Keremiyaxi 5:3 - Kakaɨyari Niukieya

³ Yawé, 'ekɨ pepɨtikuwaune 'ateɨterima yamemɨtekahunikɨ. Pepɨtiwarukwinitɨa mɨkɨ teɨteri, matsi pɨkawarekwinixɨ, pepɨwarutayuniyaxɨ, matsi mepɨka'uyuwaɨri 'aixɨa memuyuyurienikɨ. Yunierika meputseiriyaxɨ 'ai hepaɨ, mepɨka'uyuwaɨri memɨtehayewakɨ.

Keremiyaxi 5:3 ပူးပေါင်းရင်းမြစ်များ

Keremiyaxi 7:28

Hikɨ mɨpaɨ pepɨtiwatahɨawe: “'Ikɨ nuiwari mepɨhɨkɨ Yawé yukakaɨyari niukieya memɨka'u'eni, muwataheitseritɨanikekai memɨka'itanaki'eri. Tita yuri mɨraine wahetsie pumawe meta wateta.

Keremiyaxi 2:30

»Yakɨ xeikɨa nepɨtiwakwinitɨa neteɨterima, kenemɨtiwaheitseritɨa mepɨka'eniku. Maye mɨkatiuyukamariya hepaɨ, xe'ixipara puwarutikwai Kakaɨyari niukametemama xehetsɨa miemete.

Tsupuniyaxi 3:7

Kiekari mɨpaɨ nepɨtiutahɨawixɨ: “Yurikɨ pepɨnetsi'ayemakaxeni, kenemɨmetita'ɨxatsitɨani pepeu'enani”. Hikɨ 'ayumieme wakiekari pɨkaka'unarienikekai, naimekɨ nemɨtita'aitɨakaikɨ. Peru mɨyatɨtɨ, meyumexɨitɨatɨ mekanakɨne pɨta 'axamemɨteyurienikɨ naime hepaɨtsita.

Kitsariyaxi 9:13

Peru teɨteri mɨpaɨ mepɨkatehetimaiwawe kemɨ'ane mɨyɨane mɨtiwakwinitɨa, Yawé Naimekɨmɨtɨrɨkaɨye mepɨkatiwauwawe.

2 Kemɨtiuyɨ 16:9

Yawé naitsarie kwiepa kanitaniereni, mɨwaparewienikɨ hetsiena mieme yamemɨtekahu. Peru hikɨ 'ena mɨtiyehane pekanimierienemɨkɨ, 'axatiyurienetɨ muyutemawie hepaɨ pemɨtiuyurikɨ».

Kitsariyaxi 42:25

'Ayumieme Yawé hetsiena yuhaxɨa pukawiwi, haxɨa kuyaxa mieme pipitɨa. Taikɨ penukana, peru 'atsipɨkaretima, pitaxɨtsitɨa, matsi mɨkɨ yakɨ yɨaneme puta'eri.

Hepɨrayutsixi 12:9

Mɨkɨ meta, tepɨwarexeiyakai tapaapama memɨteɨteritɨkai, mɨkɨ metate'ɨkitɨakaku 'uximatɨarikakɨ tepɨwareu'eniekai. Hikɨ matsi yemekɨ peuyewetse temi'enieka 'iyarite wa'ukiyari para temayenenierenikɨ.

Xumatari 2:2

Tame mɨpaɨ tepɨtemate, Kakaɨyari yuri haitɨ mɨwaranutaxɨrɨwakɨ mɨkɨ mɨya memɨteyurie.

'Etsekieri 24:13

»”Kerutsareme, ne nepɨmatsi'itimɨkɨkai 'aixɨa nematsiyurimɨkɨkai, ke'axapemɨtiyurienekai 'ahiwe'erikakɨ, peru pepɨka'uyutawaɨri 'aixɨa nematsiyurienikɨ. 'Ayumiemeri, peka'itiyatɨ pekanayeimɨkɨ, 'atsitake petikwineme nehaxɨakɨ.

Keremiyaxi 32:19

Kepemɨtiku'eriwa pumamariwawe, yemekɨ witsipɨ'anene 'a'uximayatsika. Pepuwataxeiya yunaime teɨteri kememɨteyurie, yuxexuime yapemɨtiwarakapitɨanikɨ kememɨtekakɨ meta kememɨte'u'uximayataxɨakɨ.

Keremiyaxi 19:15

«Yawé mɨpaɨ kanaineni Naimekɨmɨtɨrɨkaɨye, 'Ixaheri Kakaɨyarieya: “Neniuki xemɨka'eniekɨ 'ikɨ kiekari meta naitɨ kiekarite 'auriena mamanetɨka, xehetsie nekanenɨ'amɨkɨ naime 'uximatɨarika nemɨxehaxaxatɨwakai”».

Keremiyaxi 7:26

Mɨyatɨtɨ yamepɨkatekakɨ mepɨkanetsi'anu'eni, matsi yu'iyari meputseiriyaxɨ yu'ukiyarima wareuyeta mete'u'iyaritɨ mepakɨ”.

Kitsariyaxi 48:4

Ne nemɨtimaikaikɨ 'ekɨ pemɨ'iyari tse'i, 'akɨipi tepɨa mɨhɨkɨkɨ, meta 'anierika wurunitse mɨhɨkɨkɨ.

Temaiwawemete 27:22

'Axamɨtiyuriene yutemawietɨ tsepa meuyetɨxiwa heiwa meta hutarieka, tsepa pemitɨxɨni matatsie 'ikú hepaɨ, hawaikɨ pɨkanawaiyarieni kemɨtiyuriene.

Temaiwawemete 23:35

Mɨpaɨ peputaineni: «Nepeutiweiyaxɨa, matsi pɨkanetsihekwinixɨ, Nekaneutiweiyaxɨani, matsi pɨkanetsi'ukukuine. Kepauka pemanutaniere mɨpaɨ pepɨti'erieni, tawarita nepikuwauni 'etsiwa nemenu'ienikɨ».

Temaiwawemete 22:12

Yawé mɨtimaiwe pɨ'ɨwiya kemɨ'ane waɨkawa mɨtimate, matsi kemɨ'aneta mɨti'itawa niukieya kani'uxiwe'erieka.

Temaiwawemete 21:29

'Axamɨtiuka'iyari kemɨtiyuhɨawixɨ kename 'aixɨa 'ane putaine, matsi tewi heitseriemekɨ yamɨtikamie kemɨtiuyeikakɨ kaniyuti'eriexɨamɨkɨ.

Nɨawari 51:6

Ne mɨpaɨ nepɨtimate 'ekɨ tita yuri mɨraine pepɨnaki'erie, 'ekɨ ha'awiekamekɨ pepɨnetiuta'ɨkitɨa nemɨtimaiwenikɨ.

2 Kemɨtiuyɨ 28:22

Tsepa waɨkawa mu'uximatɨariekai, ti'aitame 'Akatsi kaniyeweiyakaitɨni Yawé ka'enietɨ.

Mawari 26:23

»Tsepanetɨ 'ikɨ naitɨ mɨyamɨtiɨyɨ, xɨka matsi 'akuxi kenemɨtiwa'ɨkitɨa newa'uximatɨatɨ meka'i'enieni, matsi xɨka 'akuxi menetsi'aye'unietɨ meyewekani,

2 Te'aitamete 1:13

Hairieka ti'aitame xeime kuyaxi tiwa'aitɨwame kanenɨ'ani yaxeikɨa huta tewiyari heimana tamamata kuyaxi warawitɨkɨme. Kepauka 'ikɨ kuyaxi tiwa'aitɨwame munua hakewa 'Eriyaxi mekatei, hɨxiena kaniukatunumakeni meta mɨpaɨ katinitawawirieni: —Tewi Kakaɨyari hetsɨa pemɨmieme, neuxei kwerietɨ nepɨmatsiwawirie netukari hetsiemieme meta 'ikɨ huta tewiyari heimana tamamata mate'uximayatsiriwamete wahetsiemieme, pepɨkatatsikukukuyani.

Keremiyaxi 8:5

¿Titayari kamɨtsɨ 'ikɨ teɨteri humete'uyunixɨ? ¿Titayari Kerutsareme 'uyupataka katiyuwaɨriya munuanikɨ tawari? 'Itarika mepɨkataunie, meta mepɨkayuwaɨriya nehetsɨa memɨ'axɨanikɨ.

Keremiyaxi 35:13

«Mɨpaɨ kanaineni Yawé Naimekɨmɨtɨrɨkaɨye, 'Ixaheri Kakaɨyarieya: “Kenemie yunaime teɨteri Kura meta Kerutsareme kiekatari mɨpaɨ ketiniwaretahɨawi: 'Ikɨkɨ mɨpaɨ xeketenetimati meta ne'aitsika xekenaye'atɨa —Yawé mɨpaɨ kanaineni—.

'Etsekieri 2:4

Ne nematsinɨ'a teɨteri memɨkaheu'enana memɨtsetse'i wahetsɨa, mɨpaɨ pemɨtiwarayehɨtɨanikɨ: “Yawé naimekɨmɨyɨwe mɨpaɨ kanaineni”.

Tanieri 9:13

»”Yawé meta Kakaɨyari, naitɨ 'ikɨ 'uximatɨarika tahetsie kaninuani, Muitsexi xapayatsie 'inɨari niukiyaritsie kemɨre'uxa, mɨyatɨtɨ 'akuxi tepɨkatekuwautɨwe pemɨtatsitinenimayatakɨ. Tita'axamɨti'ane tepɨkateku'eiriwawe meta tepɨkayumexɨitɨa 'aniuki yuri maine temɨ'enienikɨ.

'Amuxi 4:6

»Ne haaka nekaniutixuawitɨani naitsarie xekiekaritetsie, paa memɨkakwakakɨ yanepɨtiuyuri xemukutetɨkatsie. Mɨyatɨtɨ, xeme nehetsɨa xepɨka'u'axɨa —Yawé mɨpaɨ kanaineni—.

Tsutɨarika 19:34

'Uxa'arieka, 'amɨyumate mɨpaɨ yutaru katiniutahɨawe: —Neuxei, ne hikɨ tɨkaritsie nepaapa hamatɨa nepukahui. Yaxeikɨata hikɨ taikai tepiti'itɨani, 'ekɨta hamatɨana pepɨkahuni, mɨpaɨ teyɨme tanuiwarima tepɨwarayexeiya.

1 Te'aitamete 13:33

Mɨyatiuyɨkutɨtɨ, Keruwuhani pɨkatiuhayewaxɨ 'axatiyurienetɨ, matsi pɨta tawari mawari wewiwamete kaniwaranuka'uitɨani tsepa kemɨ'ane tewi kakaɨyarixi memɨte'atimawiyarɨwa miemete memakɨnekɨ. Kemɨ'ane mawari wewiwame meuyeimɨkɨkai mɨkɨ tukiteta, mɨkɨ pɨwaranuka'uitɨwakai.

Nɨawari 51:8

Keneneupitɨa temawierika, temawierika keneupitɨa 'ikɨ 'umete pemika'unaxɨ.

Nɨawari 55:20

Yumamate teikɨ mepetsetsera yuhamikuma wahepaɨtsita, peru mepɨkatehaye'atɨwa kememɨteyutipiniri.

Kitsariyaxi 26:11

Yawé, 'amamá pepanukuhana, peru mɨkɨ mepɨka'ixeiya. 'Ateɨterima wahetsiemieme kepemɨti'ɨtetsa meke'ixeiya, 'ana meke'uyutitetewiya, taikɨ meke'utixɨtsitɨarieni memɨmetsi'aye'unie muwahetsiemieme.

Keremiyaxi 3:3

'Ayumieme pɨkawiyemɨkɨ, 'ayumieme taxarita mieme wiyeri pɨkanua. 'Ukaratsi tuminikɨ muyuwitɨnɨa hepaɨ pepɨti'akɨhɨawe, tewiyarika pepɨkamate.

Keremiyaxi 15:7

Kiekari kitenie nekameneuyewiwimɨkɨ nakitsaraɨkɨ. 'Ekɨ 'aniwema 'ukitsi yunaime nekameninawairiemɨkɨ, neteɨterima yunaime nekaniwaka'unamɨkɨ, 'axameteyurietɨ memɨkate'uhayewaxɨkɨ.

Keremiyaxi 17:23

Peru mɨkɨ mepɨkanetsihanu'eni yamepɨkatekakɨ, matsi pɨta mekaheu'enanatɨ mepayuyeitɨa, memɨ'enananikɨ mepɨka'uyuwaɨri meta memɨta'ɨxatsitɨarienikɨ’.

Keremiyaxi 44:10

Matsi, hikɨ 'akuxi nehɨxie xepɨkatehayewaku kexemɨteyurie meta xepɨkatimamawawe, ne'inɨari niukiyari meta ne'aitsikate kemaitɨka mɨpaɨ xepɨkate'u'uwa, nemɨxeyetuiri xeme meta xetutsima”.

'Amuxi 4:8

Hau'erietɨ mekaneu'uwakaitɨni tsepa kemɨ'ane kiekaritsie teɨteri haa mekuwautɨwetɨ, peru yaxeikɨa mepɨteheuharikukai. Mɨyatɨtɨ, xeme nehetsɨa xepɨka'u'axɨa —Yawé mɨpaɨ kanaineni—.

'Amuxi 4:9

»Wa'etsaripa 'utsikari wahekɨ nepɨwaru'uximatɨa meta mɨtitiwanikɨ, 'utsikari naime mepɨteheukuxɨxɨa waharawerita meta kaxie memɨwa'etsatsie, wapiní meta wahuriwu. Mɨyatɨtɨ, xeme nehetsɨa xepɨka'u'axɨa —Yawé mɨpaɨ kanaineni—.

'Amuxi 4:10

»Waɨkawa 'uximatɨarika nepenɨ'a 'Ekipitu hepaɨ. Temari 'aixɨa memɨ'anene 'ixiparakɨ nepɨwarukwi, wakawayutsixi yunaitɨ meputiwiyarie. Yanepɨtiuyuri yutsurita memi'ɨkwekɨ mɨkite wa'ɨakariyari. Mɨyatɨtɨ, xeme xepɨkanetsihaye'eri —Yawé mɨpaɨ kanaineni—.

'Amuxi 4:11

»Ne nepɨxe'uka'unaxɨ Tsuruma meta Kumuxa hepaɨ, tɨɨyari xeikɨa xepuyuhayewaxɨ tai mihayewaxɨ hepaɨ. Mɨyatɨtɨ, xeme xepɨkanetsi'aye'eri ―Yawé mɨpaɨ kanaineni―.