Keremiyaxi 26:8 - Kakaɨyari Niukieya

⁸ Peru kepauka Keremiyaxi teɨteri tiwakuxaxatɨwatɨ mɨranunɨ naime Yawé kemɨti'aitɨakai, mawari wewiwamete, Kakaɨyari niukametemama meta yunaitɨ teɨteri mekaniwiya mɨpaɨ mekatenitahɨawe: «Pekanimɨmɨkɨ.

Keremiyaxi 26:8 ပူးပေါင်းရင်းမြစ်များ

Nɨ'ariekate 7:52

¿Kemɨ'ane Kakaɨyari niukameya xetutsima memɨka'ayewei 'atiuyeika? Mepɨwarukwi mɨkɨ meripai memitahekɨataxɨ 'iya Heitserie Mexeiya 'umamienikekai. Mɨkɨri xepɨyetua, teyukukuyamete xepakɨ hikɨ.

Nɨ'ariekate 5:33

Mɨkɨ me'u'enanaka mekaniuyeha'ani mekaniwakwikukaitɨni.

Mateu 22:6

Hipatɨta mekaniwarutiwiya te'uximayatamete, mekaniwarutiwani meta mekaniwarukwini.

Keremiyaxi 18:18

Teɨteri mɨpaɨ mekaniutiyuani: «Xekeneuyukuxeɨri tepɨtetixata Keremiyaxi hepaɨtsita. 'Inɨari niukiyari pɨkaheuyeweka mawari wewiwame hetsie, 'ɨxatsi mɨtimaiwe hetsie pɨkaheuyeweka tɨma meta niuki Kakaɨyari niukameya hetsie pɨkaheuyeweka. Niukikɨ tepeye'atɨirieni, tsepa kemaine yatepɨkateyurieni».

Keremiyaxi 2:30

»Yakɨ xeikɨa nepɨtiwakwinitɨa neteɨterima, kenemɨtiwaheitseritɨa mepɨka'eniku. Maye mɨkatiuyukamariya hepaɨ, xe'ixipara puwarutikwai Kakaɨyari niukametemama xehetsɨa miemete.

2 Kemɨtiuyɨ 36:16

Peru mɨkɨ Kakaɨyari nɨ'arimama mepɨwananaimakai, waniuki mepɨka'eniekai, 'axamepɨtewakumamatekekai Kakaɨyari niukametemama. Hikɨ 'imatɨrieka, Yawé yuhaxɨa kaniutatuani teɨteri wahetsie, pumawekai xewitɨ wahetsie mɨtanuani.

Matsiɨkɨtɨ kemɨratɨa 18:24

'Ahetsie Kakaɨyari niukametemama meta Kakaɨyari teɨterimama waxuriya pemutayeurikɨ, meta yunaitɨ kwiepa memukwi'iwaxɨ».

Mateu 27:20

Peru mawari wewiwamete tewa'aitɨwamete meta 'ukirawetsixi mekaniwarukemakaxɨani teɨteri Piratu memɨtawawirienikɨ Waxawaxi mɨxɨnakɨ meta Ketsutsi mɨmierienikɨ.

Keremiyaxi 18:23

Yawé, peru 'ekɨ pepɨrakumate naime kememɨteku'eriwa kememɨnetemieni. Ke'axamemɨteyurie pepɨkatiwareuyehɨwirieka, meta ke'axamemɨte'uyuri pepɨkahekuyeitɨwani 'ahɨxie. 'Ahɨxie meke'ukaxɨriyani. Kepauka wahekɨ pemɨha'a 'ana keniwaraye'atɨiri.

Keremiyaxi 32:3

Tserekiyaxi, Kura kwieyaritsie ti'aitame kanipɨretsutakaitɨni mɨpaɨ tikɨhɨawetɨ: «¿Titayari mɨpaɨ petihekɨata: “Yawé mɨpaɨ kanaineni”? Mɨpaɨ petihekɨatatɨ Yawé mɨpaɨ kanaineni: “'Ikɨ kiekari nekaniyetuamɨkɨ Wawiruniya ti'aitame hetsɨa, mɨkɨ yuhetsie kanihɨimɨkɨ,

Keremiyaxi 43:1

Kepauka Keremiyaxi mɨtiutahayewaxɨ teɨteri tiwakuxaxatɨwatɨ naime Yawé Kakaɨyari kemɨtitahɨawekai kemɨtiwataxatɨanikekai,

'Amuxi 7:10

Hikɨ 'Amatsiyaxi, mawari wewiwame Weteri kiekame, Keruwuhani niuki kanenɨ'airieni 'Ixaheritsie ti'aitame: «'Amuxi 'axakametinikuxatani 'ixaheritsixi yunaime wahɨxie. 'Ari 'ena kiekatari mepɨwaɨripie me'i'enietɨ,

Keremiyaxi 1:19

Mepɨmatsitamieni peru mepɨkamatsikemakaxɨani, karikɨ ne 'ahamatɨa nekaniuyeikamɨkɨ nematsixɨnake», Yawé mɨpaɨ nekanaineni.