Keremiyaxi 38:4 - Kakaɨyari Niukieya

⁴ Memanuyetei ti'aitame mɨpaɨ mekateniutahɨawe: —'Ikɨ tewi tepɨmieni. Mɨpaɨ tikuxatatɨ puwamariuta kuyaxi meta teɨteri 'ikɨ kiekaritsie memuyuhayewatɨwe. 'Ikɨ tewi 'aixɨa mɨti'ane pɨkatikuwaune 'ena kiekatari wahetsiemieme, matsi 'axamemɨ'itɨarienikɨ xeikɨa.

Keremiyaxi 38:4 ပူးပေါင်းရင်းမြစ်များ

Keremiyaxi 26:11

Mana mawari wewiwamete meta Kakaɨyari niukametemama ti'aitame parewiwametemama meta yunaime teɨteri mɨpaɨ mekateniwarutahɨawe: «'Ikɨ tewi ke'umierieni, 'ikɨ kiekari hepaɨtsita 'axamɨtikuxatakɨ, xeme kexemɨte'i'enie».

Nɨ'ariekate 16:20

'Itsɨkate wahɨxie mewa'atɨaka, mɨpaɨ mekaniutiyuani: —'Ikɨ teɨteri mekanihuriyutsixitɨni, mepɨwaxamurietɨwe tahetsɨa kiekatari.

'Amuxi 7:10

Hikɨ 'Amatsiyaxi, mawari wewiwame Weteri kiekame, Keruwuhani niuki kanenɨ'airieni 'Ixaheritsie ti'aitame: «'Amuxi 'axakametinikuxatani 'ixaheritsixi yunaime wahɨxie. 'Ari 'ena kiekatari mepɨwaɨripie me'i'enietɨ,

Keremiyaxi 29:7

Yaxeikɨa hakewa nemɨxehenɨ'a, mana kiekariyaritsie 'aixɨa 'iyari xeketene'uximayaka meta Yawé xekenewawirieka hetsiena mieme, 'aixɨa 'iyari xe'u'uwakaku, xeme kiekaritsie 'aixɨa 'anemekɨ xepu'uwani».

Nehemiyaxi 6:9

Yurikɨ, metatsimariutatɨ xeikɨa mekaniutiyuanekaitɨni. Temɨtehayewakɨ temɨka'inɨnikɨ ta'uximayatsika. «Hikɨ, Ti'aitame, kenenetɨrɨkariyani nemiyeweiyanikɨ neti'uximayatɨ».

1 Te'aitamete 21:20

'Akawi mɨpaɨ 'Eriyaxi katiniuta'eiya: —Nemɨmatsi'aye'unie. ¿Kamɨtsɨ penetiukaxei? 'Eriyaxi mɨpaɨ katinita'eiya: —Huu, nekameniukaxeiya pemuyuyetuakɨ 'axapemɨtiyurienikɨ Yawé kemɨkatinake,

Memeyekɨ 5:4

Ti'aitame 'Ekipitu kiekame mɨpaɨ kaniutayɨni: —Muitsexi, 'Aruni, teɨteri xepɨkawa'uximatɨaka memɨte'uximayakakɨ. Xekenakunuaxɨa xemɨteha'uximayatsie.

Nɨ'ariekate 28:22

Matsi tekani'eniekuni kepemɨtiku'eriwa, mɨkɨtsie memɨtewiya wahepaɨtsita 'ikɨ xeikɨa tepɨtemate, naitsarie 'axamekatenikuxaxatsiwani.

Nɨ'ariekate 24:5

'Ikɨ tewi tekanetaxeiya yunaime huriyutsixi waxamurieneme naitsarie kwiepa. Natsaretitanaka hetsie memɨtewiya katiniwa'aitɨwametɨni.

Nɨ'ariekate 17:6

Memɨkawarutaxeikɨ, Katsuni meta hipame 'iwamama mepɨwarehapa 'itsɨkate wahɨxie mɨpaɨ mete'uhiwatɨ: «'Ikɨ naitsarie teɨteri mekaniwaxamurietɨweni, 'uwata mekaniu'axɨani.

Rukaxi 23:2

'Ana menitsutɨani me'ixanetatɨ mɨpaɨ me'utiyuatɨ: —Te'iku'iwawiyatɨ 'ipaɨ tekatenimaika, kwamanarika wewietɨ tiniwa'ɨkitɨaka tateɨterima, pɨkawapitɨa memɨteyukutuayanikɨ Tsetsaxi kuwiyexinuya hetsiemieme, mɨpaɨ kanaineni kename heitserie 'upitɨarie Kɨritsitutɨtɨ, ti'aitame yuxatatɨ.

'Etsekieri 22:27

Kiekaritsie memɨ'itsɨkate, yawixi memayu'eririya mepɨhɨkɨ yeutari memɨwakwa'a, mekanitahupani xeikɨa xuriya metayeurienike, hipame mewakwikutɨ, mɨpaɨ memɨte'iwanikɨ 'axa'anemekɨ.

'Etsitɨraxi 4:12

Mɨpaɨ tepɨmetehahɨawe ti'aitame huriyutsixi pemɨwareyenɨ'a mekaniu'axɨani Kerutsareme, hikɨ mɨkɨ kiekari mɨkaheu'ena mekanihekwatɨatɨweni 'axamɨtiuka'iyari. Tenariyari 'ariri kanitsutɨarieka.

2 Kemɨtiuyɨ 24:21

Peru mɨkɨ mekaniyu'enieni Tsakariyaxi Kuyara nu'aya kememɨyurieni, hikɨ ti'aitame yatiuta'aitaku, mekanimieni tetexikɨ me'itituaxatɨ Yawé tukieya takwayaritsie. Mɨpaɨ ti'aitame Kuhatsi, Kuyara 'aixɨa kemɨtiuka'iyarikai kahe'eriwatɨ, nu'aya Tsakariyaxi kaniumieni, mɨkɨ mɨximetɨ mɨpaɨ kaniutayɨni: «Yawé yakeretimani 'ikɨ naime, meta xehetsie kerahɨani».

Keremiyaxi 11:21

«'Ayumieme Yawé mɨpaɨ kanaineni 'Anatuti kiekatari wahepaɨtsita memɨmatsimieku meta mɨpaɨ memutiyuane: “Yawé hetsiemieme pepɨkatihekɨatani, xɨka yapekara'eriwani tame temɨmatsimienikɨ”.

Keremiyaxi 18:23

Yawé, peru 'ekɨ pepɨrakumate naime kememɨteku'eriwa kememɨnetemieni. Ke'axamemɨteyurie pepɨkatiwareuyehɨwirieka, meta ke'axamemɨte'uyuri pepɨkahekuyeitɨwani 'ahɨxie. 'Ahɨxie meke'ukaxɨriyani. Kepauka wahekɨ pemɨha'a 'ana keniwaraye'atɨiri.

Keremiyaxi 38:16

Peru Tserekiyaxi 'awie mɨpaɨ Keremiyaxi katiniutahɨawe: —Yawé hɨxie mɨpaɨ nepɨmerahɨawe, tukari mɨtatsi'upitɨa, nepɨkamatsimieni meta nepɨkamatsiyetuani 'ikɨ memetsimieku wahetsɨa.

Keremiyaxi 38:25

Xɨka memanuyetei metehetimani kename ne 'ahamatɨa netiutaxa, xɨka me'u'axɨame mɨpaɨ memete'utahɨawe: “Ketatineutaxatɨa ti'aitame kehepaɨ pemɨtiutahɨawixɨ, meta mɨkɨ kehepaɨ metiutahɨawixɨ, tixaɨtɨ pepɨkataranukanamirieka, mexɨka pekatiutaxata tame tekamenimiekuni”,

Keremiyaxi 43:3

Waruki Neriyaxi nu'aya tahepaɨtsita yapemɨtayɨnikɨ yakametinikɨhɨaweni, tatsiyetuanike wawiruniyutsixi wahetsɨa, memɨtatsikwinikɨ yatɨni temanuhapanienikɨ Wawiruniya paitɨ».