Keremiyaxi 47:4 - Kakaɨyari Niukieya

⁴ Tukari kanaye'aniri piritsiteutsixi memakumaweriyarienikɨ, Tiru meta Tsiruni mɨnawaiyarienikɨ kemɨ'ane 'akuxi minɨ'ɨ miparewie. Piritsiteutsixi kaniwarakuyuniyamɨkɨ Yawé metatsiere yunaime haramara tetsita kiekatari Katuri mɨtitewatsie.

Keremiyaxi 47:4 ပူးပေါင်းရင်းမြစ်များ

'Amuxi 9:7

«Yawé mɨpaɨ kanaineni: 'Ixaheritsixi, ¿tamɨ xeme nehetsiemieme 'etiupetsixi wahepaɨ xekate'ane? ¿Tamɨ 'ixaheritsixi 'Ekipitu nekatiwarayewitɨ, Kɨretatsie piritsiteutsixi wakwiepa, meta Kixi tsiriyutsixi wakwiepa nekatiwarayewitɨ?

Kitsariyaxi 20:6

'Iya tukaritsie haramara tetsita kiekatari mɨpaɨ mepɨtiyuani: “Neuxei, mɨya mepɨte'anuyehu wahetsie temɨtetakwewiekai, wahetsɨa temeta'axekai parewiya teheuyehɨatɨ, ti'aitame 'Atsiriya tatsi'uweiyakaku tahetsie memɨtanuanikɨ. Hikɨtari, ¿hakewa tepeyuta'una?”»

Hutarieka 'inɨari 2:23

Meta yaxeikɨa 'aweutsixi kiekari 'etsimɨyeyeutsie Kahatsa 'aurie memeutitekai, meta katuritsixi Kɨreta memeyekɨ mekaniwarukwini, 'anari mana metitetɨ mekanakɨne wahuyeripa.

'Utseyaxi 9:7

'Uximatɨarika tukariyari paye'ari, meta tukari paye'a memɨte'ayukatuanikɨ. 'Ixaheri mɨpaɨ ketinemaika 'Ariri pɨwaɨkawa 'axakepemɨtiuyuri, mɨixari pepɨkaheu'ena, Kakaɨyari niukameya mɨka'uka'iyari xeikɨa pepɨxata, tewi Kakaɨyari 'iyarieya mɨkahexeiya pɨkaheyuta'eriwa.

'Etsekieri 21:29

Mɨkɨ 'ixipara 'axamemɨte'u'iyari kaniwaranutiwitexɨamɨkɨ, kememɨte'unenierixɨ mɨkayurikɨ meta kememɨtemaiwawe pɨyakɨ. Peru tukarieya kanaye'aniri, kepauka kwitɨwa 'uximatɨarika nemipitɨani.

'Etsekieri 21:25

»'Ekɨta, pemɨkerie 'Ixaheritsie ti'aitame, 'axapemɨtiuka'iyari pemɨka'itiya, 'atukari kanaye'ani, kepauka pe'uximatɨarietɨ pemakumawere.

'Etsekieri 7:12

Tukari kanaye'aniri, 'ikɨ tukari kanihɨkɨtɨni. Mɨtinane pɨkayutemawieka meta mɨtiutua pɨka'utatsuakani, matsi ne yunaime wahetsie nehaxɨa nekanikawiwimɨkɨ.

Keremiyaxi 46:10

»'Ana tukari tati'aitɨwame Yawé Naimekɨmɨtɨrɨkaɨye pɨhetsiemiemetɨni. 'Ana tukaritsie pɨyɨkɨhɨani, memeye'unie katiniwarakapitɨamɨkɨ. 'Ixipara tiyumienetɨ kanitahuxaimɨkɨ, hauharimɨtɨ xuriyakɨ 'aixɨa katinika'erimɨkɨ. Tayeta kwieyaritsie, 'Eupɨrate hatetsitayaritsie, tati'aitɨwame, Yawé Naimekɨmɨtɨrɨkaɨye, waɨkawa puwakwini mawari hepaɨ.

Nɨawari 37:13

Matsi Yawé kaniutanaweni 'axateyuruwamete wahetsiemieme, timaitɨ watukari maye'aximekɨ.

Rukaxi 21:22

Mɨkɨ tukaritsie heitseriemekɨ mepɨte'apiniyarieni kiekatari, 'ana katinaye'amɨkɨ naitɨ kemɨre'uxa.

'Etsekieri 30:8

Kepauka ne 'Ekipitu nemɨtairiya, meta yunaitɨ memiparewie mepɨkwi'iwa, 'ana mɨpaɨ mepɨtehetimani kename ne, Yawé nehɨkɨ.

'Etsekieri 25:16

'Ayumieme, Yawé naimekɨmɨyɨwe mɨpaɨ kanaineni: Ne ne'iwaɨyɨ nekanitikweimɨkɨ piritsiteutsixi wahetsiemieme. Kereteutsixi nekaniwarakumaweriyamɨkɨ, meta haramara tetsita memuyuhayewaxɨ nekaniwareuyehɨamɨkɨ.

Kitsariyaxi 31:8

«'Atsiriya 'ixiparakɨ kanimieriemɨkɨ, peru tewi pɨka'imieni, 'ixipara kanikumaweriyamɨkɨ, peru tewi 'ixiparaya pɨkatixaɨ. Kaniyuta'unamɨkɨ 'ixipara makatɨ, meta temarimama mekatenita'aitɨariekuni waɨriyarika mepitɨarietɨ.

Kitsariyaxi 10:3

¿Kemeteyurieni kepauka memɨta'iwawiyarienitsie, kepauka 'ateewa paitɨ wiyeri tɨrɨkaɨyetɨ muwayanitsie? ¿Kemɨ'ane mepanukuwauni xɨka parewiya meheuyehɨaka? ¿Hakewa yupiinite waɨkawa memɨtehexeiya mepɨteheti'uta?

Kuwi 9:13

Kakaɨyari yuhaxɨa pɨkakununuitɨwa, Xahawi meta 'iparewiwametemama 'ɨkatɨana mekanikatunuma'uweni.

1 Kemɨtiuyɨ 1:12

meta paturutseutsixi, katsurukitsixi meta katuritsixi mɨkɨ piritsiteutsixi wa'ukiyarima mepakɨ.

Kutsuhexi 22:30

Kepauka memu'enana xuwenitsixi meta karahitatsixi meta hixɨapa memɨ'axe Manatsexi xiɨyarimama, Pinexi mawari wewiwame meta wa'ukiyarima memanuyetei 'ixaheritsixi kememutiyua, mana kiekatari 'aixɨa mekateneka'erietɨkɨne.

Tsutɨarika 10:15

Kanani nu'aya Tsiruni kanayani matɨarieya, hutarieka mieme Heti,

Kitsariyaxi 14:31

Keneutatsuakani meta keneutahiwani, kiekari 'ituparieya. Keneuyɨyɨakani marikakɨ, naitɨ Piritsiteu kwieyari. Matsi tayeta kuyaxi kɨtsi haiyari hepaɨ meteyuxexeiyatɨ 'umekanayehuni, meta nixewitɨ pɨkahanayeyeika yu'utuma kememɨtehewetɨka.