Keremiyaxi 4:11 - Kakaɨyari Niukieya

¹¹ 'Iya tukaritsie mɨpaɨ mepɨtetahɨawarieni 'ikɨ teɨteri meta Kerutsaremetari: «Hɨrite mɨmeetse makumawetsie mɨtiteitsie paitɨ 'eka xɨkatɨ pataneika neteɨterima wakiekari nemɨnaki'erie makuma hepa 'erietɨ. Mɨkɨ 'eka tihename pɨkahɨkɨ meta tɨriku hename pɨkahɨkɨ,

Keremiyaxi 4:11 ပူးပေါင်းရင်းမြစ်များ

'Utseyaxi 13:15

Tsepa 'Epɨrahini rexeiyatɨ matɨa yu'iwama watsata, Yawé 'ekaya kaninuamɨkɨ, 'eka mɨxɨka makumawetsie mieme, hamuhapane meta haixate kanikawaxɨamɨkɨ. Tita memɨteheuxeiya katinika'unariemɨkɨ, naime tita witsiti'anenekame memɨtehexeiyakai katinikumawerimɨkɨ.

'Etsekieri 17:10

Tsepa xaɨtsie mukayerie pɨkatawere. 'Eka tau manatineika mayeneika pitawatsiɨxa xɨka 'i'axe. Yurikɨ kanitawamɨkɨ hakewa mekayerie».

Rukaxi 3:17

Kuxari 'itiwame pakwe'e, tɨriku mɨti'itienikɨ kuxari manuyewiwienikɨ, tɨriku kaniti'utamɨkɨ kaxetunitsie, peru kuxariyari pɨta pɨtitaiya tai mɨkatɨwetsie.

Mateu 3:12

Ti'itiwame pakwe'e, yutɨriku xatsiyari panuyewiwieni, kaniti'utamɨkɨ takariyari kaxetunitsie, hikɨ xatsiyari pɨtitaiyarieni tai mɨkatɨwetsie».

'Utseyaxi 13:3

'Ayumieme hai ximeri mieme hepaɨ me'anenetɨ mepakɨne, haɨtsi ximeri paitɨ manuku'eke hepaɨ, xatsi 'eka mei'enitsitɨwa hepaɨ, kɨtsi huxunuta matineika hepaɨ.

'Etsekieri 19:12

Peru kanahunarieni haxɨakɨ, kwiepa kanatihɨiyani. 'Eka tau manatineika mieme pitiwatsiɨxaxɨ, teɨteri 'ikwaxi meukatekai mepukamuraxɨ. Putiwa mamateya 'amɨpapa, meta taikɨ putixɨtsitɨarie.

Hiwerika 4:6

Ke'axamemɨte'uyuri Tsurumatari matsi kwinimieme 'axamepɨte'uyuri Kerutsareme kiekatari, yapauka kaniuka'unarieni, nixewitɨ pɨka'iparewi.

Hiwerika 4:3

Yeutari memayu'eririya yutsitsi mepɨyexata yuniwema mepɨwatsitsitɨa, peru 'ukari Kerutsaremetari mepɨka'u'iyari. Yuniwema mepɨwata'e'eiriwa 'aruxi 'amemɨnene makumawetsie memu'uwa wahepaɨ.

Hiwerika 3:48

Haa muhane hepaɨ pɨyɨne ne'ukai ne'auritsie, neteɨterima wakiekari mɨmariwe muka'unariekɨ.

Hiwerika 2:11

Tsuarikɨ nehɨxite pɨtixɨxime, 'ariri kakwaniwemekɨ nepeɨmɨmɨkɨ. Yemekɨ ne'iyarikɨ nepɨkaheuwaɨre nekiekari muka'unariekɨ. Tɨɨritɨtɨ yakɨ memɨyumate mekanitiweranareni, 'ikɨ kiekari kayeyarite 'utɨma.

Keremiyaxi 23:19

Yawé 'ekaya kanayeyani waɨkawa ha'atɨ, haikɨri tiyumemiwatɨ kanayeyani 'axamemɨte'u'iyari wahetsie mɨye'anikɨ.

Keremiyaxi 14:17

»'Ekɨ mɨpaɨ pekatiniwaretahɨawimɨkɨ: »“Ne 'ukai ke'uhapaneni tukarikɨ meta tɨkarikɨ, nekatihayewatɨ, neteɨterima waniwe 'uka 'ɨimari pɨtiuka'eniwa waɨkawa, tɨrɨkaɨyemekɨ kaniuweiyani.

Keremiyaxi 9:7

'Ayumieme, mɨpaɨ kanaineni Yawé Naimekɨmɨtɨrɨkaɨye: «Ne 'aixɨa nekanixetiyurimɨkɨ, nekanixeta'inɨatamɨkɨ. ¿Ketawari netiyurieni neteɨterima wahetsiemieme?

Keremiyaxi 9:1

Nemu'u haixa xɨka hɨkɨtɨnike, meta nehɨxite 'ukai haixayari, tukarikɨ meta tɨkarikɨ nemutsuanenikɨ, neniwe 'uka teɨterimama memukwi'iwaxɨkɨ.

Keremiyaxi 8:19

Neteɨterima waniwe 'uka hiwarieya pa'eniɨriɨkɨ 'ikɨ kwieyari manuye'atɨkatsie paitɨ: «¿Tamɨ Yawé Tsiyuni katitikie? ¿Tamɨ mana kati'aita?» «Yukakaɨyarixikɨ memɨnetsi'uyehaxɨatɨakɨ, kakaɨyarixi tixaɨtɨ memɨkateyunaki'erie meta memɨkawamatekɨ».

Kitsariyaxi 64:6

Teyunaitɨ teɨteri temɨka'itiyatɨka tepɨhɨkɨ, naitɨ heitseriemekɨ ketemɨteyurie 'ixurikite mɨtɨtɨnini hepaɨ pɨ'ane. Teyunaitɨ tepɨtiwauke kɨye xawari hepaɨ, titakɨ 'axatemɨte'uyuri 'eka hepaɨ pɨtatsi'u'enitsitɨaxime.

Kitsariyaxi 41:16

Pekaniwarexɨrimɨkɨ, meta 'eka kanenu'enitsitɨamɨkɨ, 'eka mɨtɨrɨkaɨye kaniwataxɨriexɨamɨkɨ. Peru 'ekɨ Yawé hetsie petiwiyatɨ pekaniyutemawiekamɨkɨ, 'Ixaheri hetsie Mɨpatsie kɨmana pekani'ata'ɨrimɨkɨ.

Kitsariyaxi 27:8

Kaniyuritɨni hetsiena kuyaxa kaniutixuawitɨani, kaneyeweiya yu'iiyakɨ 'eka 'iiyayari tau manatineika miemekɨ.

Kitsariyaxi 22:4

'Ayumieme mɨpaɨ neputayɨ: «Nexaɨtame xekeneneuhayewa, nekanitatsuamɨkɨ netiuka'eniwatɨ. Waɨriyarika xepɨkanetsikunɨtɨwani: Nekiekari niweya kaniuka'unarieni».

Hiwerika 4:10

'Ukarawetsixi 'aixɨa memɨte'u'iyarikai, yumamá mekaniuhɨniri yuniwematɨme mekaniwaruka'etsa. Yuniwema wahekɨ mekatenikwakaitɨni, kepauka Kerutsareme muka'unarietsie.

Nɨawari 11:6

'Axamemɨte'u'iyari wahetsie tɨɨ wiyeriyari kananɨ'amɨkɨ meta tai kanikawiwimɨkɨ, 'eka kwinimieme tixɨkatɨ kaniku'ekamɨkɨ, mɨkɨ wa'iwarika kanayeimɨkɨ.

Keremiyaxi 4:12

'eka nemanɨ'ani mɨpaɨ pɨka'ayumieme mɨkɨ matsi waɨkawa pɨtɨrɨkaɨye, karikɨ ne yanekanitayɨmɨkɨ wahetsie nekatiniɨhɨamɨkɨ».

Keremiyaxi 13:24

«'Ɨxa hepaɨ nepɨxetawiwiexɨani 'eka kemɨrei'enitsitɨwa makumawetsie.

'Awakuki 1:6

Karireutsixi nekaniwayuitɨamɨkɨ, mɨkɨ teɨteri memayu'eririya memɨhɨkɨ meta memɨtɨrɨkawi, naitsarie kwiepa memuku'uwa hipame wakwie yuhetsiemieme meyeitɨakutɨ.

'Awakuki 1:11

'Eka naime mɨtiye'unatɨyeika hepaɨ mekani'aneni, peru waɨkawa 'axamekateniuyurieni, yutɨrɨkariyatɨme yukakaɨyari memayeitɨakɨ».

'Utseyaxi 4:19

'Ayumieme haikɨri mɨtɨrɨkaɨye pɨwataxɨriexɨani, mepɨyutitetewiya hipame kakaɨyarixi memɨwarayexeiyakaikɨ.