Keremiyaxi 5:12 - Kakaɨyari Niukieya

¹² Mɨkɨ Yawé hepaɨtsita mekateniu'itani, mɨpaɨ paitɨ matsi mekaniutiyuaneni: «Kakaɨyari pɨka'uyeika. Tahetsie 'axati'anetɨ pɨkatinuani, kuyaxa tahetsie pɨkanuani meta haakaxa».

Keremiyaxi 5:12 ပူးပေါင်းရင်းမြစ်များ

2 Kemɨtiuyɨ 36:16

Peru mɨkɨ Kakaɨyari nɨ'arimama mepɨwananaimakai, waniuki mepɨka'eniekai, 'axamepɨtewakumamatekekai Kakaɨyari niukametemama. Hikɨ 'imatɨrieka, Yawé yuhaxɨa kaniutatuani teɨteri wahetsie, pumawekai xewitɨ wahetsie mɨtanuani.

1 Tsamuheri 6:9

xekenetaxeiyani. Xɨka Weti-Tsemetsi heye'ani yukwieyaritsie paitɨ, mɨpaɨ tepɨtehetimani kename Yawé tiyuriene mɨyamɨtatikwinitɨa. Peru xɨka kaxeta xaɨtsie heukuyune, mɨpaɨ tepɨtehetimani kename mɨkɨ katatsi'uyuri, kename takɨmana tete'utikwikwinixɨ».

Hutarieka 'inɨari 29:19

»Xɨka xewitɨ xeme, timaitɨtɨtɨ 'ikɨ niuki kemaine, xɨka 'aixɨa tiuyeikame yu'erieka, mɨpaɨ tiku'eriwani: “'Atsinepɨkayɨni, tsepa ne yanemɨtiyuriene kemɨnetinake”, mɨkɨ tiyurieyu yunaitɨ xepɨka'une.

1 Wani 5:10

Kemɨ'ane yuri mɨti'erie Kakaɨyari Nu'ayatsie mɨkɨ kemɨtiutahekɨataxɨ pexeiya yuhetsie. Kemɨ'ane Kakaɨyari yuri mɨkati'eririe, mɨkɨ Kakaɨyari ti'itawame kanayeitɨwani, yuri mɨkatiuta'erikɨ kemɨtiutahekɨataxɨ Kakaɨyari yuniwe hepaɨtsita.

Mikeyaxi 3:11

Wa'itsɨkate metepitɨarietɨ xeikɨa 'aixɨa mepɨteyurie, wamawari wewiwamete mepɨwa'ɨxatsitɨa meteyuwiyatɨ, meta wakakaɨyari niukametemama tuminikɨ xeikɨa mekatenikuxatani kemɨtiyɨni, 'imatɨrieka matsi, Yawé hetsie mekaniyutɨrɨkariyani, mɨpaɨ mekaniutiyuaneni: «¿Tamɨ Yawé tahamatɨa katiuyeika? Tame hawaikɨ 'axatepɨka'itɨarieni».

Mikeyaxi 2:11

Xɨka xewitɨ tixe'itaiyamɨtɨ, xɨka nuani ti'itawatɨ mɨpaɨ tixe'utahɨawe: «Ne nepɨtixetahekɨatɨani kaxie winuyari meta kaxie hayari wahepaɨtsita», 'ikɨ teɨteri Kakaɨyari niukameya mepayeitɨani.

'Etsekieri 13:6

Kememɨteneniere pɨtiyakɨ, kememɨtemaiwawe yakɨ meputiyuane. Mɨpaɨ meputiyuane: ‘Yawé mɨpaɨ kanaineni’, peru Yawé kawanɨ'akaku, peru mɨkɨ mepɨta'ikwewa waniuki maye'atɨarienikɨ.

Keremiyaxi 28:4

Metatsiere Kekuniyaxi Kuhatsimi nu'aya, Kuratsie ti'aitame, 'ena nekani'atɨamɨkɨ meta yunaime Kuratsie kiekatari kemɨ'ane memehapanie Wawiruniya paitɨ. Wawiruniyatsie ti'aitame yukuya nekanitamuramɨkɨ. Ne Yawé mɨpaɨ nekanaineni”.

Keremiyaxi 5:31

Kakaɨyari niukametemama 'itarikakɨ mepɨtekuxata, mawari wewiwamete mepɨte'aita kemɨtiwanake, meta neteɨterima mɨpaɨ pɨtiwanake. Peru, ¿Kexeteyurieni xeme kepauka naitɨ mɨtinɨretsie?

Keremiyaxi 4:10

Ne mɨpaɨ nekaniutayɨni: «Neuxei, Yawé nekakaɨyari, pepɨwakwamanane 'ikɨ teɨteri meta Kerutsaremetari. Mɨpaɨ peputayɨ: “Kayuwatɨ mepexeiyani”, peru xɨari 'ixipara wakɨipitɨa peuwe».

Nɨawari 10:6

Mɨpaɨ katiniyukɨhɨaweni: «Nitixaɨtɨ pɨkanerekahɨani. Yanetinetemawietɨ 'anepuyeikani. Hatsuaku 'uximatɨarika nepɨkahekaxeiya».

Temaiwawemete 30:9

Waɨkawa xɨka nerexeiyani nepɨmatsihatɨmaiyawe, mɨpaɨ ne'utaitɨ: “¿Yawé kemɨ'ane pɨhɨkɨ?” Meta xɨka 'etsiwa xeikɨa nerexeiyanike tinawayame nepayeiwe, 'ekɨ nekakaɨyari 'axapemɨtitahɨawarienikɨ xeikɨa.

Keremiyaxi 14:22

¿Kamɨtsɨ tiyɨwe xewitɨ kakaɨyari wewiyakametɨtɨ wiyeri manayenɨ'ani? Yawé meta pemɨtakakaɨyari, ¿tamɨ 'ekɨ pekatihɨkɨ wiyeri pemeyenɨ'awa, muyuawi yuxaɨta pɨkayɨwe? Naime 'ekɨ 'ikɨ pepɨtiutawewi, 'ayumieme tepɨta'ikwewa 'ahetsie.

Keremiyaxi 43:1

Kepauka Keremiyaxi mɨtiutahayewaxɨ teɨteri tiwakuxaxatɨwatɨ naime Yawé Kakaɨyari kemɨtitahɨawekai kemɨtiwataxatɨanikekai,

Nɨawari 14:1

'Atsimɨkatimate yu'iyaritsie mɨpaɨ kaniutaineni: «Kakaɨyari pumawe». Mɨkɨ mepɨtipɨnirɨme, xani'eriwamekɨ yameteyurietɨ. Xewitɨtɨma pɨka'uyeika 'aixɨa tiyurienetɨ.

Keremiyaxi 2:6

Hatsuaku mɨpaɨ mepɨka'utiyua: “¿Hakewari Yawé 'Ekipitu mɨtatsihayewitɨ, makumawetsie mɨtatsi'uwitɨximekai, 'uwakikaku kweriwa'anekɨa, tixaɨtɨ mɨkaraxuawetsie meta 'umariwekaku, hakewa xewitɨ muka'anuyeikatsie meta xewitɨ muwa mɨkakietsie?”

Keremiyaxi 6:14

Neteɨterima mepɨwa'uayema herie miemekɨ xeikɨa, meta mɨpaɨ mepɨtewarahɨawe: “Kayuwatɨ puma, kayuwatɨ puma”, 'aixɨtsɨ kayuwatɨ mɨka'umatsie.