Keremiyaxi 4:4 - Kakaɨyari Niukieya

⁴ Kura kwieyaritsie kiekatari meta Kerutsareme, yu'iyaritsie xeketeneu'utɨa tɨratu 'inɨariyarikɨ: xitekiya 'inɨariyari xekeneuyuwewiri Yawé xemayexeiyanikɨ, nɨkahɨrixɨa 'axaxemɨte'uyurikɨ nehaxɨa 'utani tai hepaɨ kayutɨnɨatɨ xe'utitaiya.

Keremiyaxi 4:4 ပူးပေါင်းရင်းမြစ်များ

Hutarieka 'inɨari 10:16

'Ayumieme, 'a'iyaritsie pepɨkaratɨtɨmaiyani, matsi yu'iyaritsie memɨtsetse'i wahepaɨ pepɨka'aneni.

Kurutsetari 2:11

Hetsiena xetewiyatɨ xekaniu'inɨaritɨarieni mɨyatɨniketɨ, peru mamá kemɨtiyuxiteke pɨkatixaɨ, Kɨritsitu pɨta kemɨtixe'u'inɨaritɨa, kanixe'upitɨani xemɨtehayewakɨ yaxeteyurietɨ teɨteri wawaiyari kemɨtiwakuyuitɨwa.

Hutarieka 'inɨari 30:6

Yawé xekakaɨyari pɨxeparewieni yu'iyaritsie xemɨtehatɨmaiyakɨ 'axamɨti'ane kwiepa timieme meta 'anuiwarima wahetsie, mɨkɨ xeikɨa xemɨnaki'eriekakɨ naime yu'iyarikɨ meta kexemɨteyumatekɨ, mɨpaɨ 'ana tukari xemexeiyanikɨ.

Keremiyaxi 9:26

'Ekipitu nekatinikwinitɨamɨkɨ meta Kura, 'Erumi, 'Amuni, Muhawi, meta yunaime makumawetsie memu'uwa yumu'utsie memuyukaxika. Yunaitɨ nuiwarite xitekiya 'inɨariyari mepɨkahexeiya, peru matsi 'ixaheritsixi xitekiya 'inɨariyari yu'iyaritsie mepɨkahexeiya».

Keremiyaxi 21:12

Rawiri xiɨyarimama mɨpaɨ ketiniwarayehɨtɨa Yawé mɨpaɨ kanaineni: »“Heitseriemekɨ xeketeneyurieka naime tukaritsie, xekeneɨxɨna 'uximayatsika 'anutiyakame mɨpitɨarie, nɨka hɨrixɨa 'utani nehaxɨa tai hepaɨ meta 'utani xewitɨ ka'itɨwemekɨ, xeme 'axaxemɨteyuriekɨ.

'Amuxi 5:6

Yawé xekeneutiwawa xe'ayeyuyuritɨ xemakɨnekɨ, kapa mɨkɨ tai hepaɨ 'anetɨ 'ukawenikɨ, Kutse nuiwarimama wahetsie, tai Weteri kaniutataiyaweni nixewitɨ pɨka'itɨwe.

Tsupuniyaxi 2:2

yaxeketenekakɨni mexi kahaye'awe kenemutayɨ, mexi tukari xemɨkwewiyatsie xemɨtehayewakɨ xatsi yapauka kemɨre'enitsitɨariwa hepaɨ kayɨwe, mexi xehetsie kakawewe Yawé haxɨaya mɨta'a, mexi xehetsie ka'aye'awe Yawé haxɨaya tukariyari.

'Etsekieri 20:33

Ne Yawé naimekɨmɨyɨwe, yurikɨ mɨpaɨ nekanaineni xehetsie nekatinita'aitamɨkɨ waɨkawa netɨrɨkaɨyetɨ, meta waɨkawa neha'atɨ.

'Etsekieri 24:13

»”Kerutsareme, ne nepɨmatsi'itimɨkɨkai 'aixɨa nematsiyurimɨkɨkai, ke'axapemɨtiyurienekai 'ahiwe'erikakɨ, peru pepɨka'uyutawaɨri 'aixɨa nematsiyurienikɨ. 'Ayumiemeri, peka'itiyatɨ pekanayeimɨkɨ, 'atsitake petikwineme nehaxɨakɨ.

Hiwerika 4:11

Yawé yuhaxɨa kaniutatuani, yuhaxɨa mɨtiyukukuine kananayetuani. Tsiyuni taikɨ kaniutataiya meta kanitaxɨtsitɨani tsutɨmeyari naime.

'Etsekieri 24:8

Tete mɨharuanitsie xuriyaya nekaniutayeurieni, kwiepa mɨka'anukayuyuipikenikɨ. Mɨpaɨ nekatiniyuriemɨkɨ nehaxɨakɨ, nekaneixeiyakamɨkɨ kenemɨtiyurieni.

'Etsekieri 16:38

Nepɨmatsi'anutahɨani hipame wakɨnama mɨwakumaɨwa hepaɨ meta mɨtiyumiekame hepaɨ, nehaxɨa meta ne'ɨtetsarika 'ahetsie nepikawiwieni.

'Etsekieri 8:18

'Ayumieme ne nepɨyeha'ani. Ne nepɨkawatinenimayata. Tsepa karima me'utihiwatɨ memɨnetsihahɨawe ne nepɨkawa'enieni».

'Etsekieri 6:12

Kemɨ'ane 'ateewa paitɨ muyeikani kwiniyakɨ kanimɨmɨkɨ, kemɨ'aneta hurawa muyeikani 'ixiparakɨ kanimieriemɨkɨ, meta kemɨ'ane mɨkamierieni haakakɨ kanimɨmɨkɨ. Mɨpaɨ nehaxɨa wahetsie nekatinikawiwimɨkɨ,

Keremiyaxi 36:7

Heiwatɨ wa'iwaurika Yawé hetsɨa mɨniye'a, yuxexuitɨ memɨtehayewakɨ ke'axaxemɨte'u'uwakɨ, kaniyuritɨni waɨkawa kanimariweni haxɨa Yawé muwarutaxatɨa yamɨtiyurienikɨ 'ikɨ teɨteri wahepaɨtsita».

Keremiyaxi 23:19

Yawé 'ekaya kanayeyani waɨkawa ha'atɨ, haikɨri tiyumemiwatɨ kanayeyani 'axamemɨte'u'iyari wahetsie mɨye'anikɨ.

Keremiyaxi 21:5

Netɨtɨ nekanixetakwimɨkɨ. Tɨrɨkaɨyemekɨ nekatiniyurimɨkɨ, haxɨama meta waɨkawa nekareunenimayatɨ,

Kitsariyaxi 51:17

Kenanutanieri, Kerutsareme, kenanutanieri. 'Ekɨ kenanukukexi, Yawé mamayatsie haxɨa tekɨxiyari pemanu'i, 'ekɨ, tekɨxieya naime pemanɨxɨ 'iya tekɨxi teɨteri muwaratixɨrɨwa.

Mawari 26:28

kamɨtsɨ neta nepɨxe'aye'unieka. 'Atahutamexɨa nepɨxe'uximatɨani 'axaxemɨte'uyurikɨ,

'Etsekieri 21:17

Netatsiere xeiya nepɨtikahutsuxɨani nemamakɨ meta neha'atɨ nepɨtihayewa. Ne Yawé mɨpaɨ nekanaineni”».

'Etsekieri 18:31

Hikɨ kwitɨwa xeketenewiwi, tinaime 'axamɨti'ane mɨkanetsinake, 'iyari hekwame xekenayeitɨa meta kexemɨteku'ewa. ¿Titayari xetekwi'ini 'ixaheritsixi teɨteriyari?

Hutarieka 'inɨari 32:22

Nehaxɨa tai hepaɨ kaniutani, naime mɨtititaiya mɨki teukiyapa. Kwie pɨtaxɨtɨani meta naime mana mɨti'etsie, meta hɨri nanari naime pɨtitaiya.

Xumatari 2:25

Xitekiya 'inɨariyari kamaniparewieka xɨka 'inɨari niukiyaritsie yapetikamieni, matsi xɨka 'inɨari niukiyari petitsanatɨ peyɨaneni, tsepa xitekiya 'inɨariyari pemexeiya, peka'inɨaritɨariekame pepa'ayeitɨa.

Mawari 26:41

mɨkɨkɨ waɨriyarika mepɨnetsi'upitɨa nemɨwaranɨnɨ'anikɨ memɨwaraye'unie wakwietsie, xɨka wa'iyari kemɨtiyumate tixaɨtɨ mekateheyeitɨatɨ meta meheyutimaixɨame 'axakememɨte'uyurikɨ,

Kitsariyaxi 10:17

'Ixaheri hekɨariyari tai kanayeimɨkɨ, wahetsie Mɨpatsie nerɨkwari kanayeimɨkɨ. Xeitukaritsie xuyayari kanititaiyamɨkɨ, meta wa'ɨtsite kanitixɨtsitɨamɨkɨ.

Kitsariyaxi 30:33

Tupeti meripaitɨri kaniyukuha'aritɨani, ti'aitame hetsiemieme kanihɨkɨtɨni. Teeka kaniwati'inierieni heukatewatɨ 'awatiyeutɨ, waɨkawa tai meta kɨyexi hexeiyame, Yawé 'ihɨtsieyu kanitaimɨkɨ, tai hayari hatɨa muhaneni hepaɨ.

Keremiyaxi 9:25

Yawé mɨpaɨ kanaineni: «Tukari kanaye'amɨkɨ kepauka ne nemɨtiwakwinitɨani kemɨ'ane xeikɨa yuwaiyaritsie xitekiya 'inɨariyari memexeiya:

Keremiyaxi 44:22

Kepauka Yawé 'ari mɨkatinewiwekai ke'axaxemɨteyuriekaikɨ mɨkɨ kemɨkatinake meta tita mɨtixani'eriwakɨ yaxeteyuriekaku, xekwie 'axa'itɨarietɨ kanayeitɨarieni, 'akumawetɨ, meta ka'akukiepayatɨ kanayeitɨarieni, hikɨ yaxeikɨa pɨ'ane.

'Etsekieri 44:7

Xeme xepɨwarupitɨa netukita tewanarixi, yu'iyaritsie xitekiya 'inɨariyari memɨkahexeiya meta yuwaiyaritsie, netuki kapatsiekame memayeitɨanikɨ. Mexi'akuxi xeme 'ikwai xenetexatɨakai wiya meta xuriya, mɨpaɨ xeyɨatɨ netɨratu 'axa'itɨariekame xepayeitɨa 'axaxeteyurietɨ.

2 Kemɨtiuyɨ 34:25

Mɨkɨ mepɨnetsi'uku'eiri, hipame kakaɨyarixi 'ɨkwa mepɨwatairietɨwe, meta yunaime yutetexi kakaɨyarixiyarikɨ mekaneniuyehaxɨatɨani. 'Ayumieme waɨkawa nepɨha'a 'ikɨ kwieyaritsie mieme, meta nepɨkatihayewa.’

Keremiyaxi 15:14

'Aneɨkixiwima pemɨtiwata'uximayatsirienikɨ yanekatiniyurimɨkɨ xeime kwieyaritsie pemɨka'imatetsie, nehaxɨatsie tai kaniutani xehetsie kaneutanerɨkwawani».