Keremiyaxi 4:6 - Kakaɨyari Niukieya

⁶ Tsiyuni xekeneutamawiya paterakɨ memuyuta'unakɨ, hakewa xemeyuti'awieta xekeneutiwawa, kayuwatɨ xepɨkate'uka. Ne xeyetatsie nekanekanetɨamɨkɨ 'uximatɨarika meta tiyu'uname mariweme.

Keremiyaxi 4:6 ပူးပေါင်းရင်းမြစ်များ

Keremiyaxi 50:2

«Xeketeniwarutaxatɨa yunaime nuiwarite kwiepa memɨtama. Xekeneutihiwani xe'ikuxatatɨ, patera xe'anuwietɨ. Tixaɨtɨ xepɨkate'anukanaka, matsi mɨpaɨ xekeneutiyuaneni: “Wawiruniya kana'iwarieni. Weri kaniyutitewiyamɨkɨ. Maxiruki kanitimurariexɨamɨkɨ 'etsipepetɨ. Kakaɨyarixi memɨwewiyatɨka meta wa'ɨkiyarite mekaniutimurarieni tixaɨtɨ mepɨkatehayeitɨarie”.

Keremiyaxi 51:27

»Kuyaxa paterayari xekenanuwi mɨkɨ kwieyaritsie. Kuxineta xekeneutahɨtsi nuiwarite watsata. Xekeniwaruta'ini memeye'uniekakɨ te'aitamete 'Ararati kiekame, Mini kiekame, meta 'Atsikenatsi kiekame. Xeime kuyaxi wa'ukiyari xekenanuyeyetsa. Kawayutsixi meke'ayekɨne 'utsikari memɨyumɨire wahepaɨ meteyuxexeiyatɨ.

Keremiyaxi 51:12

Kuyaxa paterayari xekenanuwi Wawiruniya kuraruyari hetsiemieme. Xehɨwemete xekeniwarutɨrɨkariya. 'Ateewa nenieremete xekeniwaru'uitɨa. 'Imieri xekeneukuha'arita. Yawé katinaye'atɨamɨkɨ ke'ayumieme mɨtiyurienekai, kemɨtiuta'aitakai wawiruniyutsixi wahetsiemieme katinaye'atɨamɨkɨ.

Keremiyaxi 25:9

ne yanetiniyurimɨkɨ kiekarite tayeta mukumane memɨ'axɨanikɨ meta tine'uximayatsiriwame Nawukurunutsuxi Wawiruniya kwieyaritsie ti'aitame. Neniwa'atɨamɨkɨ 'ikɨ kwieyaritsie hepaɨtsita, meta 'ena kiekatari wahepaɨtsita meta yunaime nuiwarite 'auriena mamanetɨka wahepaɨtsita, neniwaka'unamɨkɨ yunaime: metewiwemetɨkaime neniwarayeitɨamɨkɨ, 'atsieriwamete meta hakumaweme yuheyeme —Yawé mɨpaɨ kanaineni—.

Keremiyaxi 6:22

Yawé mɨpaɨ kanaineni: «Neuxei. Tayeta kuyaxi mepayehu, xewitɨ nuiwari mariwetɨ puyukuha'aritɨwa kwie manu'axetsie paitɨ.

Keremiyaxi 6:1

»Xekenayekɨni Kerutsareme kiekariyaritsie Wenikamini xiɨyarimama. 'Awa xekenetahɨtsi Tekuha paitɨ. 'Inɨari xekenanuyewi Weti-Hakereni paitɨ. 'Uximatɨarika mepɨtatsiwewirieni meta mepɨtatsika'una, kuyaxi meyumɨiretɨ metɨrɨkaɨyetɨ tayeta 'amepayehu.

Keremiyaxi 4:21

¿Kepaukari tamɨ patera kayuwatɨ pɨtamare meta 'awa hetahɨtsieriwatɨ?

Kitsariyaxi 62:10

Kitenietetsie xekeneutahakeni, xekeneutahakeni. Huye xekeneukuha'arita teɨteri wahetsiemieme. Huye 'a'atayeume xekeneutawewi. Tetexi naime huyeta metetɨka xekenexɨri. Patera xekeneuyuitɨwani teɨteri hipatɨ memixeiyanikɨ.

Tsupuniyaxi 1:10

»Yawé mɨpaɨ kanaineni: 'Iya tukaritsie parewiya hiwariyari pɨ'enierieni, kitenie Tsapa mɨtitewatsie paitɨ, 'aiwari pɨ'enierieni Kiekari Hutarieka Mieme makumatsie, meta waɨkawa hiwari pa'eniɨriɨkɨni yemuritetsie paitɨ.

Keremiyaxi 51:54

»Hiwari pa'eniɨriɨkɨ mariwemekɨ muka'unariekɨ, Wawiruniya kwieyari.

Keremiyaxi 50:22

Mɨkɨ kwieyaritsie kuyaxa yuariyaya payu'eniɨriɨkɨ yemekɨ mariwemekɨ mepekumaweriyarɨwa.

Keremiyaxi 21:7

Mɨkɨ naitɨ ranuyeyayu, Tserekiyaxi Kura kwieyaritsie ti'aitame nekaniyetuamɨkɨ, meta yunaime memɨte'i'uximayatsiriekai meta teɨteri kemɨ'ane memɨtawikweni kwiniyakɨ, kuyaxatsata meta haakaxatsata —Yawé mɨpaɨ kanaineni—. Nekaniwayetuamɨkɨ Nawukurunutsuxi Wawiruniya kwieyaritsie ti'aitame hetsɨa, meta memɨxekuwautɨwe mexekwinike wahetsɨa. Nawukurunutsuxi kanixekwimɨkɨ 'ixiparakɨ kaxeheunenimayatɨ yɨkɨ katixeku'eriyatɨ”.

Keremiyaxi 18:11

Hikɨta ketiniwarutaxatɨa Kura kiekatari meta Kerutsareme, mɨpaɨ ketiniwarayehɨtɨa Yawé mɨpaɨ kanaineni: “Nekaniha'aritɨaka 'uximatɨarika xehetsiemieme nekaniwewieka kehepaɨ nemɨtiyurieni xehepaɨtsita. Huye 'axamɨ'ane xekeneuhayewa, xeketenehɨwa, 'aixɨa xekeneyuyuri pɨta ke'axaxemɨte'u'uwakaikɨ meta ke'axaxemɨteyuriekaikɨ”.

Keremiyaxi 22:7

'Ahetsɨa te'unamete nekamaneutanɨ'airiemɨkɨ, yu'ɨrɨ me'ɨ'ɨkame yuxexuitɨ, 'akariuxa memawitexɨanikɨ witsimɨtitemari meta taipa mekaneixɨrikuni.

Tsakariyaxi 6:6

Kaxeta kawayutsixi memeuyɨyɨwi memehana mɨkɨ kaniyemieni xeime kwieyaritsie tayeta hepatsie, kawayutsixi memeutuxa memehana kaniyemieni tau makayuyuipike hepatsie, memeupipitu memehana kaniyemieni tatsutɨa kwieyari mukumatsie».

Keremiyaxi 10:22

Xekeneu'enana. Niuki kani'atɨarieni. Tɨranari 'upamie tayeta kiekatari wahetsɨa payeneni, Kura kiekariyari tepayani yawixi memayu'eririya wakie, kii 'unimeyari kwinienetɨ muwe kanayeimɨkɨ.

'Etsekieri 9:1

Manata Kakaɨyari karima hahiwame nekaniu'enieni: «Xeme xekenakɨni, 'ikɨ kiekariyari wahetsiemieme xemɨtewakwinitɨani kwinie xemɨtehayu'eririya, yuxexuitɨ yu'ixipara xe'u'ɨtɨ mɨtiyumemiwa».

'Etsekieri 9:2

Hikɨ huyeta nekaniwaruxeiya 'itupari tayeta meuwie huyeyari'utɨma me'ahukame teɨteri meyu'ataxewime, meyuxexuitɨ 'ixipara me'u'ɨtɨ mɨtiyumemiwa. Wahamatɨa kaniumiekaitɨni xewitɨ rinu matayari 'anakatɨtɨ, mɨkɨ yuhɨiyametsie nekayekaitɨni ti'utɨwame kakunieya. Mɨkɨ yunaitɨ mekaneutahaxɨani, mawari taiyame purunitsekɨ mɨwewiya hɨxie mekaniti'uni.