Keremiyaxi 4:7 - Kakaɨyari Niukieya

⁷ Maye yuterɨta kanewayeyaniri, xewitɨ nuiwarite 'uname kanayeyaniri, yukie kanayeyaniri 'akwie 'akumaweme mɨhayewakɨ, 'akiekarite 'u'unitɨ kaniyuhayewamɨkɨ meta yemekɨ kiɨripa kanayeimɨkɨ.

Keremiyaxi 4:7 ပူးပေါင်းရင်းမြစ်များ

Keremiyaxi 5:6

'Ayumieme maye yeutanaka pɨtiwakwinitɨani meta puwatikwani 'ɨrawe makumawetsie kiekame, wakiekarite hɨxie tɨwe puhupa wahupietɨ, kemɨ'ane muwayeyani pɨtatsanarieni, waɨkawa 'axamemɨte'uyurikɨ meta mɨiremekɨ yamemɨkatekakɨkɨ.

Keremiyaxi 2:15

Mayetsi meputitsua hetsiena mieme, mepuyutihaxɨatɨa karima hetsiena mieme. Kwieya yuxaɨtame puyuhayewaxɨ, kiekariteya naitɨ putitaiyarie, nixewitɨri mana pɨka'uka.

Kitsariyaxi 6:11

Hikɨ mɨpaɨ nekaniutayɨni: ―¿Ti'aitame, 'ikɨ kereutere? Mɨkɨ mɨpaɨ kaniutayɨni: «Kepaukake kiekarite mɨka'unariexɨanitsie nixewitɨ mana mɨka'uyeikanitsie, kepaukake kiita teɨteri memɨka'ayetetɨkanitsie, meta 'ɨtsi yuxaɨta kumanekaku 'axa'anekɨa,

Kitsariyaxi 1:7

Xekwieyaritsie kanakumaweni, kiekariteya tai harakunayari kanihɨkɨtɨkani, metanenierekakutɨtɨ kɨkamete wa'etsarita timieme mekateniukaxɨrɨwani, wakwie kanakumaweni, 'ateewa kiekatari memɨwaruka'una hepaɨ.

Tanieri 7:4

»Mexɨakame maye hepaɨ katiniyuxexeiyakaitɨni, matsi 'anateya kwixɨ 'anateya hepaɨ kani'anenekaitɨni. Mexi 'akuxi ne ne'ixeiyakai, 'anateya namuriyariexɨani, kwiepa kananukuhanieni, waɨriyarika mekanipitɨani yu'ɨkatekɨ 'amɨtakenikɨ, tewi mɨhɨkɨtɨni hepaɨ. Meta tewi 'iyarieya kaniupitɨarieni.

Keremiyaxi 50:17

»'Ixaheritsixi muxatsi xaɨtsie memeukuyunixɨa mepɨhɨkɨ, mayetsi mekaniwareutaxɨriexɨani. Matɨari 'Atsiriyatsie ti'aitame kaniwarutikwani, hutarieka Nawukurunutsuxi, Wawiruniyatsie ti'aitame, naime 'umeteya peutimuraxɨa».

Keremiyaxi 25:9

ne yanetiniyurimɨkɨ kiekarite tayeta mukumane memɨ'axɨanikɨ meta tine'uximayatsiriwame Nawukurunutsuxi Wawiruniya kwieyaritsie ti'aitame. Neniwa'atɨamɨkɨ 'ikɨ kwieyaritsie hepaɨtsita, meta 'ena kiekatari wahepaɨtsita meta yunaime nuiwarite 'auriena mamanetɨka wahepaɨtsita, neniwaka'unamɨkɨ yunaime: metewiwemetɨkaime neniwarayeitɨamɨkɨ, 'atsieriwamete meta hakumaweme yuheyeme —Yawé mɨpaɨ kanaineni—.

Keremiyaxi 49:19

»Kurutani mɨ'ɨtsiyata maye mayeneika makutsiɨraɨye 'ɨxapa yapauka mɨ'axe hepaɨ, yapauka neniwatimariutamɨkɨ 'erumitsixi, wahetsiemieme xeime nekananayexeiyamɨkɨ. Tawari Kakaɨyari pumawe nehepaɨ 'anetɨ. Xewitɨ mɨnetsita'iwa pɨkayɨwe. Nixewitɨ muxatsi wahɨweme netsi 'aye'unietɨ pɨka'ayeiwe».

Keremiyaxi 34:22

Netinita'aitamɨkɨ —Yawé mɨpaɨ kanaineni—, neniwa'atɨamɨkɨ 'ikɨ kiekaritsie. Menixetakwikuni, mexetiwiyame, kiekari menayetaiyakuni. Kura kwieyaritsie kiekarite mumanetɨka 'akumaweme nekanayeitɨamɨkɨ, ka'akukiepayakame”».

Keremiyaxi 33:10

»Yawé mɨpaɨ kanaineni: “Xeme mɨpaɨ xeputiyuane kename 'ikɨ kiekari 'uni, teɨteri meta tewaxi me'umawe. Matsi Kura kiekariyaritsie meta Kerutsareme kayeyaritsie, makumawetsie tewi xeniu hawaikɨ mɨkareyeika nitewaxitɨma, hutarieka mekani'enieriekuni

Keremiyaxi 26:9

¿Titayari Yawé hetsiemieme petiutahekɨataxɨ, kename 'ikɨ tuki Tsiru mieme hepaɨ yɨni, meta kename 'ikɨ kiekaritsie kiepa ka'ayani kumawere?» Hikɨ yunaitɨ teɨteri Yawé tukieya manuwe memu'uwakai Keremiyaxi hetsie kwinienetɨ mekananukeni.

Keremiyaxi 25:38

Maye yuterɨ kemɨtiuku'e'eiriwa hepaɨ Yawé yukwie mɨpaɨ katiniuku'eirieni, 'ixiparakɨ mɨtiyumemiwakɨ, Yawé haxɨaya mutatawekɨ.

Kitsariyaxi 5:9

Yawé Naimekɨmɨtɨrɨkaɨye mɨpaɨ nerahɨaweme nekaniu'enieni: «Kiite waɨkawatɨ yuxaɨta kaniyuhayewamɨkɨ, pumaweni kemɨ'ane kiite 'amupapata mayekanikɨ.

2 Te'aitamete 24:1

Hikɨ Kuhatsimi ti'aitakaku, Nawukurunutsuxi Wawiruniya kwieyaritsie ti'aitame kaninuani kanitamieni, hikɨ waɨriyarika katini'uximayatsiriekaitɨni haika wiyari, hikɨ 'arike 'eye'unietɨ kanayani.

Tanieri 5:19

Kakaɨyari 'ipitɨaku mɨti'aitanikɨ, hɨxiena yunaitɨ teɨteri mekaniutiyɨyɨakakaitɨni, nuiwarite meta yunaitɨ yɨkɨ memɨte'uniuka. Kemɨ'ane meumiemɨkɨkai puwatakukuyakai, kemɨ'ane mɨreuyehɨwiriemɨkɨkai pɨtiwareuyehɨwiriwakai, kemɨ'ane mariweme mauyeitɨamɨkɨkai mariweme puwarayeitɨwakai, meta xɨka xeime tixaɨtɨ katihɨkɨtɨme heuyeitɨamɨkɨni, mɨkɨ tixaɨtɨ katihɨkɨtɨme payeitɨwakai.

Keremiyaxi 50:44

Kurutani mɨ'ɨtsiyata maye mayeneika makutsiɨraɨye 'ɨxapa yapauka mɨ'axe hepaɨ, 'ɨxapa makutsiɨraɨyetsie, yapauka neniwatimariutamɨkɨ Wawiruniya kiekatari, wahetsiemieme ne xeime nekananayexeiyamɨkɨ. Tawari Kakaɨyari pumawe nehepaɨ 'anetɨ. Xewitɨ mɨnetsita'iwa pɨkayɨwe. Nixewitɨ muxatsi wahɨweme netsi'aye'unietɨ pɨka'ayeiwe».

Keremiyaxi 27:8

Xɨka xewitɨ nuiwari meta ti'aitame kayuwaɨriyani Nawukurunutsuxi mɨti'uximayatsiriekakɨ Wawiruniyatsie ti'aitame, meta xɨka yuku ka'utanaki'erieni mɨkɨ hetsɨa mieme, ne mɨkɨ nuiwari 'ixiparakɨ neni'uximatɨamɨkɨ, haakakɨ meta kwiniyakɨ, kepaukake Nawukurunutsuxi mika'una —Yawé mɨpaɨ kanaineni—.

Keremiyaxi 9:11

«Kiekari Kerutsareme kii 'unimeyari kwinienetɨ muwe nepayeitɨani, yawixi memayu'eririya wakie nepayeitɨani. Makumawe nepayeitɨani Kura kiekariteyari, teɨteri mana mekatiteme nepayeitɨani».

2 Te'aitamete 25:1

Hikɨ Tserekiyaxi 'atanaurieka wiyaritsie ti'aitakaku, tamamata metseritsie meta tamamata tukaritsie, Nawukurunutsuxi Wawiruniya kwieyaritsie ti'aitame, kanayeyani yunaime yukuyaxima warawitɨtɨ, hikɨ Kerutsareme kiekariyari makuma mekaniu'axɨani. Hikɨ kiekari hɨxie mekanitiyaxe meta waritana mekanayaxetɨkɨne.

Keremiyaxi 4:29

Tupikɨ temɨmɨmete meta kawayutsixi wahetsie memutei wayuariya me'enietɨ yunaitɨ kiekatari mepɨtananautsa. Hipatɨ 'ɨtsita mepɨtahake, hipatɨta 'aitsie mepeutiwɨwɨre. Naitɨ kiekari puku'eiriwaxɨ, xewitɨ tɨma kiekame pɨka'uyuhayewaxɨ.

Keremiyaxi 22:7

'Ahetsɨa te'unamete nekamaneutanɨ'airiemɨkɨ, yu'ɨrɨ me'ɨ'ɨkame yuxexuitɨ, 'akariuxa memawitexɨanikɨ witsimɨtitemari meta taipa mekaneixɨrikuni.

Keremiyaxi 44:2

«Mɨpaɨ kanaineini Yawé Naimekɨmɨtɨrɨkaɨye, 'Ixaheri Kakaɨyarieya: “Xeme xekaniuneniere 'uximatɨarika kenemɨtiuwewi Kerutsareme meta Kura kiekariyaritetsie. Hikɨ mana kii 'u'unitɨ kanexuaweni, nixewitɨ mana kapeka,

'Etsekieri 12:20

Wakiekarite kaniti'unariemɨkɨ, wakwieyaritsie 'akumawetɨ kanayeimɨkɨ. Merikɨte 'ana mɨpaɨ mepɨtehetimani ne, Yawé nemɨhɨkɨ”».

'Etsekieri 21:31

'Ahetsie nehaxɨa nekanikawiwimɨkɨ, nehaxɨa tai hepaɨ 'anekame nekanita'iemɨkɨ, hipame wahetsɨa nekamaniyetuamɨkɨ 'axamemɨte'u'iyari wahetsɨa memɨteyukukuya.

'Etsekieri 32:2

«Tewi pemunu'aya, 'ikɨ hiwerika kwikariyari keneutakwika Parahuni mɨhetsiemieme, 'Ekipitutsie ti'aitame: »“Maye hepaɨ pepɨti'axexeiya nuiwarite watsata, kuu hata kiekame hepaɨ pepɨti'axexeiya haa pemɨwaikane, 'a'ɨkatekɨ pemitɨniriya meta muhane pemumuina.

Mawari 26:31

Xekiekarite nepakumaweriyari, watukite nepatixɨriexɨani. Xemawari witsimu'ɨatɨkatei mɨnetsinakekaikɨri nepɨkayukatemawieni.

Mawari 26:33

Hipame nuiwarite watsata nekanixetaxɨriexɨamɨkɨ: 'ixipara newatihaname nepɨwaranukuweiya wakwie yuxaɨtame nepɨhayewa, wakiekari nepɨka'unaxɨani.

Keremiyaxi 8:16

Rani kiekariyaritsie pa'eniɨriɨkɨ kawayutsixi wapuxerikayari, meta kepauka memetitsuana, naitɨ kwie puwatayuane. 'Ikɨ kwieyari meka'unake 'umekanahuni, meta naime tita mana mɨtixuawe, kiekari meta mana kiekatari».

Keremiyaxi 22:6

Karikɨ Yawé mɨpaɨ kanaineni 'ikɨ paratsiyu Kura mieme hepaɨtsita: «'Ekɨ nekɨmana, Karaha hepaɨ pekani'aneni meta Riwanu wiyeyari hepaɨ, peru ne mɨpaɨ nekanaineni makumawe nekamanayeitɨamɨkɨ, kiekarite ka'akukiepayatɨkaime.

Keremiyaxi 46:18

Ti'aitame mɨpaɨ kaniutaineni: «Ne nekanayeyurini. Yawé Naimekɨmɨtɨrɨkaɨye nekatinitewaka. Tawuxi hɨriyari hɨrite naime kemɨtiwara'iwa, meta hɨri Kaximeru haramara kemɨra'iwa, mɨpaɨ timariwetɨ 'upamie mɨxe'aye'unie.