Keremiyaxi 3:1 - Kakaɨyari Niukieya

¹ »'Inɨarikɨ, xewitɨ 'uki yɨ'ɨya kaniuku'eirieni, mɨkɨta 'uka kanihayewa xeime pɨta 'uki tiwitɨnike. ¿Tiyɨwe 'uki matɨari mewitɨkɨkai nuame mitiwitɨnikɨ? Pɨkayɨwe. Mɨpaɨ xɨkatiuyɨni kwie naime ka'itiyakame kanayeitɨamɨkɨ. Mɨpaɨ kani'aneni, 'ekɨri yumɨireme pekaniwarukumayɨani, 'ayumieme pekapɨyɨweri nehetsɨa hutarieka pemunuani —Yawé mɨpaɨ kanaineni—.

Keremiyaxi 3:1 ပူးပေါင်းရင်းမြစ်များ

'Etsekieri 16:26

'Ekipitutari wahamatɨa pepukahui, 'a'aurie kiekatari waxieyame 'amɨtɨtɨkai, meta pemɨnetsiyehaxɨatɨanikɨ matsi yuwaɨkawa wahamatɨ pepukahui.

Keremiyaxi 4:1

Yawé mɨpaɨ kanaineni: «'Ixaheri, xɨka penuamɨkɨ nehetsɨa, kenenua nehetsɨa. Xɨka nehɨxie kakaɨyarixi pewarexɨrieni memɨxani'eriwa meta xɨka pekanetsi'uku'eirieni,

Keremiyaxi 2:20

»Mɨixa wiyari panuyemie 'ayuku pemanumuraxɨ, pemɨhɨakai pepɨ'axɨnaxɨ meta mɨpaɨ peputayɨ: “'Ahetsiemieme nepɨkareu'uximayatamɨkɨ”. Naitsarie hɨri 'amanutitɨtɨtsie, meta naime kɨyexi mɨ'e'etɨtɨkatɨa, pepɨ'ayetua tuminikɨ pemɨkumayɨiwanikɨ.

Tsakariyaxi 1:3

'Ayumieme, mɨpaɨ ketiniwarayehɨtɨa yunaime teɨteri, mɨpaɨ kanaineni Yawé Naimekɨmɨtɨrɨkaɨye: »“Nehetsɨa xekeneu'axɨa, neta xehetsɨa nepunuani —Yawé Naimekɨmɨtɨrɨkaɨye mɨpaɨ kanaineni—.

'Utseyaxi 1:2

Kepauka Yawé 'Utseyaxi hamatɨa matɨari mɨtiutaxa, mɨpaɨ katinitahɨawe: «Kenemie xeime 'ukaratsi tuminikɨ muyuwitɨnɨa kenetiwitɨki, hetsiena tɨɨri keniwarayexeiya, mɨkɨ kwieyaritsie mɨpaɨ memɨyɨakɨ yunaitɨ. Yawé me'uku'eirieka hipame kakaɨyarixi pɨta mekaniwarayexeiyakaitɨni».

'Etsekieri 33:11

Mɨpaɨ ketiniwarutahɨawi: “Yawé naimekɨmɨyɨwe mɨpaɨ kanaineni: Ne yurikɨ mɨpaɨ nekanaineni, nepɨkanetemawie 'axatiyuruwame mɨmɨnikɨ, matsi 'axatiyurienetɨ ketiuhayewa meta 'ake'uyeikani. 'Ayumieme xeketeneuhayewa, 'ixaheritsixi teɨteriyari, xeketeneuhayewa 'axaxeteyurietɨ. ¿Titayari xetetakukuweni?”

Keremiyaxi 4:14

Kerutsareme, 'a'iyaritsie keneu'a'iti 'axamɨti'anekɨ, pemɨtawikweitsitɨarienikɨ. ¿Kepaukake pepɨtihayewa 'iyaritɨarika kemɨmatikuyuitɨwa?

Keremiyaxi 3:9

»'Ixaheri mɨkatiuhayewaxɨkɨ hipame wahamatɨa hunetɨ, kwie ka'itiyakame kanayeitɨani meta kemɨ'ane mɨkayɨkɨna mukumaɨwa kanayuyeitɨani tete meta kɨye kakaɨyarixiyari muwarayexeiyakaikɨ.

Keremiyaxi 2:23

»¿Pepɨkayɨwe mɨpaɨ pemutayɨni: “Neka'itiyatɨ nepɨkahayuyeitɨa, meta Wahari kakaɨyarixiyarite newarayexeiyatɨ nepɨka'uyeika”? Kenaye'eri kepemɨtiuyuri mayeweritsie. Keneu'atimaixɨa kepemɨtiuyuri. Kameyu 'ukaratsi manautsawe, naitsarie pemukuyeika.

'Itsɨkate 19:2

Peru mɨkɨ 'uka kaniku'eirieni, kaninuani yupaapa kie Wereni Kura kwieyaritsie. Mana nauka metseri kaniyuriekaitɨni.

Mikeyaxi 2:10

Xekenanuku'uti. Xekeneuhuni, 'ikɨ 'ena xema'uxipie pɨkahɨkɨ. Tita 'axamɨti'ane xepɨte'utahɨniyaxɨ, xepika'unaxɨ naime yemekɨ.

Keremiyaxi 3:22

«Xekeneu'axɨa, xemɨnetsi'uku'eiri, nepɨxeti'uayemani heitserie xemɨka'u'uwakɨ». «'Ena tepu'uwa, 'ahetsɨa teputi'axe, 'ekɨ Yawé takakaɨyari pemɨhɨkɨkɨ.

Keremiyaxi 2:7

Ne nepɨxe'atɨa kwie 'aixɨa mɨ'anetsie, mana 'ikwaxi mɨtixuawe xemɨtekwakakɨ tinaitɨ mana mɨtixuawe. Peru xeme xe'u'axɨaka nekwie ka'itiyakame xepayeitɨa, xeme kwie nemɨxeyetuiri ne'ixani'eriekame xepayeitɨa.

Kitsariyaxi 24:5

Kwie puyutsewixima, mana kiekatari memiketsinakɨ, yamemɨkatekakɨkɨ 'inɨari niukiyaritsie, 'inɨari niukiyari memɨkahanu'enikɨ, 'aitsikate memeutitsanaxɨakɨ, tɨratu yuheyemekɨ mumieme mekaneutitsanaxɨani.

Hutarieka 'inɨari 22:21

kehehanieni paapaya kiiya kitenie paitɨ, hikɨ mana 'ukitsi kiekaritsie kiekatari meke'imieni tetexikɨ me'ititɨaxatɨ. Mɨpaɨ keranuyeyani 'axamɨtiuyurikɨ 'Ixaheri kwieyaritsie meta yupaapa kiiya mutewiyatsitɨakɨ 'axa'anemekɨ 'uyeikatɨ mɨyamɨtiuyurikɨ. Mɨpaɨ xepɨtehayewani 'axamɨti'ane xetsata mɨtixuawe.

Mateu 5:31

»Mɨpaɨta mepɨte'utahɨawarie meripaitɨ: “Kemɨ'ane yu'ɨya muku'eiri, 'eiriya xapayari ke'ihuritɨani”.

Nɨawari 106:38

Mekaniwarukwini 'atsimemɨkateyuriekame, yuniwema 'ukitsi meta 'ukari. Kepauka kakaɨyarixi Kanani miemete memɨwarutimawiri, mɨkɨ waxuriyakɨ mɨkɨ kwie 'axa'itɨarietɨ patɨa.

Keremiyaxi 22:20

«Riwanu hɨriyaritsie keneutiyaka karima keneutahiwa, meta Watsani hetsie. 'Awarini hetsie paitɨ keneutahiwani, yunaitɨ 'atuxexerima memukwi'iwaxɨkɨ.

Hiwerika 1:2

Tɨkakɨta kwinimieme tiutsuatɨ kaniukatariyarɨwani, 'ukaiya 'aurieyatsie kaniukakɨkani. Nixewitɨtɨma muwanaki'eriekai hikɨ pɨkahenɨtɨwa. Hamikumama yunaitɨ mekaniku'eirieni, me'eye'unietɨ pɨta mekanakɨne.

'Utseyaxi 2:2

»Peru hikɨ yumaama hetsie xeketeneuhɨpani, mɨkɨri hikɨ pɨkane'ɨya neta nepɨkakɨnaya. Yuhɨxie mayuyewirie witsimɨtixeiyariekakɨ ke'ayuye'itieni 'axamɨtiuka'iyarikɨ, meta yutawie kemɨratikuka ketiuhayewa.

Keremiyaxi 31:22

¿Kepaukake pepɨtihayewa pekuyeikatɨ, neniwe 'uka yapemɨkatikamie? Yawé tihekwame katininetɨamɨkɨ 'ena kwiepa, 'ukaratsi yukɨna hetsɨa kaninuamɨkɨ».

'Etsekieri 16:30

»”Yawé naimekɨmɨyɨwe mɨpaɨ kanaineni: “Ketitayari 'aixɨa pekati'akɨhɨawe. 'Ukaratsi tuminikɨ muyumayɨinɨa hepaɨ pepuyɨ, peka'akatewiyatɨ.

'Etsekieri 16:35

»”'Ayumieme, 'ukaratsi tuminikɨ pemuyumayɨinɨa, Yawé niukieya keneu'eni.