Keremiyaxi 27:9 - Kakaɨyari Niukieya

⁹ »” ’'Ayumieme, Kakaɨyari niukametemama mete'itawatɨ memɨtekuxata xepɨkawareu'enieka meta memɨtehetimamateke, heinɨtsika hekɨatamete, muyuawitsie timiemekɨ memɨteyɨ'ɨkitɨa meta memɨteyukewaiya, mɨpaɨ memɨtexekɨhɨawe kename ti'aitame Wawiruniyatsie xekate'uximayatsirieka.

Keremiyaxi 27:9 ပူးပေါင်းရင်းမြစ်များ

Keremiyaxi 14:14

Yawé mɨpaɨ kanetiniuta'eiya: «Kaniyakɨtɨni kememɨtekuxata mɨkɨ Kakaɨyari niukametemama kename nehetsiemieme meyɨa metekuxatatɨ. Ne nepɨkawarutanɨ'a, ne nepɨkatiwata'aitɨawe, meta nepɨkawatahɨawiwe. Tita memɨtexehekɨatɨa kememɨtenieritɨarie 'irɨmari kanihɨkɨtɨni, yakɨ temaiwawemete mepɨhɨkɨ, yakɨ xeikɨa yuhetsiemieme mepɨteku'eriwa.

Marakiyaxi 3:5

«Hikɨ ne nekaninuamɨkɨ nexetaxanetake. Ne nemunierixɨ nepaneyeitɨani memɨteyukewaiya wahetsiemieme, memɨwakumaɨwa kayu'ɨitama kayukɨnama, meta memɨte'itawa, teyu'uximayatsiriwamete memɨwakwamana, wiuraxi meta nutuite memɨwananaima, meta 'ateewa kiekatari heitserie memexeiyani memɨkawapitɨa, ne 'etsiwatɨma mekanetsi'ayemakatɨ —Yawé Naimekɨmɨtɨrɨkaɨye mɨpaɨ kanaineni—.

Keremiyaxi 29:8

Yawé mɨpaɨ kanaineni, Naimekɨmɨtɨrɨkaɨye 'Ixaheri Kakaɨyarieya: «Kakaɨyari niukametemama meta memɨtehetimamateke xehamatɨa memu'uwa xepɨkawapitɨaka memɨxekwamananikɨ. Waheinɨtsikatsie yuri xepɨkate'erieka.

Kitsariyaxi 8:19

Xɨka xewitɨ mɨpaɨ xerahɨaweni: «Mɨkite wahamatɨa memɨtekuxata meta memɨtehetimamateke wikixi wahepaɨ me'utiyuatɨ wahetsɨa tepɨta'iwauni, ¿tamɨ kareuyewetse teɨteri yukakaɨyarixi memɨwarahɨawenikɨ meta mɨkite, memu'uwa wahetsiemieme?»,

Matsiɨkɨtɨ kemɨratɨa 22:15

Peru Kiekari warie tsɨikɨri mekaniu'uwakuni, mɨkɨ memɨteyukewaiya, mɨkawa'ɨya mɨkawakɨna memɨwakumaɨwa, memɨteyumemiwa, tetexi memɨwarayexeiya, meta naitɨ mɨtiwanake, meta memɨte'itawa.

Matsiɨkɨtɨ kemɨratɨa 21:8

Peru memamatɨ memukunuaxɨa, yuri memɨkate'erie, memɨyutsewixima, memɨteyumemiwa, memɨwakumaɨwa memɨkawa'ɨitama meta memɨkawakɨnama, memɨteyukewaiya, tetexi memɨwarayexeiya, meta yunaitɨ memɨte'itawa, mɨkɨ yunaime wahetsie pɨtinakeni harakuna 'atsupɨrekɨ mɨta'atsie memeukaxɨriyanikɨ, hakewa hutarieka memekwinitsie».

Matsiɨkɨtɨ kemɨratɨa 18:23

Hatsuaku kɨxeme 'ahetsɨa pɨkahekɨariwieni. Hatsuaku pɨka'enierieni neneɨkeme meta wikiwame watemawierika 'ahetsie. 'Ahetsɨa kiekatari memɨtetuakai kwiepa memɨtama wa'itsɨkate mekanihɨkɨtɨkaitɨni. Pewakewaiyatɨ kepemɨtiwa'itaiyakai yunaime nuiwarite.

Matsiɨkɨtɨ kemɨratɨa 9:21

Mepɨkatehayewakai meteyumemiwatɨ, meteyukewaiyatɨ, mɨkayɨ'ɨya meta mɨkayɨkɨna mewakumaɨwatɨ meta metenawayatɨ.

Nɨ'ariekate 8:11

Mepi'eniekai mɨixa mɨtiwa'irɨwiyakaikɨ wakewaiyatɨ.

Mikeyaxi 3:7

'Iyaritsie mieme memɨtaneniere mepɨyutitetewiya, kakaɨyarixi memɨwaruta'iwawiya kemɨtiyɨnikɨ tixaɨtɨ mepɨkate'ayeitɨarieni. Kakaɨyari wateta pɨreunani, mɨkɨ tawari pɨkawata'eiya.

Keremiyaxi 23:32

Ne Kakaɨyari niukametemama nepɨwaraye'unie 'itarika heinɨtsiyarikɨ memɨtekuxata, meta kepauka memutekuxatatsie neteɨterima memeuyexɨrienikɨ xeikɨa memɨteyurie wa'itarikakɨ wa'ɨrikakɨ —Yawé mɨpaɨ kanaineni—. Ne nepɨkawarenɨ'awe meta tixaɨtɨ nepɨkatiwata'aitɨawe. Tixaɨtɨkɨ mepɨkateyunaki'erie 'ikɨ teɨteri wahetsiemieme —Yawé mɨpaɨ kanaineni—.

Keremiyaxi 23:25

»Kakaɨyari niukametemama nepuwa'enie kememutiyuane 'itarika mepɨnaki'erie yakɨ metexatakutɨ nehetsiemieme, mɨpaɨ mekaniutiyuaneni: “Nepɨtiuheinɨ, nepɨtiuheinɨ”.

Keremiyaxi 23:16

Yawé mɨpaɨ kanaineni Naimekɨmɨtɨrɨkaɨye: «Kakaɨyari niukametemama kememutiyuane xepɨkawa'enieka, yakɨ xemɨtetakwewiekaku mepɨtexekuxaxatɨwa, kememɨte'unenierixɨ yakɨ mepɨtekuxata mɨpaɨ xeikɨa meteku'eriwatɨ, Yawé teta kahayeneku.

Kutsuhexi 13:22

'Ikɨ 'ixaheritsixi yuwaɨkawa mekaniwarukwini yu'ixiparakɨ kepauka memuyukwitɨwekai, metatsiere tiyukewaiyame Warami Wehuxi nu'aya mekaniumieni.

Hutarieka 'inɨari 18:14

»Kwie xema'axɨanitsie mana teɨteri memu'uwa mɨkɨ memɨteyukewaiya meta memɨtehetimamateke mepɨwaku'iwawiya kemɨtiyɨnikɨ, peru xeme Yawé xekakaɨyari pɨkaxepitɨa mɨpaɨ xemɨteyuriekakɨ.

Memeyekɨ 7:11

Peru Parahuni memɨtemaiwawe kaniwaruta'inienita meta memɨteyukewaiya, mɨkɨta 'awie memɨte'uyematekɨ mɨkɨ temaiwawemete yaxeikɨa mekateniuyurieni:

Tsakariyaxi 10:2

Kakaɨyarixi memɨwewiyatɨka 'itarikakɨ mepɨtekuxata, temaiwawemete 'itarika mepɨteheinɨtsa, mepɨtekuxata 'itarikakɨ kememɨtenieritɨarie meta kememɨteyɨnɨtɨwa pɨtiyakɨ. 'Ayumieme xeme xepeuyexɨrie muxatsi memɨkatehekakutsiyari wahepaɨ.

'Epetsutari 5:6

Nɨkatɨ xewitɨ tixe'u'itaiya 'eka niuki wewietɨ. Mɨya memɨteyuriekɨ, 'ayumieme Kakaɨyari pɨwaheka mɨkɨ memɨkayuwaɨriya yamemɨtekahunikɨ.

Memeyekɨ 22:18

»'Uka 'ikewarikɨ mɨtiyɨ'ɨkitɨa pepɨwatakukuyani.

Temaiwawemete 19:27

Temaikɨ, xɨka ne'ɨkitsika peka'u'enieni, 'ɨxatsi 'aixɨa mɨ'ane pekaniku'eirimɨkɨ.

'Etsekieri 21:29

Mɨkɨ 'ixipara 'axamemɨte'u'iyari kaniwaranutiwitexɨamɨkɨ, kememɨte'unenierixɨ mɨkayurikɨ meta kememɨtemaiwawe pɨyakɨ. Peru tukarieya kanaye'aniri, kepauka kwitɨwa 'uximatɨarika nemipitɨani.

Tanieri 4:7

Kepauka temaiwawemete, mara'akate, muyuawitsie timiemekɨ memɨteyɨ'ɨkitɨa meta memɨtemaiwawe memu'axɨa, kenemɨtiuheinɨ nekaniwarutaxatɨani matsi mɨkɨ mepɨka'uyɨwekaxɨa memitahekɨatakɨ.

Hutarieka 'inɨari 13:2

xɨka mɨkɨ 'inɨari 'aye'atɨarieni, xɨkata mɨpaɨ haineni: “Hikɨmɨtɨka hipame pɨta kakaɨyarixi tepɨwarayexeiyani”, kakaɨyarixi pemɨkawamate xɨka waxatani,