyetua hepaɨ. Ne nepɨkayɨwe nemetsi'uku'eirieni Tsewuhini hepaɨ. Netaɨta, ne'iyari pɨkarexeiya, metatsiere nekwinurite panukuyuane.

'Utseyaxi 7:4

Huxunu muwatita'a hepaɨ mepɨ'anene taitsie kɨyexi manunetɨani pɨkaheuyewetse kepauka paa wewiwame harina mɨhawiya kepauka 'aixɨa mɨyɨnike. Yunaitɨ mɨpaɨ mepɨ'anene kayu'ɨitama wahamatɨa memɨhitɨwe.

'Utseyaxi 4:2

Matsi mepɨtexuaweriya 'axamɨti'ane meta 'itarika. Waɨkawa mepɨtenawatɨwe, hipame wahamatɨa mepɨhitɨwe, mepɨteyumemiwa. Xewitɨ xɨka tiuyumieni mɨkɨta xewitɨ pimieni.

'Etsekieri 22:11

Hipatɨta hipame wa'ɨitama mepɨwakumaɨwa, hipatɨta yumu'e'ema mepɨwakumaɨwa, meta hipatɨ mepu'uwa yutaruma mewananaimatɨ wapaapa yuxewikaku.

Keremiyaxi 13:27

Nepɨniere hipame wahamatɨa kepemɨtihune, pemutatsuaka yewa hepaɨ, peka'akatewiyatɨ hipame pewakumaɨwatɨ, meta kemɨtixani'eriwakɨ yapetiyurienetɨ 'ahetsie, yeuta paitɨ meta hɨritetsie. Xɨa'ui 'ahetsie, Kerutsareme. ¿Kepaukake tamɨ pepɨtihayewa peka'itiyatɨ pehɨkɨtɨtɨ?»

Keremiyaxi 9:2

Makumawetsietɨ kii nemɨnexeiyani huye tetsita. Neteɨterima nepuwaruku'eiriwe, 'ateewa nepeyeiwe. Yunaitɨ mɨkɨ hipame wa'ɨitama memɨwakumaɨwa mepɨhɨkɨ, yunaitɨ mepɨnetsi'uku'eiri hipame mepɨwaranukuwei.

Keremiyaxi 3:19

»Ne mɨpaɨ nepɨtiunehɨawixɨ: »“Ne neniwe 'uki hepaɨ nemereuxeiyamɨkɨkaku, kwie yuheiwe'erinɨakame nepɨmatsiyeturienikeyu, 'imikieri yemekɨ witsimɨ'ane 'ikɨ nuiwarite watsata”. Ne mɨpaɨ nepɨtiku'eriwakai “Ne'ukiyari” penetimareke nepɨ'eriekai, meta hatsuaku penetsi'uweiyatɨ pekatihayewake nepɨ'eriekai.

Keremiyaxi 2:31

»Peru xeme, hikɨ miemete, xekeneu'eni Yawé niukieya: ¿Kamɨtsɨ ne makumawe netihɨkɨ yatɨni makumariwe 'Ixaheri hetsiemieme? ¿Titayari neteɨterima mɨpaɨ mete'utiyuane: “Tekanixɨxɨnini, tawari 'ahetsɨa tepɨka'axɨani”?

Nɨawari 50:18

Xɨka tinawayame pe'uxeiya, pepitinɨnɨwe, hipame wa'ɨitama memɨwakumaɨwa wahamatɨa pepuyeika.

Mawari 20:10

»Xɨka xewitɨ yuhepaɨ tewi 'ɨyaya 'ukumayɨani, mɨkɨri yuhutatɨ mekanikwi'iwakuni 'uki meta 'uka.

Hepɨrayutsixi 13:4

Teɨteri xɨka meneneɨkeni, 'aixɨa meketexeiyarieka naime hepaɨtsita, peru yɨ'ɨya meta yɨkɨna hamatɨa xeikɨa mepɨyukumaɨwani, metsɨ, Kakaɨyari 'uximatɨarika kaniwapitɨamɨkɨ mɨkɨ memikumaɨwa kemɨ'ane mɨkawa'ɨya meta mɨkawakɨna.

2 Kemɨtiuyɨ 13:9

Metsɨ xekaniwarayeweiya 'Aruni nuiwarimama, Yawé mawari wewiwametemama memɨhɨkɨ, meta rewitsixi. Mɨkɨ wahetsiemieme hipame mawari wewiwamete xekaniwarutihɨawe, tsepa ke'anetɨ muwa'atɨa xeime tsikeru meta 'atahuta muxatsi 'ukitsi mɨkɨ xekaniwarayeitɨwani mawari wewiwamete memɨkayuri kakaɨyarixi wahetsiemieme, teɨteri Kakaɨyari memɨkamate wahepaɨ xepɨteyurie.

Keremiyaxi 7:9

Xepɨtenawaya, xepɨteyumemiwa, hipame wa'ɨitama xepuwakumaɨwa, 'itarikakɨ xepɨteyɨhɨritɨa, Wahari 'ɨkwa xepɨtairietɨwe, hipame kakaɨyarixi xepuwaruweiya hatsuaku xemɨkawaretima,

Keremiyaxi 16:11

Hikɨ mɨpaɨ pekatiniwata'eiyamɨkɨ: “Meripaitari xe'ukiyarima memɨnetsi'uku'eirikɨ, hipame pɨta kakaɨyarixi memuwaranukuweikɨ, metewa'uximayatsirietɨ memakɨkɨ meta mewarayexeiyatɨ 'ayumieme xepɨte'anuyehu. Ne mepɨnetsi'uku'eiri, 'inɨari niukiyari mepɨkahaye'atɨa —Yawé mɨpaɨ kanaineni—.

Keremiyaxi 16:20

¿Kamɨtsɨ tiyɨwe tewi yukakaɨyarixi mɨwarutiwewieni? Matsi mɨkɨ mepɨkakakaɨyarixi».

Hiwerika 3:42

'Axatepɨte'uyuri, temɨkaheu'enana tepɨhɨkɨ, 'ekɨta pepɨka'awaɨriya pemɨtareuyehɨwirienikɨ.

Kuwi 31:12

'Ɨkwari mɨreuyehɨani hepaɨ pɨtimatsiɨkɨnike. Naime mɨrakɨxɨtsitɨa tita nemɨtiuka'e nanayari 'ɨarime hepaɨ.

Keremiyaxi 3:8

yaxeikɨatatsiere punierixɨ kenemɨtiku'eiri 'Ixaheri mɨnetsihehɨa, 'eiriya xapayari kenemɨtitawewiri hipame wahamatɨa mukahuikɨ. Mɨyatɨtɨ taruya, Kura 'axamɨtiuka'iyari, pɨka'utima, yaxeikɨa pɨnetsi'uku'eiri, hipame wahamatɨa hunetɨ kanayani.

Keremiyaxi 9:1

Nemu'u haixa xɨka hɨkɨtɨnike, meta nehɨxite 'ukai haixayari, tukarikɨ meta tɨkarikɨ nemutsuanenikɨ, neniwe 'uka teɨterimama memukwi'iwaxɨkɨ.