Keremiyaxi 42:3 - Kakaɨyari Niukieya

³ Yawé 'akakaɨyari keneutahɨawi ketatsi'uxeitsitɨani huye ke'aneme temanukuweiya meta ketemɨteyurieka.

Keremiyaxi 42:3 ပူးပေါင်းရင်းမြစ်များ

Temaiwawemete 3:6

Kakaɨyari kena'eriwani naimekɨ kepemɨtiyurienekɨ, 'ana mɨkɨ 'ahuye pɨheitseritɨaka.

Nɨawari 86:11

Yawé, 'ahuyeta nemumienikɨ kenetine'ɨkitɨaka nemumienikɨ 'aixɨa netikamietɨ. Ne'iyaritsie 'aixɨa netinekɨhɨaweme kenenayeitɨa nemɨmetsimakaxenikɨ.

Mikeyaxi 4:2

meta nuiwarite yumɨiretɨ hetsɨana mekani'axɨakuni, mɨpaɨ mekanitiyuakuni: «Xekenakɨni, tepanutikɨne Yawé yemurieyatsie, Kakuwu Kakaɨyarieya tukita. Kakaɨyari yukɨmana yu'aitsikate kataneta'ɨkitɨamɨkɨ, 'ana mɨpaɨ tepɨte'u'uwani». Karikɨ Tsiyunitsie kanayeneikani 'ɨkitɨarika, Kerutsareme hetsie, Yawé niukieya.

Keremiyaxi 6:16

Yawé mɨpaɨ kanaineni: «Huyeta xekenewa'uti hikɨ xekeneutanierixɨa, xekeneuta'iwau huye meripai mieme hepaɨtsita. Xekeneuta'iwau huye 'aixɨa mɨ'ane hepaɨtsita, hikɨ mɨkɨ xepɨka'uku'e'eiriwani. Mɨpaɨ xepɨte'ikaxeiya 'uxipiya xemuku'eriwa. Peru mɨkɨ mɨpaɨ mekaniutiyuani: “Hawaikɨ tepɨka'enukuweiya”.

'Etsitɨraxi 8:21

Hikɨ, haa 'Ahawa manuyeka heutahurakakɨ tetitetɨ, neniwaruta'aitɨani temɨtahakienikɨ takakaɨyari hɨxie tixaɨtɨ temɨkatehayuyeitɨanikɨ, meta temitawawirienikɨ huyeta tahamatɨa mɨyemiekɨ, tame, taniwema, yaxeikɨata tapiinite ti'ɨwiyatɨ.

Kitsariyaxi 2:3

Teɨteri meyumɨiretɨ mekani'axɨakuni, meta mɨpaɨ mekanitiyuakuni: «Xekenakɨni, Yawé hɨrieyatsie tepanutikɨne, Kakuwu Kakaɨyarieya kie, yuhuye mɨtatsiheta'ɨkitɨanikɨ meta huyetana xeikɨa temuhunikɨ». Karikɨ Tsiyunitsie xeikɨa 'ɨkitɨarika kanayenexɨamɨkɨ, meta Kerutsaremetsie Yawé niukieya.

1 Te'aitamete 8:36

'ekɨ keniwaru'eni muyuawitsie paitɨ meta ketiniwareuyehɨwiri ke'axamemɨte'uyuri mate'uximayatsiriwamete, 'ateɨrima 'ixaheritsixi. Keniwaruwitɨximeni huye 'aixɨa mɨ'ane memuweiyanikɨ meta wiyeri kenanɨ'a 'ikɨ kwieyaritsie, mɨti'apiini, 'ekɨtsɨ pekaniwayetuirieni 'ateɨterima mɨtiwahetsiemiemetɨnikɨ.

Hutarieka 'inɨari 5:29

Heiwatɨ wa'iyari yemekɨ yuwaɨririyani memɨnetsi'ayemakaxenikɨ meta memeye'atɨakakɨ naime ne'aitsika, mɨpaɨ mɨkɨ meta waniwema yuheyemekɨ 'aixɨa 'iyari memu'uwanikɨ.

Hutarieka 'inɨari 5:26

Xewitɨ tewitɨtɨ pɨka'uyeikanikeyu Kakaɨyari mayeniere 'u'enieka tai hetsie paitɨ, tame hikɨ ketemɨte'i'eni hepaɨ.

Nɨawari 27:11

Yawé, 'ahuyeta keneneuwitɨximeni, huye mɨheitserie 'utɨma keneneuwitɨximeni, hipatɨ memɨnetsihupiekɨ.