Keremiyaxi 3:2 - Kakaɨyari Niukieya

² »Keneuxeiya 'iya hɨrite mɨmeetse: Hakewa 'ahamatɨa pɨkarekahitɨwe. Harawe tewiyari makumawetsie 'amuyeika hepaɨ, huye tetsita pepɨkayeixakai, 'atuxexerima pewakwewietɨ. Kwie ka'itiyakame pekanayeitɨani memɨka'akɨnama wahamatɨa pehunetɨ.

Keremiyaxi 3:2 ပူးပေါင်းရင်းမြစ်များ

Keremiyaxi 2:20

»Mɨixa wiyari panuyemie 'ayuku pemanumuraxɨ, pemɨhɨakai pepɨ'axɨnaxɨ meta mɨpaɨ peputayɨ: “'Ahetsiemieme nepɨkareu'uximayatamɨkɨ”. Naitsarie hɨri 'amanutitɨtɨtsie, meta naime kɨyexi mɨ'e'etɨtɨkatɨa, pepɨ'ayetua tuminikɨ pemɨkumayɨiwanikɨ.

Keremiyaxi 2:7

Ne nepɨxe'atɨa kwie 'aixɨa mɨ'anetsie, mana 'ikwaxi mɨtixuawe xemɨtekwakakɨ tinaitɨ mana mɨtixuawe. Peru xeme xe'u'axɨaka nekwie ka'itiyakame xepayeitɨa, xeme kwie nemɨxeyetuiri ne'ixani'eriekame xepayeitɨa.

Tsutɨarika 38:14

wiura kamixayari kananutihɨna, yɨhɨxie kaneuyukunani kapa xewitɨ heitimanikɨ, kiekari 'Enahini manuyeniere mɨranuyekɨkatɨretsie kanayerɨni, Timinati huyeyari manuyehane kiekari mukumatsie. Mɨpaɨ kaniuyɨni, mɨpaɨ mɨtimaikaikɨ Tseraxi 'amuyumaikaikɨri memɨka'iwitɨtɨawekaiku kɨnaya mayanikɨ.

Keremiyaxi 3:1

»'Inɨarikɨ, xewitɨ 'uki yɨ'ɨya kaniuku'eirieni, mɨkɨta 'uka kanihayewa xeime pɨta 'uki tiwitɨnike. ¿Tiyɨwe 'uki matɨari mewitɨkɨkai nuame mitiwitɨnikɨ? Pɨkayɨwe. Mɨpaɨ xɨkatiuyɨni kwie naime ka'itiyakame kanayeitɨamɨkɨ. Mɨpaɨ kani'aneni, 'ekɨri yumɨireme pekaniwarukumayɨani, 'ayumieme pekapɨyɨweri nehetsɨa hutarieka pemunuani —Yawé mɨpaɨ kanaineni—.

Hutarieka 'inɨari 12:2

Mɨkɨ nuiwarite xemɨwarayeweiya hakewa yukakaɨyarixi memɨwarayexeiya naime xekatenika'unakuni, tatsɨari hɨri 'amanutitɨtɨtsie meta yemuritetsie meta kɨyexi 'amupapa hetɨa.

Rukaxi 16:23

Mɨkite watsata 'ukaitɨ xiku kananukuniere 'uximatɨarietɨ, 'ateewa paitɨ kanixeiya 'Apɨrahami meta Ratsaru 'auriena 'utikaime.

'Etsekieri 16:16

'Akamixatekɨ kakaɨyarixi pepɨwarutiwewi witsimeteyuxexeiyame, mana tuminikɨ peyumayɨinɨatɨ pepatɨa. Hatsuaku mɨpaɨ pɨkareyɨwekai.

Keremiyaxi 7:29

»”'Akɨpate keneukaxika, kenewiwi, kenetsuamie hɨri mumetsetsie paitɨ, Yawé mɨwarexɨrikɨ muwaruku'eirikɨ 'iya nuiwari memiyehaxɨatɨa”».

Keremiyaxi 3:21

Hiwari payu'eniɨriɨkɨ hɨrite mɨmeetsetsie, 'Ixaheritsixi wahiwerika hiwariyari, 'axameteyurietɨ 'amemu'uwakaikɨ, Yawé yukakaɨyari mematɨmaikɨ.

Keremiyaxi 3:9

»'Ixaheri mɨkatiuhayewaxɨkɨ hipame wahamatɨa hunetɨ, kwie ka'itiyakame kanayeitɨani meta kemɨ'ane mɨkayɨkɨna mukumaɨwa kanayuyeitɨani tete meta kɨye kakaɨyarixiyari muwarayexeiyakaikɨ.

Keremiyaxi 2:23

»¿Pepɨkayɨwe mɨpaɨ pemutayɨni: “Neka'itiyatɨ nepɨkahayuyeitɨa, meta Wahari kakaɨyarixiyarite newarayexeiyatɨ nepɨka'uyeika”? Kenaye'eri kepemɨtiuyuri mayeweritsie. Keneu'atimaixɨa kepemɨtiuyuri. Kameyu 'ukaratsi manautsawe, naitsarie pemukuyeika.

Temaiwawemete 23:28

Mɨkɨ 'uka 'ukitsi muwahupie tinawayame hepaɨ kaniyɨaneni, mɨkɨ 'ukitsi yɨ'ɨitama wahetsie memɨkatewiyanikɨ xeikɨa puwakuwaune.

Temaiwawemete 7:11

(Mɨkɨ 'uka waɨkawa pɨtikuxata 'utahiwatɨ hipame kawa'enietɨ, mɨpaɨ memɨ'anene 'ukarawetsixi yukiita yemekɨ mepɨkahayetei.

2 Te'aitamete 23:13

Meta kaniti'una mawari matitaiyarɨwa kakaɨyarixi wahetsiemieme Kerutsareme warie tau manatineika hepatsie mutiwewiyakai, mɨkɨ Tsarumuni 'Ixaheri kwieyaritsie ti'aitame kanitiwewiekaitɨni, 'uka 'Atsitaruti kakaɨyariyari hetsiemieme tsiruniyutsixi wakakaɨyari 'axamɨ'ane, meta Kemuxi muhawitsixi wakakaɨyari 'axamɨ'ane, meta Muruki 'amunitsixi wakakaɨyari 'axamɨ'ane.

1 Te'aitamete 11:3

'Atahuta tsienituyari mepɨyupaɨmekai 'ɨitamama mɨkɨ te'aitamete waniwema mepɨhɨkɨtɨkai, haika tsienituyari mepɨtuxexerimamatɨkai, mɨkɨ 'ukari yunaitɨ 'axamekaniyurieni 'iyarieyatsie.

'Etsekieri 20:28

Kepauka nemɨwa'atɨa kwietsie meripaitɨ yurikɨ nehaitɨ, mɨpaɨ nemainekai kename newayetuirienikekai, mɨkɨ kwieyaritsie tsepa kemɨ'ane hɨri memuxei yatɨni kɨye waɨkawa yɨrakame, mɨkɨ hetɨa mawari meputiwewiwakai, mepɨnetsixatɨakai matsi yemekɨ mɨkanetsinake. Mana 'ɨkwa witsimu'ɨa meputitaiyakai, meta kaxie winuyari mɨtiyeuriwa.

Nɨawari 106:38

Mekaniwarukwini 'atsimemɨkateyuriekame, yuniwema 'ukitsi meta 'ukari. Kepauka kakaɨyarixi Kanani miemete memɨwarutimawiri, mɨkɨ waxuriyakɨ mɨkɨ kwie 'axa'itɨarietɨ patɨa.

Keremiyaxi 3:13

Keneu'atimaixɨa xeikɨa ke'axapemɨtiuyuri, meta kename Yawé pe'aye'unietɨ pehatɨa 'akakaɨyari. Naime kɨyexi mɨ'e'etɨtɨka hetɨa hipame kakaɨyarixi pepɨwarayexeiyakai, meta kepemɨkati'awaɨriya yapemɨtikamienikɨ”».

Keremiyaxi 12:12

Naitsarie makumawetsie yemurite mɨtiteitsie mekaniu'axɨani teyumemiwamete. Yawé 'ixiparaya 'ikɨ kwieyari kanika'unamɨkɨ naime 'etsiwatɨma yayeume pɨkahayewa, meta nixewitɨ kayuwatɨ pɨkahexeiyani.

'Utseyaxi 2:5

Wamaama tuminikɨ muyuwitɨnɨa kanihɨkɨtɨni, Mɨwarutiniwexɨ ka'uyukatewiyatɨ. Mɨpaɨ kaniutayɨni: “Netuxexerima wahamatɨa nepukuyeikani, memɨnetemikwa memɨnetsiharitɨa, muxa huxarieya, rinu 'ixurikiyari, nehatseiti meta tita nemɨranuye'e”.