Keremiyaxi 20:4 - Kakaɨyari Niukieya

⁴ Mɨpaɨtsɨ Yawé kanaineni: “Marika 'ahetsie nekani'atɨamɨkɨ meta 'ahamikuma wahetsie, mɨkɨ memɨwaraye'unie mekaniwakwikuni, 'ekɨtɨtɨ pekaniwaxeiyamɨkɨ. Kura kiekatari yunaime nekaniwayetuamɨkɨ Wawiruniyatsie ti'aitame hetsɨa, Wawiruniya paitɨ mekananuhapaniekuni, yatɨni 'ixiparakɨ pɨxekwini.

Keremiyaxi 20:4 ပူးပေါင်းရင်းမြစ်များ

Keremiyaxi 29:21

Yawé mɨpaɨ kanaineni Naimekɨmɨtɨrɨkaɨye, 'Ixaheri Kakaɨyarieya, 'Akawi Kurahiyaxi nu'aya meta Tserekiyaxi Matsehiyaxi nu'aya wahepaɨtsita, yakɨxeikɨa memɨtekuxata nehetsiemieme: «Wawiruniyutsie ti'aitame Nawukurunutsuxi hetsɨa nekaniwayetɨamɨkɨ mɨkɨ kaniwakwimɨkɨ xeme xetanenierekaku.

Keremiyaxi 25:9

ne yanetiniyurimɨkɨ kiekarite tayeta mukumane memɨ'axɨanikɨ meta tine'uximayatsiriwame Nawukurunutsuxi Wawiruniya kwieyaritsie ti'aitame. Neniwa'atɨamɨkɨ 'ikɨ kwieyaritsie hepaɨtsita, meta 'ena kiekatari wahepaɨtsita meta yunaime nuiwarite 'auriena mamanetɨka wahepaɨtsita, neniwaka'unamɨkɨ yunaime: metewiwemetɨkaime neniwarayeitɨamɨkɨ, 'atsieriwamete meta hakumaweme yuheyeme —Yawé mɨpaɨ kanaineni—.

Keremiyaxi 52:27

Mana, Kamati kwieyaritsie, ti'aitame katiniuta'aita memɨkwi'iwakɨ. Mɨpaɨ mekatenayehapanieni, Kura kwieyaritsie kiekatari 'ateewa paitɨ.

Keremiyaxi 19:15

«Yawé mɨpaɨ kanaineni Naimekɨmɨtɨrɨkaɨye, 'Ixaheri Kakaɨyarieya: “Neniuki xemɨka'eniekɨ 'ikɨ kiekari meta naitɨ kiekarite 'auriena mamanetɨka, xehetsie nekanenɨ'amɨkɨ naime 'uximatɨarika nemɨxehaxaxatɨwakai”».

Keremiyaxi 6:25

'Akanamieni mɨtatsi'aye'unie 'ixipara hakwetɨ. Yeuta xepɨka'ayekɨkani, meta huyeta xepɨkaheu'uwani. Naitsarie marika puxuawe.

Nɨawari 73:19

Yapauka mepeuyehɨiyani, yemekɨ memariutsietɨ.

2 Te'aitamete 25:7

Mana hɨxiena niwemama mekananutixitekiexɨani, meta mɨkɨ hɨxiteya mekaniwatitɨkixɨani, hikɨ wurunitse karenayarikɨ me'iwiwitɨaka mekaneihana Wawiruniya paitɨ.

1 Tsamuheri 2:33

Xɨka xeime ne'upitɨani mɨti'uximayakakɨ mawari taiyame, mɨkɨ heiwerika xeikɨa nemɨmatsipitɨanikɨ 'a'iyaritsie nepɨtiyurieni, yunaitɨ 'anuiwarima mekanikwikuni metemaritɨtɨ.

Keremiyaxi 13:10

'Ikɨ teɨteri 'axamemɨte'u'iyari, memɨkayuwaɨriya yamemɨtekakɨnekɨ kenemɨti'aita, yu'iyari mukaheu'ena memuweiya meta hipame kakaɨyarixi memɨwarayexeiya, 'ikɨ hɨiyame tixaɨtɨ mɨkatiyunaki'erie hepaɨ mepɨyɨni.

Keremiyaxi 13:19

Nekexi kiekariyaritsie pɨreuname, xewitɨ pumawe mɨreuyepieni. Yunaitɨ Kura xiɨyarimama mekanehapanieni, yunaitɨ mekananutaxɨriyani yemekɨ.

Keremiyaxi 20:6

'Ekɨta Patsuxi pekananuhaniemɨkɨ Wawiruniya paitɨ meta yunaitɨ 'atɨɨriyama. Mana pekanemɨmɨkɨ, mana pekanekateukiemɨkɨ yunaitɨ 'ahamikuma wahamatɨa kemɨ'ane yakɨ xeikɨa pemɨtiwakuxaxatɨwakai”».

Keremiyaxi 46:5

Peru neuxei, ¿ketɨtɨ nepɨtiniere? Kuyaximama mepa'iwarie, memamatɨ yɨ'utɨma mepekɨka. Meka'anakunenieretɨ mekaniyuta'unani. Naitsarie memɨtama mekanimamaka —Yawé mɨpaɨ kanaineni—.

Keremiyaxi 52:24

Meta Nawutsararani kuyaxi wa'ukiyari, kaniwarutiwiya Tserahiyaxi mawari wewiwamete wa'ukiyari, Tsupuniyaxi mawari wewiwame hutarieka mieme, meta memuyuhaika kitenie tehɨwemete.