Keremiyaxi 48:3 - Kakaɨyari Niukieya

³ Tsuari hiwariyari kana'eniɨriɨkɨni Kurunahini kiekariyaritsie mieme: memuta'unariekɨ meta memakumaweriyariekɨ.

Keremiyaxi 48:3 ပူးပေါင်းရင်းမြစ်များ

Kitsariyaxi 15:5

Ne 'iyari Muhawi hetsiemieme kaniutahiwani, memuyu'unatɨwe Tsuhaxi paitɨ mekanekɨkani, meta 'Ekɨrati-Tseritsiya paitɨ. Ruhiti paitɨ mekananutikɨkani me'utitsuatɨ, 'uximatɨarikatsata, mekaniutihiwani me'u'uxetɨri Kurunahini huyeyari 'utɨma.

Keremiyaxi 48:34

»Hetsuwuni 'aiwarieya kana'eniɨriɨkɨni 'Eraré meta Yahatsa paitɨ, metatsiere Tsuhaxi paitɨ, meta Kurunahini paitɨ meta 'Ekɨrati-Tseritsiya paitɨ. Meta haixate Nimirini mieme kaniukawaxɨani.

Keremiyaxi 48:5

Ruhiti teikɨmanayaritsie mekaniutihuni tsuarikɨ mekatehayewatɨ, Kurunahini kɨatsaritayaritsie kukuiniya hiwariyari kaniwati'eniɨriɨkɨni, memuka'unariekɨ.

Keremiyaxi 47:2

«Yawé mɨpaɨ kanaineni: »“Neuxei xekeneuxeiya. Haa tayeta mieme haa muwayeneika hepaɨ putaine. Kwie panukayunitɨwa meta tita mɨrexeiya, meta kiekarite metatsiere teɨteri. Yunaitɨ teɨteri meputihiwa. Meputitsuana teɨteri kwiepa memɨtama.

Kitsariyaxi 22:4

'Ayumieme mɨpaɨ neputayɨ: «Nexaɨtame xekeneneuhayewa, nekanitatsuamɨkɨ netiuka'eniwatɨ. Waɨriyarika xepɨkanetsikunɨtɨwani: Nekiekari niweya kaniuka'unarieni».

Kitsariyaxi 15:8

Me'u'uxetɨ memutihiwa Muhawi kwieyari manuye'atɨkatsie paitɨ kaniumieni. 'Ekɨrahini paitɨ watsuari kaniye'axeni, metatsiere Wexi-'Erini kaniye'axeni.

Kitsariyaxi 15:2

Riwuni kiekatari tukita mekaneutahakeni, kakakaɨyarixi memɨte'atimawiyarɨwatsie, memɨtitsuanikɨ. Muhawi kaniutatsuakani Newu hetsiemieme meta Merewa. Yunaitɨ yumu'utsie mekanimu'uxirietɨkani, meta yɨmɨxiya naime mekanataxitɨkani.

Keremiyaxi 20:16

Yawé kiekarite kemɨtiuka'unaxɨ kawareunenimayatɨ mɨpaɨ ke'u'itɨarieni mɨkɨ tewi. Hiwarika ximeri ke'enieka meta tuka mɨrayukwine hiwariyari.

Keremiyaxi 48:4

Muhawi kanika'unariemɨkɨ, tɨɨriyamama watsuari 'ari kani'enierieka.

Keremiyaxi 51:54

»Hiwari pa'eniɨriɨkɨ mariwemekɨ muka'unariekɨ, Wawiruniya kwieyari.