Keremiyaxi 5:1 - Kakaɨyari Niukieya

¹ «Kerutsareme kayeyaritetsie xekeneutikɨni, 'anɨkai xekunieretɨwetɨ, teɨteri memayukuxexeɨriwatsie xekeneutinieri. Xɨka xeime xehetaxeiya heitseriemekɨ yatiyurieneme, tita yuri mɨraine tikuwauneme, ne nepɨreiyehɨwirieni 'ikɨ kiekari.

Keremiyaxi 5:1 ပူးပေါင်းရင်းမြစ်များ

'Etsekieri 22:30

Ne xeime nepɨwaune mɨkɨ watsata neteɨterima wahetsie munuakakɨ, wahetsiemieme maniukanikɨ para nemɨkawaka'unakɨ. Peru nepɨka'itaxeiyawe.

2 Kemɨtiuyɨ 16:9

Yawé naitsarie kwiepa kanitaniereni, mɨwaparewienikɨ hetsiena mieme yamemɨtekahu. Peru hikɨ 'ena mɨtiyehane pekanimierienemɨkɨ, 'axatiyurienetɨ muyutemawie hepaɨ pemɨtiuyurikɨ».

Kitsariyaxi 59:4

Nixewitɨ pɨkahahiwa tita mɨtiheitserie rawawatɨ, nixewitɨ yuri mɨrainekɨ pɨkarataxaneta. 'Itarikatsie xepɨtewiya, yunaitɨ xepɨteyu'itaiyatɨwe. 'Axamɨti'anekɨ xepɨtihukata 'axamɨtiuka'iyari xepɨtiniweya xeikɨa.

Nɨawari 14:3

Yunaitɨ mepeuyexɨri, nixewitɨ pɨkayuhayewaxɨ. Xewitɨ tɨma 'apɨka'uyeika 'aixɨa tiyurienetɨ, nixewitɨ pɨka'uyeikatɨma.

Temaiwawemete 20:6

Yumɨiretɨ mɨpaɨ meputiyuane kename 'ahetsie metewiya, ¿kemɨ'ane pɨyɨwe tewi 'aixɨa mɨtiuka'iyari mɨtaxeiyakɨ yuri mɨti'eririekakɨ?

Nɨawari 12:1

Yawé ketaneutawikweitsitɨa, teɨteri 'aixɨa memɨtekahu mepumaweri, mepumaweri 'ena kwiepa teɨteri heitseriemekɨ memu'uwa.

2 Tetsarunikatari 2:10

Naime ketita 'axamɨti'anekɨ pɨwakwamana mɨkɨ memeuyexɨrie memɨkayuwaɨrikɨ tita yuri mɨraine memɨtanaki'erienikɨ meta mɨpaɨ mɨkɨ niukikɨ memɨtetawikweitsitɨarienikekai.

Rukaxi 14:21

Hikɨ ti'uximayatame nuaka mɨpaɨ katinitahɨawe yukutsiyari. Hikɨ kiekame 'uyeha'aka mɨpaɨ katinitahɨawe yuhetsɨa mieme ti'uximayatame: “Kwitɨ kiekaritsie kenemie kaye'utɨa huyeta, tixaɨtɨ memɨkateheuxeiya, memɨmamawawaki, memakɨkɨpe meta memɨhurietɨka keniwarawitɨki 'uwa”.

Tsakariyaxi 2:4

Mɨpaɨ katinitahɨawe: «Yapauka mɨkɨ temaikɨ 'ipaɨ ketineutaxatɨa: »“Kerutsareme kiekariyaritsie waɨkawa teɨteri mepuxuaweni, meta tewaxi waɨkawa mepuxuaweni, 'ayumieme Kerutsareme yukuraru kahexeiyatɨ payani.

'Amuxi 8:12

Teɨteri mepeu'uwani xeime haramaratsie xeimetsieta, mepeu'uwani xeikɨa tayeta meta tau manatineika hepatsie, Yawé niukieya mekuwautɨwetɨ, peru mepɨka'itaxeiya.

Kuheri 2:9

Kiekaritsie mekanitahakeni, kuraru heima mepeukamake, kiitetsie mepɨtimake, 'etsimeuyeyeutsie mepeuhake tenawayamete wahepaɨ.

Tanieri 12:4

»”'Ekɨ, Tanieri, 'ikɨ 'awie ketineuti'uta meta xapa kenanutanama kepaukake tukari maye'ani, karikɨ yumɨiretɨ mepeu'uwani metekuwautɨwetɨ waɨkawa metemaikutɨ”.

Kwikari 3:2

Ne 'anukukeme nekaneyeikani kiekaritsie, huye mayehapanetsie meta waɨkawa mɨrewatuiyatsie, 'uki neminaki'erie nekuwaunetɨ. Ne'iwaunetɨ nepɨka'itaxeiyawe.

Temaiwawemete 23:23

Tita mɨtiyuri meta mɨtimaiwenikɨ mɨ'ayumieme 'ahetsie keneupitɨa, meta pemɨheitseritɨariekakɨ meta pemeitimaitɨyeikanikɨ, meta pepɨka'itsewiximaka.

Temaiwawemete 8:3

Kiekari kitenieyaritsie 'utakekatɨ, karima kanahiwani mɨpaɨ 'utaitɨ:

1 Te'aitamete 19:10

Mɨpaɨ katinitahɨawe 'Eriyaxi: —Ne nepɨmatsinaki'erie waɨkawa yemekɨ, Yawé Kakaɨyari Naimekɨmɨtɨrɨkaɨye pemɨhɨkɨ. 'Ixaheritsixi mekaniku'eirieni 'atɨratu, mawari taiyame 'ahetsɨa mieme mekaniuti'una, meta 'ahetsɨa miemete 'aniukamete mekaniwarukwini 'ixiparakɨ. Ne xeikɨari nekaniuyeikani nexaɨtame, hikɨta ne mekaneniwautɨweni menetsimienike.

Keremiyaxi 2:29

»¿Titayari xenetexaneta? Xeme yunaitɨ xenetsi'aye'unietɨ xepakɨ —Yawé mɨpaɨ kanaineni—.

Keremiyaxi 44:15

Hikɨ 'ukitsi memɨtemaikai wa'ɨitama hipame kakaɨyarixi 'ɨkwa memuwatairietɨwekai, meta 'ukarawetsixi mana memɨta'enanakai, mɨyatɨtɨ mepɨyumɨirekai mana memu'uwakai meta 'Ekipitu kwieyari tsutɨa memɨtamakai, mɨpaɨ Keremiyaxi mekateniutahɨawe:

Nɨawari 14:2

Muyuawitsie paitɨ Yawé teɨteri kaniwataxeiyani, pɨtaniere xewitɨ 'aku kapuyeika timaiwetɨ Kakaɨyari kuwaunetɨ.

Nɨawari 94:16

Xewitɨ pɨkanetsi'uparewi kepauka Kakaɨyari memɨka'ayexeiya memɨnetsi'utamitsie. Nixewitɨ nehetsie nuatɨ 'axateyuruwamete pɨkawaraye'uniekai.

Keremiyaxi 8:6

Kwi yemekɨ nepu'enaxɨ, nemi'enienikɨ tsikere xeime heitserie tikuxatame, peru xewitɨ pɨkatihayewawe ke'axamɨtiuyuri, xewitɨ tɨma pɨka'ixeɨmate kename 'axatiyuriene. Yunaitɨ yamepɨteyurie kemɨtiwanake, kawayutsixi memɨkayuwiyanɨa wahepaɨ kepauka memɨyutakwinitsie.

Keremiyaxi 9:2

Makumawetsietɨ kii nemɨnexeiyani huye tetsita. Neteɨterima nepuwaruku'eiriwe, 'ateewa nepeyeiwe. Yunaitɨ mɨkɨ hipame wa'ɨitama memɨwakumaɨwa mepɨhɨkɨ, yunaitɨ mepɨnetsi'uku'eiri hipame mepɨwaranukuwei.

Keremiyaxi 9:7

'Ayumieme, mɨpaɨ kanaineni Yawé Naimekɨmɨtɨrɨkaɨye: «Ne 'aixɨa nekanixetiyurimɨkɨ, nekanixeta'inɨatamɨkɨ. ¿Ketawari netiyurieni neteɨterima wahetsiemieme?

'Etsekieri 9:9

Yawé mɨpaɨ kanetiniuta'eiya: «'Ixaheri kiekariyari meta Kura kiekariyari 'axakememɨte'uyuri pɨmariwe. 'Ikɨ kwieyaritsie pɨhɨne nanaimarika, kiekari tita mɨkatiheitseriekɨ pɨhɨne. Mɨkɨ mɨpaɨ mekateniku'eriwani: “Yawé 'ikɨ kwieyari kaniuku'eirieni. Yawé kaniumaweni kapɨniere”.