Keremiyaxi 4:1 - Kakaɨyari Niukieya

¹ Yawé mɨpaɨ kanaineni: «'Ixaheri, xɨka penuamɨkɨ nehetsɨa, kenenua nehetsɨa. Xɨka nehɨxie kakaɨyarixi pewarexɨrieni memɨxani'eriwa meta xɨka pekanetsi'uku'eirieni,

Keremiyaxi 4:1 ပူးပေါင်းရင်းမြစ်များ

Kuheri 2:12

Yawé mɨpaɨ kanaineni: «Merikɨ, yunaitɨ yu'iyarikɨ nehetsɨa xekeneu'axɨa, xe'utitsuatɨ, xeyuheiwerietɨ xekatekwatɨ».

Keremiyaxi 3:22

«Xekeneu'axɨa, xemɨnetsi'uku'eiri, nepɨxeti'uayemani heitserie xemɨka'u'uwakɨ». «'Ena tepu'uwa, 'ahetsɨa teputi'axe, 'ekɨ Yawé takakaɨyari pemɨhɨkɨkɨ.

'Etsekieri 43:9

Hikɨ mekete'uku'eirieni 'axakememɨteyurie, meta te'aitamete wateukiya, hikɨ ne wahamatɨa nekaniuyeikamɨkɨ yuheyemekɨ.

Keremiyaxi 25:5

Mɨkɨ mepɨxe'ayemari'itɨwakai mɨpaɨ meputiyuanekai: “Ke'axaxemɨte'u'uwa xeketeneuhayewa, metatsiere 'axaxemɨteyurie. Mɨpaɨ xeyɨme 'axepu'uwani yuheyemekɨ kwie Yawé mɨxeyetuiritsie meta xe'ukiyarima.

Keremiyaxi 3:12

Kenemie tayeta 'ikɨ niuki kenetaxata: »“Kenenua, 'Ixaheri pemɨnetsi'uku'eiri. Neha'atɨ nepɨkamatsixeiya —Yawé mɨpaɨ kanaineni—. Haxɨari 'ahetsiemieme nepɨka'utani yuheyemekɨ, ne nemɨtiyukanenimayakɨ —Yawé mɨpaɨ kanaineni—.

Keremiyaxi 3:1

»'Inɨarikɨ, xewitɨ 'uki yɨ'ɨya kaniuku'eirieni, mɨkɨta 'uka kanihayewa xeime pɨta 'uki tiwitɨnike. ¿Tiyɨwe 'uki matɨari mewitɨkɨkai nuame mitiwitɨnikɨ? Pɨkayɨwe. Mɨpaɨ xɨkatiuyɨni kwie naime ka'itiyakame kanayeitɨamɨkɨ. Mɨpaɨ kani'aneni, 'ekɨri yumɨireme pekaniwarukumayɨani, 'ayumieme pekapɨyɨweri nehetsɨa hutarieka pemunuani —Yawé mɨpaɨ kanaineni—.

Tsutɨarika 35:2

Hikɨ Kakuwu mɨpaɨ katiniwarutaxatɨani yutɨɨriyama meta hamatɨana memu'uwakai: «Xekeniwaruhayewa hipame wakakaɨyarixi yuhetsɨa xemɨwarexeiya, xekeneuyu'iti, hipame pɨta yu'ixurikite xeketenanakatɨxɨa.

'Utseyaxi 14:1

'Ixaheri, kenenua Yawé 'akakaɨyari hetsɨa. Ke'axapemɨtiyuriene mɨkɨ pɨmatsihekahɨpa.

'Utseyaxi 2:2

»Peru hikɨ yumaama hetsie xeketeneuhɨpani, mɨkɨri hikɨ pɨkane'ɨya neta nepɨkakɨnaya. Yuhɨxie mayuyewirie witsimɨtixeiyariekakɨ ke'ayuye'itieni 'axamɨtiuka'iyarikɨ, meta yutawie kemɨratikuka ketiuhayewa.

2 Kemɨtiuyɨ 33:8

Hatsuaku tawarita 'ixaheritsixi nepɨkawarayeweiya kwie wa'ukiyarima nemɨwayetuiritsie, xɨka metehaye'atɨaka xɨka yametekahuni naime kenemɨtiwaruta'aitɨa, tatsɨari, naime ne'inɨari niukiyaritsie meta ne'aitsikatetsie nemɨwayetuiri Muitsexi ya'utainekaku».

2 Kemɨtiuyɨ 15:8

Kepauka 'Atsá mɨkɨ niuki mu'eni Kakaɨyari niukameya 'Atsariyaxi 'Ureri nu'aya mitaxataxɨ, kaniyuwaɨriya muwakumaweriyakɨ kakaɨyarixi memɨwewiyatɨka 'axamemɨ'anene naitsarie Kura kwieyaritsie meta Wenikamini kwieyaritsie, meta kiekarite ma'iwakaitsie 'Epɨrahini muhɨriyatsie. Metatsiere, mawari taiyame Yawé hetsiemieme 'aixɨa kaniuyurieni Yawé tukieya hɨxie takwa muwekai.

2 Te'aitamete 23:24

Metatsiere, Kutsiyaxi kaniwarayeweiya memɨtemaiwawe meta memɨteyukewaiya, meta yunaime tsaturi kaniwaruka'una meta kakaɨyarixi 'axamemɨ'anene Kura kiekariyaritsie meta Kerutsaremetsie memuxuawekai. Mɨpaɨ katiniuyurieni meye'atɨanikɨ kemainekai 'inɨari niukiyari, kemɨre'ukai xapatsie mawari wewiwame Kirikiyaxi mitaxeitsie Yawé tukita.

2 Te'aitamete 23:13

Meta kaniti'una mawari matitaiyarɨwa kakaɨyarixi wahetsiemieme Kerutsareme warie tau manatineika hepatsie mutiwewiyakai, mɨkɨ Tsarumuni 'Ixaheri kwieyaritsie ti'aitame kanitiwewiekaitɨni, 'uka 'Atsitaruti kakaɨyariyari hetsiemieme tsiruniyutsixi wakakaɨyari 'axamɨ'ane, meta Kemuxi muhawitsixi wakakaɨyari 'axamɨ'ane, meta Muruki 'amunitsixi wakakaɨyari 'axamɨ'ane.

1 Tsamuheri 7:3

'Ayumieme Tsamuheri yunaime 'ixaheritsixi mɨpaɨ katiniwarutahɨawe: «Xɨka xeme xeyuwaɨriyani Yawé hetsɨa xemɨ'axɨanikɨ yu'iyarikɨ, xekeniwarexɨri kakaɨyarixi xemɨkawamate meta 'Atsitaruti 'ɨkiyarite. Yawé yuxaɨtame xeikɨa xekenayexeiyani mɨkɨ kanixetawikweitsitɨamɨkɨ piritsiteutsixi kememɨtexenanaima».

'Itsɨkate 10:16

Hikɨ kakaɨyarixi mekaniwaruku'eirieni memɨwarayexeiyakai, Yawé me'ayexeiyatɨ pɨta mekanakɨne, meta Yawé pɨkayɨwekairi mɨtinewieka, 'ixaheritsixi kememɨte'uka'eniwakai.

'Utseyaxi 7:16

Kakaɨyari 'Amutewi hetsɨa mepɨka'axɨaku, tupi tiyu'irɨwiyame hepaɨ mepɨ'anene. Peru wa'itsɨkate 'ixiparakɨ mepɨka'unarieni waniuki 'axamanuyɨnekɨ, meta 'Ekipitu kiekatari mepuwatinanaimani.

'Etsekieri 18:13

Tumini tiyuniɨniɨtɨwatɨ rana'iwatɨ. ¿Mɨkɨ temaikɨ tiyɨwe 'amuyeikani? Nekatixaɨtsietɨ. Mɨyamɨtiyurienekɨ, kanimieriemɨkɨ, kepauka mɨmierieni yukɨmana yɨanetɨ pɨranuyeyani.

'Etsekieri 11:18

Mɨkɨ mepɨ'axɨani yukwieyaritsie, mana memɨkayurikakaɨyarixi mepɨwarayexɨrieni meta 'axameteyurietɨ mepɨtehayewa.

Keremiyaxi 36:3

Kepauka Kura kiekatari mɨpaɨ memɨtehetimani naime 'uximatɨarika wahetsiemieme kenemɨtiwaranɨnɨ'airieni kenemɨtiku'eriwa, heiwatɨ mete'uhayewa 'axa'anemekɨ kememɨte'u'uwa, meta ne nemɨtiwareuyehɨwirienikɨ 'axakememɨte'uyurikɨ».

Keremiyaxi 35:15

Yaxeikɨata, nepɨkatihayewa nexehenɨ'airiwatɨ memɨnete'uximayatsirie neniukametema, mɨpaɨ nemɨxetitahɨawekɨ: ‘Huye 'axamɨ'ane xekeneuhayewari, xekeneyumanetsikitɨa kexemɨteyuriekɨ meta hipameri kakaɨyarixi xepɨkawaruweiyani xemɨtewa'uximayatsiriekakɨ. Mɨpaɨ 'ana xeniu'uwakuni kwie nemɨxeyetuiritsie meta xetutsima nemuwayetuiriekaitsie’. Peru xeme xepɨkanetsi'eniwawe, kenemaine yaxepɨkatekakɨniwawe.

Keremiyaxi 24:9

Yanepɨtiyurieni hipatɨ mewaxeiyatɨ memɨmamakakɨ meta mepɨte'uka'eniwani, yunaime nuiwarite memɨtama wahetsie. Meta tsepa hakewa ne nemɨwaretanɨ'axɨani, muwa 'aixɨa mepɨkate hexeiyarieka, mepeyuriyarieka, mepenanaimarieka, 'axamepe'itɨarieka.

Keremiyaxi 15:4

Te'aitamete yunaitɨ kwiepa memɨtama memɨmamakakɨ nekatiniyurimɨkɨ, Manatsexi 'Etsekiyaxi nu'aya, Kura kwieyaritsie ti'aitame, kemɨtiuyurikɨ Kerutsareme.

Keremiyaxi 4:4

Kura kwieyaritsie kiekatari meta Kerutsareme, yu'iyaritsie xeketeneu'utɨa tɨratu 'inɨariyarikɨ: xitekiya 'inɨariyari xekeneuyuwewiri Yawé xemayexeiyanikɨ, nɨkahɨrixɨa 'axaxemɨte'uyurikɨ nehaxɨa 'utani tai hepaɨ kayutɨnɨatɨ xe'utitaiya.

Keremiyaxi 3:14

Yawé mɨpaɨ kanaineni: «Nehetsɨa xekeneu'axɨa xemɨnetsi'uku'eiri, karikɨ ne xekɨna nekanihɨkɨtɨni. Yuxexuime xeikiekariyaritsie nepɨwarayewitɨxɨani meta yuhuhutakame xeinuiwaritsie miemete, Tsiyuni paitɨ nepuwa'atɨani.

Kitsariyaxi 31:6

Xeme 'ixaheritsixi, xekeneu'axɨa 'iya hetsɨa kemɨ'ane xe'aye'unietɨ xemakɨ waɨkawamekɨ.

Kutsuhexi 24:14

»'Ayumiemeta hikɨ, xeme xekeneyuyetua Yawé hetsɨa, xeketene'uximayatsirieka hetsiena xetewiyatɨ. Xekeniwaruku'eiri kakaɨyarixi xetutsima memɨwarayexeiyakai 'Eupɨrate 'anutaɨye paitɨ meta 'Ekipitu, Yawé xeikɨa xekenayexeiyani.

Hutarieka 'inɨari 27:15

“'Axake'u'itɨarieni kemɨ'ane kɨye kakaɨyariyari mɨtawewieni, yatɨni kɨye xixiyakame yatɨni tepɨakɨ wewiyakame, meta xɨka 'awie hawaikɨ heitakeni. Mɨkɨ tewi pɨtiwewiyaya, 'ayumieme Yawé mɨtixani'erie pɨtihɨkɨ”. Yunaitɨ teɨteri mɨpaɨ meke'utiyuani: “'Aixɨa pɨ'ane”.

Hutarieka 'inɨari 4:30

Hikɨ 'uximatɨarikatsata pe'uyeikatɨ meta petiuka'eniwatɨ, mɨkɨ peheutiparitɨame pehakunuani Yawé 'akakaɨyari hetsɨa hikɨ pepi'enieni niukieya.

Keremiyaxi 7:3

Mɨpaɨ kanaineni Yawé Naimekɨmɨtɨrɨkaɨye, 'Ixaheri Kakaɨyarieya: “'Aixɨa xete'u'uwatɨ xekenakɨni meta 'aixɨa xeteyurietɨ, hikɨ ne nepɨxepitɨaka 'axemu'uwanikɨ 'akuxi 'ikɨ kwieyaritsie.

Keremiyaxi 7:5

Xɨka yurikɨ 'aixɨa xete'u'uwatɨ xehakɨne meta 'aixɨa xeteyurietɨ, xɨka yurikɨ heitserie xe'u'uwatɨ xehakɨne xeyunaitɨ,

Keremiyaxi 7:7

hikɨ 'ana nepɨxepitɨani xemu'uwanikɨ 'ikɨ kwieyaritsie, kwie xe'ukiyarima nemɨwayetuiritsie yuheyemekɨ.

Keremiyaxi 15:19

'Ayumieme Yawé mɨpaɨ kanaineni: «Xɨka petiuhayewa, ne nepumatsi'anukuhana 'anata pepɨnetsi'ayexeiyani. Xɨka petiuhayewa yakɨ petikuxatatɨ, xɨka yurikɨ xeikɨa petikuxatani yemekɨ meuyewetsekɨ, neniukame 'ekɨ pepayani. Mɨkɨ 'ahetsɨa meke'u'axɨani, peru 'ekɨ wahetsɨa pepɨkaheyeikani.

Keremiyaxi 18:11

Hikɨta ketiniwarutaxatɨa Kura kiekatari meta Kerutsareme, mɨpaɨ ketiniwarayehɨtɨa Yawé mɨpaɨ kanaineni: “Nekaniha'aritɨaka 'uximatɨarika xehetsiemieme nekaniwewieka kehepaɨ nemɨtiyurieni xehepaɨtsita. Huye 'axamɨ'ane xekeneuhayewa, xeketenehɨwa, 'aixɨa xekeneyuyuri pɨta ke'axaxemɨte'u'uwakaikɨ meta ke'axaxemɨteyuriekaikɨ”.

Tsakariyaxi 1:4

»”Xetutsima kememɨ'anenekai wahepaɨ xepɨka'aneneni, mɨpaɨ memɨtewakuxaxatɨwakai Kakaɨyari niukametemama meripai miemetexi, mɨpaɨ kanaineni Yawé Naimekɨmɨtɨrɨkaɨye: ‘'Axaxete'u'iyaritɨ xeketeneuhayewa meta 'axaxeteyurietɨ.’ Merikɨte kenemainekai mɨkɨ yamepɨkatekakɨ meta mepɨkanetsi'u'eni —mɨpaɨ kanaineni Yawé—.

2 Kemɨtiuyɨ 34:33

Kutsiyaxi naime yeiyari 'axamɨ'anene kaniukumaweriya naitsarie 'ixaheritsixi wakwieyaritsie, meta yapɨtiuyuri yunaitɨ 'Ixaheritsie memɨtitekai Yawé yukakaɨyari memayexeiyanikɨ. Mexi Kutsiyaxi 'a'uyeikakai, Yawé mepɨka'uku'eiri, yu'ukiyarima wakakaɨyari.