Keremiyaxi 3:9 - Kakaɨyari Niukieya

⁹ »'Ixaheri mɨkatiuhayewaxɨkɨ hipame wahamatɨa hunetɨ, kwie ka'itiyakame kanayeitɨani meta kemɨ'ane mɨkayɨkɨna mukumaɨwa kanayuyeitɨani tete meta kɨye kakaɨyarixiyari muwarayexeiyakaikɨ.

Keremiyaxi 3:9 ပူးပေါင်းရင်းမြစ်များ

Keremiyaxi 2:27

Kɨye yatewime mɨpaɨ xepɨtekɨhɨawe: “'Ekɨ pepɨnepaapa”, meta xeime tete mɨpaɨ xepɨtehahɨawe: “'Ekɨ pepɨnetsi'utinuiwitɨa”. Xepɨnetsi'uwarixiwiyaxɨ, xepɨkanetsixeiyaku. Peru xehetsie 'uximatɨarika munuanitsie mɨpaɨ xepɨnetekɨhɨawe: “Kenanukukexi meta ketaneutawikweitsitɨa”.

Keremiyaxi 3:2

»Keneuxeiya 'iya hɨrite mɨmeetse: Hakewa 'ahamatɨa pɨkarekahitɨwe. Harawe tewiyari makumawetsie 'amuyeika hepaɨ, huye tetsita pepɨkayeixakai, 'atuxexerima pewakwewietɨ. Kwie ka'itiyakame pekanayeitɨani memɨka'akɨnama wahamatɨa pehunetɨ.

Kitsariyaxi 57:6

Tetexi ha'ute 'aki'utɨa mieme pemɨtiukuhayewiyarie pɨrayani, yurikɨ, mɨkɨ 'ahetsiemieme pɨrayani. Mɨkɨ wahetsie hatseiti peputiyeuri, hatsi mawariyari pepɨyetua. Mɨkɨ naime mɨyapemɨtiuyurikɨ, ¿'atsinekatitayɨni?

Keremiyaxi 10:8

Yunaitɨ mepɨka'u'iyari 'axamemɨteyurienikɨ xeikɨa pɨwanake, kɨyexi kakaɨyarixiyari 'ɨxatsitamete mepɨhɨkɨ wahetsiemieme.

Keremiyaxi 2:7

Ne nepɨxe'atɨa kwie 'aixɨa mɨ'anetsie, mana 'ikwaxi mɨtixuawe xemɨtekwakakɨ tinaitɨ mana mɨtixuawe. Peru xeme xe'u'axɨaka nekwie ka'itiyakame xepayeitɨa, xeme kwie nemɨxeyetuiri ne'ixani'eriekame xepayeitɨa.

'Awakuki 2:19

Xɨa'ui kemɨ'ane kɨye mɨpaɨ mɨtikɨhɨawe: “Kenanutanieri”, meta tete mɨkaniuwe: “Kenanukukexi”. Tsepanetɨ huru meta pɨrata memɨkawiriyarietɨka, tixaɨtɨ memɨxete'uta'ɨkitɨani mepɨkayɨwawe, memɨkahayeyuyurikɨ.

'Utseyaxi 4:12

Neteɨterima kɨye kakaɨyariyari xeikɨa mepayexeiya, mɨkɨ kuta kɨye tiwaku'eiya, mepɨkayumaiwawe hipame 'ukarawetsixi wahamatɨa mehitɨwetɨ xeikɨa mepauyexɨrie, yukakaɨyari mepuku'eiri mɨyameyɨatɨ.

'Etsekieri 23:10

Mɨkɨ maweme mekaniuhayewa, meta niwemama 'ukitsi, 'ukari mekaninawairieni, mɨkɨta 'ixiparakɨ mekaniumieni. Yemekɨ mɨkɨ waɨkawa pɨtiukwinitɨarie, 'ayumieme 'ukarawetsixi wahetsiemieme mari'itɨarika kanayani.

'Etsekieri 16:17

Hurukɨ mɨtiwewiyatɨka meta pɨratakɨ mɨtiwewiyatɨka nemɨmatiumikai, mɨkɨkɨ 'ukitsi wa'ɨkiyari pepɨwarutiwewi, mɨkɨ pewarayexeiyatɨ pepuyumayɨinɨakai.

Mateu 5:32

Peru ne matsi mɨpaɨ nepɨxerahɨawe, kemɨ'ane miku'eiri yu'ɨya, mɨkɨ xeime kɨnaya kumaɨwame kanayeitɨani yu'ɨya, mexɨka 'uka 'uki 'ukumayɨani mɨkayɨkɨna xeikɨa. Kemɨ'ane mitiwitɨni 'uka muku'eiriwaxɨ, mɨkɨta pikumaɨwani xeime 'ɨyaya.

Keremiyaxi 16:18

Ne nekatinixe'akapitɨamɨkɨ meri 'axakexemɨte'uyurikɨ meta 'axaxemɨte'u'iyarikɨ matsi tawari hepaɨna paɨmemekɨ, kakaɨyarixikɨ memɨxani'eriwakɨ memɨkwikwi'ikɨ nekwie 'axaxemuyurikɨ, meta kwie nemɨxeyetuiritsie xepɨte'utahɨniyaxɨ tita nemɨtixani'erie».

'Etsekieri 23:3

'Ɨimarixiyari paitɨ watsisi mɨtimayɨiyanikɨ mepuyutauni, 'Ekipitu paitɨ tuminikɨ meyumayɨinɨatɨ mepakɨ, mana mepu'iyamatɨarie.

'Etsekieri 23:21

Kanaye'erieni kepauka 'ɨimariyari, 'ekipitutari tsitsieya memɨkumaɨwakai me'ihiwe'erietɨ mɨkamayɨiyakaitsie.

'Utseyaxi 2:2

»Peru hikɨ yumaama hetsie xeketeneuhɨpani, mɨkɨri hikɨ pɨkane'ɨya neta nepɨkakɨnaya. Yuhɨxie mayuyewirie witsimɨtixeiyariekakɨ ke'ayuye'itieni 'axamɨtiuka'iyarikɨ, meta yutawie kemɨratikuka ketiuhayewa.

Kitsariyaxi 57:3

«Xeme, 'ukaratsi mutiyukewaiya niwemama, 'uki 'ukaratsi tuminikɨ muyumayɨinɨa mukumaɨwa niwemama, 'ahurawa xekenakɨni.

Kuheri 1:19

'Ekɨ, Yawé, ne nepɨmetsiwawirie, 'ɨxatsɨ 'ayeparitsie meuka'ukai taikɨ mutitai, tai 'amanutiteterekɨ naime katiniutitaiya kɨyexite 'ɨtsita mɨreuka'ukai.