Keremiyaxi 3:6 - Kakaɨyari Niukieya

⁶ Kepauka Kutsiyaxi ti'aitametɨkaku Yawé mɨpaɨ kanetiniutahɨawe: «¿Petimate kemɨtiyuriene 'Ixaheri, yamɨkatikamie hɨkɨtɨtɨ? Kaneyani hɨri 'amanutitɨtɨtsie, mana kɨyexi mɨ'e'etɨtɨa tuminikɨ muyumayɨinɨa kanayuyeitɨani.

Keremiyaxi 3:6 ပူးပေါင်းရင်းမြစ်များ

'Etsekieri 23:11

»Tsepanetɨ taruya munierixɨ 'Ahuriwá kemɨyɨ, mɨkɨ matsi kwinimieme tiuka'iyaritɨ kanayani keyuri kurieya.

'Etsekieri 20:28

Kepauka nemɨwa'atɨa kwietsie meripaitɨ yurikɨ nehaitɨ, mɨpaɨ nemainekai kename newayetuirienikekai, mɨkɨ kwieyaritsie tsepa kemɨ'ane hɨri memuxei yatɨni kɨye waɨkawa yɨrakame, mɨkɨ hetɨa mawari meputiwewiwakai, mepɨnetsixatɨakai matsi yemekɨ mɨkanetsinake. Mana 'ɨkwa witsimu'ɨa meputitaiyakai, meta kaxie winuyari mɨtiyeuriwa.

'Etsekieri 16:31

Peru kepauka teɨteri memayukuxexeɨriwa pemitiwewi, tukite meta 'etsikinatsie pemɨyuyetuakai, 'ukaratsi tuminikɨ muyumayɨinɨa hepaɨ pepɨkayɨanekai, pemɨkati'awiyakaikɨ.

Keremiyaxi 17:2

'Aixɨa mepɨtehe'eriwa xeniwema 'ukitsi xemawari taiyamete kɨyexi mɨ'e'etɨ hetɨa muwetɨka, meta 'uka 'Atserá kakaɨyariyari 'ɨkiyari yemuri 'amanutitɨtɨtsie muwetɨka

Keremiyaxi 7:24

Peru mɨkɨ mepɨkanetsi'anu'eni yamepɨkatekakɨ, yu'iyari mɨkaheu'ena meta 'axamɨtiuka'iyari pɨta kemɨtiwakɨhɨawekai mepanukuwei. Mɨpaɨ me'ɨyɨka mekanewa'uni pɨta, yukutama mekaniyekɨne.

Keremiyaxi 3:8

yaxeikɨatatsiere punierixɨ kenemɨtiku'eiri 'Ixaheri mɨnetsihehɨa, 'eiriya xapayari kenemɨtitawewiri hipame wahamatɨa mukahuikɨ. Mɨyatɨtɨ taruya, Kura 'axamɨtiuka'iyari, pɨka'utima, yaxeikɨa pɨnetsi'uku'eiri, hipame wahamatɨa hunetɨ kanayani.

Kitsariyaxi 57:7

Hɨri 'a'utewimetsie manutimɨtsɨtsie, mana paitɨ pepuyuka'utatɨa, mana paitɨ pekananutiyani pemɨtitimawakɨ.

1 Te'aitamete 14:23

Naitsarie hɨritetsie meta kɨyexi 'amɨpapa mɨ'e'etɨ hetɨa kakaɨyarixi memɨte'atimawiyarɨwa mekaniutiwewieni, tetexi 'amekaniti'uitɨani, meta kakaɨyari 'uka 'Atserá 'ɨkiyari.

2 Kemɨtiuyɨ 34:1

Merikɨtsɨ Kutsiyaxi kepauka mitsutɨa ti'aitatɨ 'atahaika wiyari kanexeiyakaitɨni, hikɨ Kerutsareme 'ukaitɨ katiniuta'aita xeitewiyari heimana tamamata heimana xewi wiyari.

Keremiyaxi 1:2

Yawé niukieya Keremiyaxi hetsɨa kaninuani, tamamata heimana haika wiyari Kutsiyaxi 'Amuni nu'aya ti'aitakaku Kura kwieyaritsie.

Keremiyaxi 5:11

Teɨteri 'Ixaheri hetsiemiemete meta Kura kwinimieme yemekɨ yamepɨkatehu», Yawé mɨpaɨ kanaineni.

Keremiyaxi 11:10

Wa'ukiyarima ke'axamemɨte'uyuri yaxeikɨa mepɨteyurie, memɨka'uyuwaɨri nehetsiemieme yamemɨtekahunikɨ. Hipame pɨta kakaɨyarixi mekaniwareweiya mekaniwarayexeiyani. 'Ixaheritsixi meta Kura xiɨyarimama, tɨratu kenemɨtiuwewi wa'ukiyarima wahamatɨa mɨkɨ mekanititsanaxɨani.

Keremiyaxi 31:22

¿Kepaukake pepɨtihayewa pekuyeikatɨ, neniwe 'uka yapemɨkatikamie? Yawé tihekwame katininetɨamɨkɨ 'ena kwiepa, 'ukaratsi yukɨna hetsɨa kaninuamɨkɨ».

'Etsekieri 23:4

Mexɨakame 'Ahurá pɨtitewakai, taruyata 'Ahuriwá pɨtitewakai. Mɨkɨ wahamatɨa nepuyeikakai, yuniwema mekaneniyetuirieni 'ukitsi meta 'ukari. ('Ahurá Tsamariya kani'inɨariyaritɨni, taruyata 'Ahuriwá Kerutsareme pɨ'inɨariyari).

'Utseyaxi 4:13

Hɨrite 'amutitɨtɨtsie meta yemuritetsie mana mawari taiyariyari mepɨtiwewiwa meta 'imikieri, tuaxa kɨyeyaritɨa meta haramu meta xiutɨa. 'Ayumieme waniwema tuminikɨ memuyuwitɨnɨa mepɨhɨkɨ meta wamu'e'ema hipame mepɨwakumaɨwa.

'Utseyaxi 11:7

Neteɨterima mepuyuwaɨriya memɨkanetsinaki'eriekakɨ kenemɨtitewa, 'ayumieme tsepa memɨnetsihahɨawe ne nepɨkawaparewieni.

'Itsɨkate 2:17

Yaxeikɨatsiere 'ixaheritsixi mɨkɨ mepɨkawaru'eni, 'axamekateniuyurieni pɨta kakaɨyarixi mewarayexeiyatɨ wahɨxie me'ukatunuma'uwetɨ. Yapauka huye mekaniuku'eirieni watutsima memiweiyakai, huye 'aixɨa mɨ'ane Yawé kemɨti'aita huyeyari.

Nɨawari 106:39

Mɨkɨ mɨyamɨti'ane meka'itiyakame pɨwarayeitɨa, meta mɨkɨkɨ mepuyutsewixima.

Kitsariyaxi 57:3

«Xeme, 'ukaratsi mutiyukewaiya niwemama, 'uki 'ukaratsi tuminikɨ muyumayɨinɨa mukumaɨwa niwemama, 'ahurawa xekenakɨni.

'Etsekieri 16:35

»”'Ayumieme, 'ukaratsi tuminikɨ pemuyumayɨinɨa, Yawé niukieya keneu'eni.