Keremiyaxi 40:5 - Kakaɨyari Niukieya

⁵ Keremiyaxi 'atsikahainekaku, Nawutsararani tawari mɨpaɨ tinitahɨawe: «Kenemie Kerariyaxi 'Akikani nu'aya hetsɨa, Tsapani teukarieya, ti'aitame Wawiruniya kiekame kanenukakeni Kura kiekariyaritsie kuwexinaruri mɨhɨkɨtɨnikɨ, hamatɨana keneyeikani meta 'ateɨterima wahamatɨa, yatɨni tsepa hakewa mɨmatsihenakeni». Hikɨ kuyaxi tiwa'aitɨwame tinimini 'ikwai meta 'imikieri, hikɨ nitatuani.

Keremiyaxi 40:5 ပူးပေါင်းရင်းမြစ်များ

Keremiyaxi 39:14

mekateniuta'aita Keremiyaxi muwayehanienikɨ kuyaxi watakwatsie, Kerariyaxi 'Akikani nu'aya hetsɨa mekanihɨani, Tsapani teukarieya, memenuwitɨnikɨ tawari yukie. Mɨpaɨ Keremiyaxi teɨteri wahamatɨa 'uyeikatɨ kanayani.

Keremiyaxi 41:2

'Itsimaheri Netaniyaxi nu'aya kananukukeni meta tamamata memeweiyakai yunaitɨ, Kerariyaxi 'ixiparakɨ kaniumieni 'Akikani nu'aya, Tsapani teukarieya. Mɨpaɨ mekatenimieni kemɨ'ane manukakeriekai kuwexinarurikɨ mɨkɨ kwieyaritsie miemekɨ ti'aitame Wawiruniya kiekame menukakekai.

Hepɨrayutsixi 13:6

'Ayumieme tekamamatɨ mɨpaɨ teputiyuane: «Ti'aitame kanihɨkɨtɨni kemɨ'ane mɨnetsiparewie, nepɨkamaka. ¿Kekuta netsi'uyuriwe tewi?»

Nɨ'ariekate 28:10

Mɨkɨ waɨkawa 'aixɨa metatexeiyatɨ metatenimikwakaitɨni, meta teyehuximekaku mepɨtateyetuiri ketita temɨteheuyehɨakai.

Nɨ'ariekate 27:43

Matsi xeitsienituyari kuyaxi tiwa'aitɨwame Papuru pɨwikweitsitɨamɨkɨkai, 'ayumieme kaniwaruta'imaiya mɨpaɨ memɨkateyuriekakɨ. Katiniwaruta'aitɨani mana memeukatsunaxɨanikɨ meri memahauwawekai, kwiepa memɨtinexɨanikɨ,

Nɨ'ariekate 27:3

'Uxa'arieka Tsiruni tekaneta'axɨani. Kuriyu Papuru waɨkawa naki'erietɨ. Kanipitɨani yuhamikuma wahetsɨa meta'anikɨ mɨkɨ memiparewiekakɨ.

Keremiyaxi 40:4

Peru hikɨ nekamenixɨnamɨkɨ 'amamatetsie tepɨakɨ pemɨhɨakɨ. Xɨka peheuyeimɨkɨni nehamatɨa Wawiruniya, hikɨmɨtsɨ, ne nekamaneta'ɨwiyamɨkɨ. Xɨkata yapekara'eriwani, keneukunua. Keneutanierixɨa kemakuyewa, hakewa metsihekunanakeni kenemie».

Keremiyaxi 26:24

Peru 'Akikani Tsapani nu'aya Keremiyaxi hetsie kaniutanuani, pɨkawarupitɨa teɨteri memiwiyakɨ meta memikumemiwanikɨ.

Keremiyaxi 15:11

Yawé mɨpaɨ kaniutayɨni: «Ne yurikɨ nekamenixɨnamɨkɨ 'aixɨa mɨti'anenikɨ, yanepɨtiyurieni 'aneɨkixiwi metsitawawirienikɨ pemiparewienikɨ 'uximatɨarikatsata kememɨtekwine.

Temaiwawemete 21:1

Ti'aitame 'iyarieya 'aki'utua haa muhane hepaɨ kani'aneni Yawé yatinɨ'akaku, 'itanɨ'awakaku mɨkɨ hakewa meinake.

Temaiwawemete 16:7

Yawé kepauka tewi 'aixɨa mɨtixeiya hetsienamieme kaniyutemawieka, metatsiere memeye'unie 'aixɨa mete'ixeiyakame kaniwarayeitɨaka.

Kuwi 22:29

Memuyuti'ɨre Kakaɨyari tixaɨtɨ pɨkatiwarayeitɨwa, tixaɨtɨ memɨkatehayuyeitɨa kaniwaranuku'uitɨwani.

Nehemiyaxi 1:11

Yawé, nepɨmatsiwawirie keneu'eni tanenewieri, tepɨte'a'uximayatsiriwamete, pɨtatsinake temetsihayexeiyanikɨ. Yaxeikɨata nepɨmatsiwawirie 'ikɨ ti'uximayatame 'ahetsɨa mieme 'aixɨa keneuyuri ti'aitame 'aixɨa mɨtixeiyakɨ». 'Ana ti'aitame tekɨxieya hanitɨwameya nepɨhɨkɨtɨkai.

'Etsitɨraxi 7:27

«Yawé 'aixɨa ke'itɨarieka ta'ukiyarima meripaitɨ memu'uwakai wakakaɨyari, ti'aitame 'iyarieya muyuitɨa witsi'anekame kanayeitɨani tukieya hepaɨtsita Kerutsaremetsie.

'Etsitɨraxi 7:6

'Ikɨ 'Etsitɨraxi kaninuani Wawiruniya 'aneka. Ti'ukitame kanihɨkɨtɨkaitɨni 'aitsika 'inɨari niukiyari naime makumaikai Yawé 'Ixaheri Kakaɨyarieya Muitsexi mupitɨa. Ti'aitame waɨkawa kaninaki'eriekaitɨni, Yawé Kakaɨyari hamatɨana kaniuyeikakaitɨni.

2 Kemɨtiuyɨ 34:20

hikɨ meta mɨpaɨ katiniwaruta'aitɨani, Kirikiyaxi, 'Akikani Tsapani nu'aya, meta 'Awɨruni Mikahiyaxi nu'aya, meta kemɨtiuyɨ ti'utɨwame Tsapani, meta 'Atsahiyaxi hurawa 'iparewiwame:

2 Te'aitamete 22:14

Hikɨ Kirikiyaxi mawari wewiwame meta 'Akikani, 'Akuwuxi, Tsapani meta 'Atsahiyaxi, mɨkɨ mekanekɨne 'uka Kakaɨyari niukameya Hurira hetsɨa, Kerutsareme 'aurie kiekari hekwamekɨ mukumakaitsie kaniukateitɨni. Hurira Tsaruni kani'ɨyayatɨkaitɨni, ti'aitame kemariteya ti'ɨwiyame, Tikiwa nu'aya meta Karikatsi teukarieyatɨtɨ.

2 Te'aitamete 22:12

meta mɨpaɨ mawari wewiwame Kirikiyaxi katiniuta'aitɨani, meta 'Akikani Tsapani nu'aya, meta 'Akuwuxi Mikahiyaxi nu'aya, meta Tsapani kemɨtiuyɨ ti'utɨwame, metatsiere 'Atsahiyaxi 'ahurawa ti'uximayatsiriwame, mɨpaɨ katiniwarutahɨawe:

Keremiyaxi 41:1

'Atahutarieka metseriyaritsie 'Itsimaheri Netaniyaxi nu'aya 'Eritsama teukarieya, te'aitamete wanuiwari wahetsie mayenekai meta ti'aitame ti'uximayatsiriwame meripaitɨ mɨhɨkɨtɨkai, Mitsipa kiekariyaritsie kaninuani tamamata teɨteri warawitɨtɨ, Kerariyaxi 'Akikani nu'aya hetsɨa niuyutaxata. Mitsipa kiekariyaritsie metekwatɨ yunaitɨ,

Keremiyaxi 41:18

meyuta'unake wawiruniyutsixi mewamakatɨ. Waɨkawa menimamakaitɨni, 'Itsimaheri Netaniyaxi nu'aya Kerariyaxi mumiekaikɨ 'Akikani nu'aya, ti'aitame Wawiruniya kiekame kuwexinarurikɨ menukakekai mɨkɨ kwieyaritsie miemekɨ.