Keremiyaxi 4:2 - Kakaɨyari Niukieya

² xɨka yurikɨ, 'aixɨa 'anemekɨ meta heitseriemekɨ, yape'utayɨni: “Yurikɨ Yawé 'amuyeikakɨ”, hikɨ, “hetsiena mieme nuiwarite 'aixɨa me'itɨarietɨ mepakɨne, meta me'inɨawatɨ mepakɨne”».

Keremiyaxi 4:2 ပူးပေါင်းရင်းမြစ်များ

Kitsariyaxi 65:16

Tsepa kemɨ'ane xewitɨ 'aixɨa mɨ'itɨariekakɨ mɨkɨ kwieyaritsie xɨka tiutawauni, yapɨtiyurieni Kakaɨyari yuri mɨhɨkɨ hetsiemieme, meta tsepa kemɨ'ane 'ikɨ kwietsie yamɨtiyɨhɨritɨani, yapɨtiyurieni Kakaɨyari yuri mɨhɨkɨ hetsiemieme, 'Uximatɨarika meripaitɨ mieme mepatɨmairi, hikɨ nepɨka'iku'eriwari.

Keremiyaxi 9:24

Xɨka xewitɨ yuta'ɨrimɨkɨ, keyuta'ɨre mɨnetsimatekɨ meta mɨpaɨ mɨretimakɨ kename ne Yawé nehɨkɨ, nemɨti'uximaya kwiepa naki'eriyakɨ, heitseriemekɨ meta 'aixɨa 'anemekɨ, netsɨ mɨpaɨ kanetininakeni —Yawé mɨpaɨ kanaineni—.

Tsutɨarika 22:18

Yemekɨ kenematiutahɨawixɨ yapemɨtikatɨakɨ, yunaitɨ nuiwarite kwiepa memɨtama 'aixɨa mepɨ'itɨarieka 'anuiwarima wahekɨ.

2 Kurinitutari 10:17

Matsitsɨ niuki kemaine, «Kemɨ'ane mariweme mɨxatamɨkɨ, Ti'aitame mariweme kexatani».

1 Kurinitutari 1:31

'Ayumieme mɨpaɨ kani'aneni kemɨre'uxa: «Kemɨ'ane mariweme muyuxatamɨkɨ, Ti'aitame kexatani mariwemetɨme».

Hutarieka 'inɨari 10:20

Yawé mɨ'akakaɨyari pe'ayemakaxetɨ kenayexeiyani. Mɨkɨtsie xeikɨa ketinewiyani meta kepemɨtayɨni mɨkɨ kemɨtitewakɨ yakeneutaineni.

Karatsiyatari 3:8

'Utɨarikayaritsie meripaitɨ mɨpaɨ katinimatsiɨkɨkaitɨni, nuiwarite memɨkahuriyutsixi yuri mekatenita'erienikekaitɨni, mɨkɨkɨ Kakaɨyari heitserie kaniwapitɨanikekaitɨni. 'Ayumieme niuki 'aixɨa manuyɨne 'Apɨrahami meripaitɨ mɨpaɨ katiniutahɨawarieni: «'Akɨmana yunaitɨ nuiwarite mepɨtemawieritɨarieni».

Keremiyaxi 12:16

Xɨka yemekɨ meheitimani neteɨterima wahuye, mɨpaɨ kememɨtewaru'ɨkitɨakai neteɨterima Wahari hetsiemieme kememɨteyɨhɨritɨakakɨ, mɨpaɨ xɨka metehetimani kenemɨtitewakɨ xɨka meyuhɨritɨatɨ mɨpaɨ me'utiyuani: “Yawé 'ake'uyeikani yemekɨ”, hikɨ 'ana neteɨterima watsata mekaniyuhayewakuni.

Kitsariyaxi 45:25

Matsi yunaitɨ 'Ixaheri nuiwarimama Yawé katinehekɨatamɨkɨ heitserie kememɨtehexeiyakɨ meta 'aixɨa kememɨtexeiyarie.

Nɨawari 72:17

Kekuxaxatsiwani yuheyemekɨ, tau hepaɨ kereutere ku'eriwatɨ. Hetsiena mieme nuiwarite 'aixɨa mekeyuyurieka, yunaitɨ mɨkɨ 'aixɨa mekete'ikɨhɨaweni.

Tsakariyaxi 8:8

Nepɨwarakunuitɨani Kerutsareme pɨta memɨkutenikɨ, mɨkɨ neteɨterima mepɨhɨkɨtɨni neta wakakaɨyari nepɨhɨkɨtɨni, yurikɨ nepɨtiyurieneni meta heitseriemekɨ”.

Kitsariyaxi 45:23

Ne mɨpaɨ yurikɨ nekaniuyuhɨritɨani nehetsiemieme, heitseriekamekɨ yanekaniutayɨni niuki nemɨka'ipatakɨ: Nehɨxie yunaitɨ mepɨkatunuma'uni, nehetsiemieme yamepɨteyuhɨritɨani yunaitɨ teɨteri.

1 Te'aitamete 3:6

Hikɨ Tsarumuni mɨpaɨ katinita'eiya: —'Ekɨtsɨ waɨkawa pekaninaki'eriekaitɨni mati'uximayatsiriwame Rawiri, nepaapa, mɨkɨ 'aniuyeikakaitɨni yatikamietɨ naimetsie kepemɨtihɨritɨa 'aixɨa 'anemekɨ 'ahetsie tiwiyatɨ, 'iyarieya niheitseriekaitɨni. Hikɨta yaxeikɨa tepɨneniere kepemɨtinaki'erie Rawiri nu'ayatɨme pemanayexeikɨ 'uwenieyatsie mayerɨnikɨ.

Piriputari 3:3

Tame pɨta Kakaɨyari 'inɨarieya tepexeiya, tame pɨta tepɨhɨkɨ Kakaɨyari temayexeiya 'Iyari kemaine, tame taheyemekɨ tekaninaki'aka Kɨritsitu Ketsutsi hetsie temɨtewiyakɨ, mɨkɨ meta, yuri tepɨkate'erie herie miemetsie.

'Utseyaxi 2:19

Ne ne'ɨya nematsi'ayeitɨani yuheyemekɨ, nematsi'awitɨkɨni heitseriemekɨ 'aixɨa 'iyari, teyunaki'erietɨ teteheuyuyehɨwirietɨ.

Keremiyaxi 5:2

Tsepa mɨpaɨ memɨteyuhɨritɨa: “Yurikɨ Yawé mayeyurikɨ”, yakɨ xeikɨa mekateniyuhɨritɨaka».

Nɨawari 99:4

Ti'aitame pemɨtɨrɨkaɨye, 'aixɨa mɨti'ane pemɨtinaki'erie: 'ekɨ mɨtiheitserie pepɨtiukaye meta Kakuwu hetsie 'aixɨa pepɨtiyuriene heitseriemekɨ.

Hutarieka 'inɨari 4:30

Hikɨ 'uximatɨarikatsata pe'uyeikatɨ meta petiuka'eniwatɨ, mɨkɨ peheutiparitɨame pehakunuani Yawé 'akakaɨyari hetsɨa hikɨ pepi'enieni niukieya.

Xuti 3:13

Hikɨ tɨkaritsie 'ena keneu'ahayewa ximerike pepɨyemie. Xɨka mɨkɨ yara'eriwani, 'aixɨa kani'aneni yaketiuyurieni. Peru xɨka yakara'eriwani yamɨtiyurienikɨ, kaniyuritɨni Yawé mayenierekɨ, yurikɨ ne nepɨyɨhɨritɨa nepɨmatsiparewieni. Keneukaniri mana ximerikeri pekaniyemieni.

Keremiyaxi 3:17

»'Iya tukaritsie Kerutsareme pɨtiterɨwarieni: ‘‘Yawé 'uwenieya”. Yunaitɨ nuiwarite mepuyukuxeɨrieni Kerutsareme memeyexeiyanikɨ Yawé kemɨtitewa, meta yu'iyari 'axamɨtiuka'iyari mepɨka'eniekari.

Keremiyaxi 7:5

Xɨka yurikɨ 'aixɨa xete'u'uwatɨ xehakɨne meta 'aixɨa xeteyurietɨ, xɨka yurikɨ heitserie xe'u'uwatɨ xehakɨne xeyunaitɨ,

Keremiyaxi 10:10

Peru Yawé xeikɨa yuri Kakaɨyari kanihɨkɨtɨni, Kakaɨyari mayeyuri, yuheyemekɨ Ti'aitame. Kepauka muyeha'arɨwe, kwie kanewatayuaneni, nuiwarite haxɨaya memunewieni mepɨkayɨwawe.

Keremiyaxi 12:15

'Arike newarahuname, nekaniwatinenimayatamɨkɨ, nekaniwa'atɨamɨkɨ yuxexuime wakwietsie nemɨwayetuiritsie.

Keremiyaxi 16:19

Yawé, netɨrɨkariya meta pemɨnetsi'awieta, 'ahetsɨa nemɨneti'awiwieta kepauka 'uximatɨarika nemexeiyani: kwie manu'axetsie paitɨ 'ahetsɨa nuiwarite mepɨ'axɨani, hikɨ mɨpaɨ mepɨtiyuani: «'Itarika xeikɨa ta'ukiyarima mepɨte'umikie, tixaɨtɨ mɨkatihɨkɨ mepɨte'umikie, nitixaɨtɨ mɨkatiyunaki'erie.

Keremiyaxi 33:9

Kerutsareme netemawierika kanihɨkɨtɨkamɨkɨ, meta ne kwikari mɨxawatɨ nuiwarite kwiepa memɨtama wahɨxie. Mɨpaɨ mekatenetimaikuni ne ke'aixɨa nemuwayurie, menitimamakuni, menitiyɨyɨakakuni 'aixɨa nemɨtiwareukuyatsakɨ, meta kayuwatɨ nemuwapitɨakɨ”.

Kuheri 2:12

Yawé mɨpaɨ kanaineni: «Merikɨ, yunaitɨ yu'iyarikɨ nehetsɨa xekeneu'axɨa, xe'utitsuatɨ, xeyuheiwerietɨ xekatekwatɨ».

Hutarieka 'inɨari 6:13

»Yawé 'akakaɨyari kenayemakaxeni, mɨkɨ xeikɨa kenayexeiyani, yaketineyuhɨritɨa mɨkɨ kemɨtitewakɨ.

1 Tsamuheri 20:3

Hikɨ Rawiri yurikɨ mɨpaɨ katinitahɨawe: —'Ekɨ pemɨnetsinaki'erie 'apaapa yakatinimaika, 'ayumieme xɨari mɨpaɨ pɨtiu'eri: “Yapɨkaretimani matsi Kunatani, mɨkanutuixiekakɨ”. Peru Yawé mayeniere hɨxie meta 'ekɨ 'ahɨxie mɨpaɨ nekanaineni, kanehuraniri nemɨmɨnikɨ.

Marakiyaxi 1:11

Karikɨ, nuiwarite watsata nekanayexeiyarieka, tau 'amɨranatineni 'atsita kepauka manukayune. Naitsarie 'ɨkwa witsimu'ɨa kanitaiyarieka meta mawari hɨkɨatɨ kaniwewiyaka nehetsiemieme, ne nemɨmariwekɨ nuiwarite watsata —mɨpaɨ kanaineni Yawé Naimekɨmɨtɨrɨkaɨye—.