Keremiyaxi 48:2 - Kakaɨyari Niukieya

² Muhawi witsikemɨtixeiyariekai kaniukumawere, Hetsiwuni kiekariyaritsie mekatenikuxatani hepaɨtsitana mieme 'axamemiyurienikɨ: “Neuxei, hikɨmɨtɨka 'ikɨ teɨteri tepɨwarakumaweriya”. 'Ekɨtsiere Marimeni, kayuwatɨ pekanitamarimɨkɨ, pekananukuweiyariemɨkɨ 'ixiparakɨ.

Keremiyaxi 48:2 ပူးပေါင်းရင်းမြစ်များ

Keremiyaxi 31:36

«Xɨka 'ikɨ 'inɨarikɨ mekatehaye'atɨaka —Yawé mɨpaɨ kanaineni—, hikɨ 'ana 'Ixaheri xiɨyarimama tawariri hatsuaku nenuiwarima mepɨkahɨkɨtɨni».

Kitsariyaxi 16:14

Hikɨ matsi Yawé mɨpaɨ kanaineni: «Haika wiyari ka'anuyeyeiwekaku, ti'uximayatame kemɨtiu'inɨnɨata hepaɨ ti'inɨaritɨ, 'ana kemɨtimariwe Muhawi meta teɨterimama memɨyumɨire mepɨnanaimarieni, yayupaɨmetɨ xeikɨa mepuyuhayewa meta memɨwerarani mekaniyuhayewakuni».

'Inɨatsie 32:37

Metatsiere mekanitiwewieni kiekari Hetsiwuni, 'Eraré, Kiriyatahini,

Keremiyaxi 49:3

»Keneutatsuakani, Hetsiwuni, karikɨ 'Ahi kiekariyari muka'unariekɨ. Xekeneutihiwani Xawaha niwemama 'ukari. Hiwerika kamixayari xekenanakatɨtɨkani, xekeneutitsuanani, kuraru 'amatitewa taɨta paitɨ xekenewanautsatɨweni, Muruki kakaɨyariyari 'ateewa paitɨ kananutɨkiemɨkɨ, yunaitɨ mara'akatemama meta waparewiwamete.

Keremiyaxi 48:45

»Kiekatari hipatɨ mekaniyuta'unani Hetsiwuni 'etɨriyayatsie paitɨ, mekaniuku'uweni mekatɨrɨkawitɨ. Hetsiwuni kiekariyaritsie tai payeneika, Tsikuni kiekariyaritsieta, tai Muhawi kanaya mɨtaxɨtsitɨanikɨ meta yunaime teɨteri muwanake hipame wahamatɨa memuyukwitɨwenikɨ meta memuyuti'ɨre wamu'ute.

Keremiyaxi 48:42

Muhawi kwieyari kanikumaweriyariemɨkɨri, Yawé hɨxie mariweme mayuyeitɨakɨ.

Keremiyaxi 48:17

Xekeneutitsuanani hetsiena mieme yunaitɨ 'auriena kiekatari, kemɨ'ane xemimariekai kemɨtimariwekai. Mɨpaɨ xekeneutiyuaneni: “'Itsɨ panumurarie mɨtɨrɨkaɨyekai meta mumariwekai”.

Keremiyaxi 46:28

'Ekɨ Kakuwu neti'uximayatsiriwame, pepɨkamaka, karikɨ ne 'ahamatɨa nekaniuyeikani —Yawé mɨpaɨ kanaineni—. »Tsepa yunaime nuiwarite nemuwarutayuniyaxɨ kemɨ'ane wahetsɨa nemumatsiheutanɨ'a, 'ekɨ matsi nepɨkametsihauyehɨani. Kemɨtiheitseriekɨ nepɨmatsita'ɨxatsitɨani peru metatsiere nepɨmatikwinitɨani».

Keremiyaxi 33:24

«Pepɨtimate 'ekɨ mɨpaɨ memutiyuane 'ikɨ teɨteri kename ne Yawé, newarexɨri yuhutame te'aitamete nemɨwaranayexeiyakai. 'Ayumieme neteɨterima mepuwaxani'erie nuiwari hepaɨ mepɨkatewaxeiya.

Keremiyaxi 25:17

Hikɨ Yawé tekɨxi nenanuhanirieni, hikɨ neniwaranu'itɨani yunaime nuiwarite kemɨ'ane wahetsɨa Yawé mɨnetsi'utanɨ'a:

Keremiyaxi 25:15

Yawé, 'Ixaheri Kakaɨyarieya, mɨpaɨ kanetiniutahɨawe: «Kamɨ winu tekɨxiyari kenanuhani mɨnehaxɨa, keniwaranu'itɨa yunaime kemɨ'ane nuiwarite wahetsɨa nemɨmatsitanɨ'ani.

Kitsariyaxi 25:10

Yawé tɨrɨkariyaya 'ikɨ hɨritsie puyuhayewa, peru Muhawi makumatsie pɨtaketsinarieni, 'ɨxa mɨtiketsinarɨwa hepaɨ muwatiketsinaruwatsie.

Kitsariyaxi 15:5

Ne 'iyari Muhawi hetsiemieme kaniutahiwani, memuyu'unatɨwe Tsuhaxi paitɨ mekanekɨkani, meta 'Ekɨrati-Tseritsiya paitɨ. Ruhiti paitɨ mekananutikɨkani me'utitsuatɨ, 'uximatɨarikatsata, mekaniutihiwani me'u'uxetɨri Kurunahini huyeyari 'utɨma.

Kitsariyaxi 15:1

Niuki Muhawi hepaɨtsita mieme: 'Axi kiekariyari Muhawi kwieyaritsie mukuma, kaniuka'unarieni, xeitɨkariyaritsie kaneutipariyarieni. Kixi kiekariyari Muhawi kwieyaritsie mukuma, kaniuka'unarieni, xeitɨkariyaritsie kaneutipariyarieni.

Keremiyaxi 49:37

'Erami kiekatari marika nepɨwapitɨani memɨwaraye'unie wahɨxie, memɨwakwiku wahɨxie, ne nekaniha'aka wahetsiemieme, wahetsie 'uximatɨarika nekani'atɨamɨkɨ —Yawé mɨpaɨ kanaineni—. Memɨwaraye'unie mepɨwaranukuweiya yunaime mewakwimeke mepɨtehayewa.