Keremiyaxi 5:6 - Kakaɨyari Niukieya

⁶ 'Ayumieme maye yeutanaka pɨtiwakwinitɨani meta puwatikwani 'ɨrawe makumawetsie kiekame, wakiekarite hɨxie tɨwe puhupa wahupietɨ, kemɨ'ane muwayeyani pɨtatsanarieni, waɨkawa 'axamemɨte'uyurikɨ meta mɨiremekɨ yamemɨkatekakɨkɨ.

Keremiyaxi 5:6 ပူးပေါင်းရင်းမြစ်များ

Tsupuniyaxi 3:3

'Itsɨkate mana memanuka'u mayetsi memɨtehaketɨkɨka wahepaɨ mepɨ'anene, wakuwexinaruritsixi 'ɨrawetsixi yɨwikɨta memuku'uwa mekanihɨkɨtɨni tita memɨtetakwani tixaɨtɨ mepɨkatekuhayeikawa memɨkakayeikienikɨ.

'Awakuki 1:8

Wakawayutsixi tɨwexi wareuyeta mepayɨwawe, 'ɨrawetsixi tɨkakɨta miemete wareuyeta mepɨte'u'iyari. Kawayutsixi wahetsie me'utetɨ yumɨiretɨ meputinanautsa, memutei 'atewapaitɨ mepaneika. Wirɨkɨxi kememɨte'uxɨrɨwe memɨtetakwanitsie mɨpaɨ mekateniyumateni.

Keremiyaxi 4:7

Maye yuterɨta kanewayeyaniri, xewitɨ nuiwarite 'uname kanayeyaniri, yukie kanayeyaniri 'akwie 'akumaweme mɨhayewakɨ, 'akiekarite 'u'unitɨ kaniyuhayewamɨkɨ meta yemekɨ kiɨripa kanayeimɨkɨ.

'Etsekieri 22:27

Kiekaritsie memɨ'itsɨkate, yawixi memayu'eririya mepɨhɨkɨ yeutari memɨwakwa'a, mekanitahupani xeikɨa xuriya metayeurienike, hipame mewakwikutɨ, mɨpaɨ memɨte'iwanikɨ 'axa'anemekɨ.

Matsiɨkɨtɨ kemɨratɨa 13:2

Mɨkɨ yeutanaka nemuxei tɨwe hepaɨ katiniyuxexeiyakaitɨni, hutse hepaɨ re'ɨkatɨ, meta maye hepaɨ retenitɨ. Hikɨ kuu 'amɨtimariwe yɨtɨrɨkariya kanipitɨani, heitserie kanipitɨani mɨti'aitanikɨ 'uwenitsie 'akaitɨ hakewa kuu 'amɨtimariwe mɨre'aitakai, meta heitserie waɨkawamekɨ kanipitɨani.

'Utseyaxi 5:14

Ne maye nepayani 'Epɨrahini hetsiemieme, maye nunutsita Kura hetsiemieme. Ne nekɨmana nekaniwatitsanamɨkɨ, meta nekaniyemieni, nemiwiyaxɨ ne'atɨtɨ, nixewitɨ pɨkayɨweni mɨnetsi'unawairieni.

Tanieri 7:6

»Tawarita xeime 'ɨrawe nekaniuxeiya, mɨkɨ hatɨwe hepaɨ kani'anekaitɨni, peru 'anate naukame yuwaritsie pexeiyakai, memɨtekɨwɨtɨwe wa'anate hepaɨ 'aneneme. Mɨkɨ 'ɨrawe naukame mu'ute kanexeiyakaitɨni, meta tɨrɨkariya kaniupitɨarieni mɨtita'aitakɨ.

Tanieri 7:4

»Mexɨakame maye hepaɨ katiniyuxexeiyakaitɨni, matsi 'anateya kwixɨ 'anateya hepaɨ kani'anenekaitɨni. Mexi 'akuxi ne ne'ixeiyakai, 'anateya namuriyariexɨani, kwiepa kananukuhanieni, waɨriyarika mekanipitɨani yu'ɨkatekɨ 'amɨtakenikɨ, tewi mɨhɨkɨtɨni hepaɨ. Meta tewi 'iyarieya kaniupitɨarieni.

'Etsekieri 23:19

Peru matsi mɨkɨ yɨmɨireme wahamatɨa kaniukahuni, 'ɨimariyari ku'eriwatɨ kepauka 'Ekipitu hipame wahamatɨa muhunekai hepaɨ.

'Etsekieri 16:25

'Etsikinatsie naitsarie pepikuwewiexɨa, muwa pemɨwarayexeiyanikɨ. 'Ateurite pepɨwa'eiririe kemɨ'ane tsepa 'a'aurie muyemie, wahamatɨa pehunetɨ pepɨkatihayewakai.

Hiwerika 1:5

Memɨwaraye'uniekai metewa'aitɨatɨ mekanakɨne, kayuwatɨ mekaniu'uwani memɨwaraye'unie. Yawé kaniwaru'uximatɨani, waɨkawa 'axamemɨte'uyurikɨ. Waniwema mekanewitɨkieni 'ateewa paitɨ, memɨwaraye'unie hau'erietɨ mekaniwaruhapaximekaitɨni.

Keremiyaxi 49:19

»Kurutani mɨ'ɨtsiyata maye mayeneika makutsiɨraɨye 'ɨxapa yapauka mɨ'axe hepaɨ, yapauka neniwatimariutamɨkɨ 'erumitsixi, wahetsiemieme xeime nekananayexeiyamɨkɨ. Tawari Kakaɨyari pumawe nehepaɨ 'anetɨ. Xewitɨ mɨnetsita'iwa pɨkayɨwe. Nixewitɨ muxatsi wahɨweme netsi 'aye'unietɨ pɨka'ayeiwe».

Keremiyaxi 30:24

Yawé haxɨaya pɨkatihayewa matsi kemutayɨ naitɨ pɨraye'ani 'iyarieya kemɨtiyɨkɨhɨawe. Naime 'ikɨ hetsie xekatenetimaikuni 'imatɨrieka tukariyaritsie.

Keremiyaxi 30:14

Yunaitɨ memumatsinaki'eriekai mepumatsi'uku'eiri, mepɨkamatsiha'eriwari. Waɨkawa 'axapemɨtiuyurikɨ, meta mɨmɨirekɨ ke'axapemɨtiuyuri, nekamenanayewayani nekamenayemari'itɨwani, xewitɨ mɨrayuye'unie kemɨrayurieni hepaɨ.

Keremiyaxi 25:38

Maye yuterɨ kemɨtiuku'e'eiriwa hepaɨ Yawé yukwie mɨpaɨ katiniuku'eirieni, 'ixiparakɨ mɨtiyumemiwakɨ, Yawé haxɨaya mutatawekɨ.

Keremiyaxi 14:7

Tsepa ke'axatemɨte'uyuri tahetsie mɨrahɨpa, peru 'ekɨ Yawé, 'aixɨa pemɨramamatiwanikɨ yaketineuyuri, waɨkawamekɨ yatepɨkatekahu, 'ahepaɨtsita 'axatepɨte'uyuri.

Keremiyaxi 2:19

'Axakepemɨtiuyuri mɨkɨ 'ahetsie pɨrahɨani, heitserie yapemɨkatikatɨakɨ pepe'atimani. Keneutimaixɨa ke'axamɨ'ane meta kemɨtiuka'eniexɨani xɨka Yawé 'akakaɨyari 'uku'eirieni meta xɨka pekanetsi'ayemakatɨ pe'ayani —Ti'aitame mɨpaɨ kanaineni, Yawé Naimekɨmɨtɨrɨkaɨye—.

Keremiyaxi 2:17

Mɨpaɨ pekatinanuyemieni 'akakaɨyari Yawé pemuku'eirikɨ, mɨmatsi'uwitɨximekai 'ahuyeta.

Keremiyaxi 2:15

Mayetsi meputitsua hetsiena mieme, mepuyutihaxɨatɨa karima hetsiena mieme. Kwieya yuxaɨtame puyuhayewaxɨ, kiekariteya naitɨ putitaiyarie, nixewitɨri mana pɨka'uka.

Kitsariyaxi 59:12

'Ekɨ pepɨtimate waɨkawamekɨ temɨtehayuye'uniekɨ, tita 'axatemɨte'uyuri pɨtatsixaneta. Temɨtehayuye'unie tahamatɨa 'apuyeika, 'axatemɨte'uyuri tepɨmate.

Nɨawari 104:20

'Ekɨ yɨriya pekani'atɨwani, kani'axeni, hikɨ mɨkɨ tɨkaritsie yutawima memɨteku'uwa yeutari mekanewayekɨkani.

'Etsitɨraxi 10:10

Hikɨ mawari wewiwame 'Etsitɨraxi 'utakeka mɨpaɨ katiniwarutahɨawe: —Xeme 'axaxepɨte'uyuri, mɨpaɨ xeteyurietɨ xepitimɨiriyaxɨ 'axamɨti'ane 'Ixaheri hetsie mɨrahɨiwanikɨ, hipame 'ukarawetsixi xekaniwarutiwitɨni hipame kakaɨyarixi memɨwarayexeiya.

'Etsitɨraxi 9:6

nenewierikɨ mɨpaɨ nekatinitahɨawe: «Nekakaɨyari, nepuyuxamurie meta nepeunetewiya nemɨmatsi'anutixeiyakɨ, ke'axatemɨte'uyuri mutimɨirixɨkɨ matsi pɨtatsi'anukateukixɨ teyunaime, tahetsie ketemɨte'uhɨpa muyuawitsiepairi kaniye'ani.

'Inɨatsie 32:14

»Xemeta hikɨ 'axateyuruwamete, yaxeikɨa xekateniyurikuni xepaapama wahepaɨ Yawé haxɨaya tawarita xekaninɨitɨakuni 'ixaheritsixi wahetsiemieme.

Nɨawari 80:13

Tuixuri yeutari mekanikumaweriyarɨmeni, yeutari mekanikwaka.

Keremiyaxi 8:5

¿Titayari kamɨtsɨ 'ikɨ teɨteri humete'uyunixɨ? ¿Titayari Kerutsareme 'uyupataka katiyuwaɨriya munuanikɨ tawari? 'Itarika mepɨkataunie, meta mepɨkayuwaɨriya nehetsɨa memɨ'axɨanikɨ.

Keremiyaxi 30:15

¿Ketitayari pera'aiwa 'akukuiniyakɨ, panatsi 'akukuiniya yu'uayemarinɨa? Ke'axapemɨtiuyuri pɨtimɨire meta waɨkawamekɨ 'axapemɨtiuyurikɨ, 'ayumieme mɨyanekametinipitɨaka.

2 Kemɨtiuyɨ 36:14

Yaxeikɨata mawari wewiwamete wa'ukiyarima meta teɨteri waɨkawa 'axameteyurietɨ mekanakɨne, hipame nuiwarite wa'aurie kiekatari wayeiyari 'axamɨ'anene mepanukuwei, hikɨ tuki ka'itiyakame mekanayeitɨani Yawé yuhetsiemieme patsiekame mayeitɨakai Kerutsareme kiekariyaritsie.

Kuwi 10:16

Xɨka ne'anukukeni, maye hepaɨ xeikɨa pepɨnetsitahupie 'etsiwa xeikɨa xɨka ne'ukuyuani 'atɨrɨkariya nepuku'eniwa.

Kitsariyaxi 1:23

Te'aitamete 'ahetsɨa miemete mepunetsi'aye'unie, tenawayamete mepuwa'iwama, yunaitɨ 'itarikakɨ metekuxatatɨ memɨtepitɨariekakɨ mepɨnaki'erie tixaɨtɨ xeikɨa mepɨte'iwaku. Nutui hetsiemieme mepɨkahaniutɨka, meta wiura hetsiemieme.

Keremiyaxi 2:31

»Peru xeme, hikɨ miemete, xekeneu'eni Yawé niukieya: ¿Kamɨtsɨ ne makumawe netihɨkɨ yatɨni makumariwe 'Ixaheri hetsiemieme? ¿Titayari neteɨterima mɨpaɨ mete'utiyuane: “Tekanixɨxɨnini, tawari 'ahetsɨa tepɨka'axɨani”?

Keremiyaxi 8:7

Wikixitɨtɨ muyuawitsie memu'uwa mepɨtemate xeiwiyaritsie watukari kemɨraye'axe, Kukuru meuyɨwi meta 'itsitame meta waurai mepɨtemate kepauka xaɨtsie pɨta memɨyehu. Peru neteɨterima mepɨka'imate Yawé 'aitsikateya.