Keremiyaxi 2:8 - Kakaɨyari Niukieya

⁸ Hatsuaku mawari wewiwamete mɨpaɨ mepɨka'utiyua: “¿Hakewari Yawé?” 'Inɨari niukiyari memakumate hatsuaku mepɨkanetsi hetima, teɨteri wahetsiemieme memanuyetekai menetsi'aye'unietɨ mepakɨ, neniukamete Wahari hetsiemieme pɨta mepɨte'utaxa meta kakaɨyarixi tixaɨtɨ memɨkateyunaki'erie pɨta mewaruweiyatɨ mepakɨ.

Keremiyaxi 2:8 ပူးပေါင်းရင်းမြစ်များ

'Awakuki 2:18

»¿Tita tiyunaki'erie kakaɨyari mɨwewiya, kemɨ'ane mitawewi tewi kɨyekɨ tiwewiwame xɨka hɨkɨtɨni? ¿Tita tiyunaki'erie kakaɨyari mukwaxiyarie, 'itarika xeikɨa mɨti'ɨkita? Tiwewiwame kakaɨyarixi mɨwawewie mekaniuwaweme mɨkɨ xeikɨa yuri katini'erieka yuwewiyatsie.

Keremiyaxi 10:21

Muxatsi wahɨwemete 'atsimekatemaitɨ mepakɨ, Yawé mepɨka'utiwau, 'ayumieme kememɨteku'eriwakai yapɨkatiuyɨ, wamuxatsi naitsarie mepeutaxɨriexɨa.

Keremiyaxi 5:31

Kakaɨyari niukametemama 'itarikakɨ mepɨtekuxata, mawari wewiwamete mepɨte'aita kemɨtiwanake, meta neteɨterima mɨpaɨ pɨtiwanake. Peru, ¿Kexeteyurieni xeme kepauka naitɨ mɨtinɨretsie?

2 Kurinitutari 4:2

Peuyewetse hipatɨ memɨyutetewiyanikɨ 'awie kememɨteyurie, peru tame tekateniutixani'erieni mɨkɨ naime. 'Atepɨka'u'uwa teteta'irɨwiyatɨ, haa tepɨka'inɨitɨa Kakaɨyari niukieya, 'aixɨa 'anemekɨ pɨta tekatenikuxatani. Matsiɨkɨme tepeyeitɨa tita yuri mɨraine, Kakaɨyari tatsixeiyakaku tepɨtahekɨata, yunaitɨ teɨteri yu'iyaritsie mɨpaɨ memɨtemaikakɨ kename yuri.

Wani 16:3

Mɨpaɨ mekateniyurikuni memɨka'imatekɨ ne'ukiyari, meta memɨkanetsimatekɨ ne.

'Utseyaxi 4:6

neteɨterima mepuka'unarie 'atsimekatehetimaika mepɨkwixime. »Metsɨ pepɨka'itanaki'eri tita yuri mɨraine, neta nepɨkametsinaki'erie mawari wewiwame pemɨhɨkɨtɨni. Kakaɨyari niukieya pematɨmaiyaxɨkɨ, netatsiere 'aniwema nekaniwaratɨmaiyamɨkɨ.

Wani 8:55

Matsi xepɨkaheitimaiwawe. Netsɨ pɨta nekanimaika. Xɨka nehainenike kename neka'imate, xehepaɨ neti'itawatɨ nepayanikeyu. Peru matsi nekanimaika, niukieyatsie yanepɨtikamie.

Rukaxi 11:52

»Xɨa'ui xeme 'inɨarikɨ xemɨte'ɨkitamete, xepinawa kitenie yawiyari kɨmana teɨteri metemaiwawetɨ memakɨnekekai. Xemetɨtɨ xepɨkaheutahaxɨawawe, meta hipame xepɨkawapitɨa memeutahaxɨani».

Mateu 16:26

Tixaɨtɨ pɨkarayeika xɨka tewi kwiepa timieme naime ra'iwa, yaxeikɨa yutukari kanitatɨmaiyamɨkɨ. Nixewitɨ pɨkayɨwe mɨtiyutuani yutukari hetsiemieme.

Keremiyaxi 16:19

Yawé, netɨrɨkariya meta pemɨnetsi'awieta, 'ahetsɨa nemɨneti'awiwieta kepauka 'uximatɨarika nemexeiyani: kwie manu'axetsie paitɨ 'ahetsɨa nuiwarite mepɨ'axɨani, hikɨ mɨpaɨ mepɨtiyuani: «'Itarika xeikɨa ta'ukiyarima mepɨte'umikie, tixaɨtɨ mɨkatihɨkɨ mepɨte'umikie, nitixaɨtɨ mɨkatiyunaki'erie.

Keremiyaxi 12:10

Yuwaɨkawatɨ muxatsi wahɨwemete nekaxie haraweriyari mepuka'unaxɨ, nekwie naime mepakuketsi, neharaweri witsimɨ'anekai makumawe mepayeitɨa.

Keremiyaxi 7:8

»”Peru xeme matsi niuki 'itarikatsie xepɨtewiya, tixaɨtɨ mɨkatiyunaki'erietsie.

Keremiyaxi 4:22

«Neteɨterima mepɨka'u'iyari, mepɨkanetsimate, tɨɨri 'atsimemɨkatemate mepɨhɨkɨ memɨkatemaiwawe. Kwinimieme mepanayeyɨne 'axamemɨteyurienikɨ, 'aixɨa memɨteyurienikɨ mepɨkamate».

Keremiyaxi 2:11

¿Kamɨtsɨ xewitɨ nuiwari tiuyeika hipame kakaɨyarixi waruku'eirieka hipame pɨta wareweiyaka, tsepanetɨ mekakakaɨyarixi? Neteɨterima mepɨnetsi'uku'eiri, nemɨmariwe wahetsiemieme, tixaɨtɨ mɨkatiyunaki'erie hekɨ.

Keremiyaxi 2:6

Hatsuaku mɨpaɨ mepɨka'utiyua: “¿Hakewari Yawé 'Ekipitu mɨtatsihayewitɨ, makumawetsie mɨtatsi'uwitɨximekai, 'uwakikaku kweriwa'anekɨa, tixaɨtɨ mɨkaraxuawetsie meta 'umariwekaku, hakewa xewitɨ muka'anuyeikatsie meta xewitɨ muwa mɨkakietsie?”

Kitsariyaxi 30:5

yunaitɨ mepɨtewiyatsitɨarieni, mɨkɨ teɨteri tixaɨtɨ memɨkateyunaki'erie ya'aneme meheutiwiwiexɨaku, nitixaɨtɨkɨ memɨkatewaparewie meta memɨkawareuyehɨwa, tewiyarika xeikɨa meta 'atsimepɨkatematé kememɨteyurienikɨ».

Kitsariyaxi 29:10

Yawé xehetsie kanikawiwieni 'iyari waɨkawa xemeukutsukɨ, Kakaɨyari niukametemama mekaneniereme puwarayeitɨa, Kakaɨyari hetsie timiemekɨ memɨtaneniere wahɨxie pɨwareutinaxɨa.

Kitsariyaxi 28:7

Metatsiere mawari wewiwamete meta Kakaɨyari niukametemama, kaxie winuyarikɨ mepeukeitsarietɨweni, mepeukeitsarietɨwe winu waɨkawa mɨtɨrɨkaɨyekɨ winukɨ mepɨkaheta'eriwawe, winukɨ mepetiketamɨrike. Kepauka Kakaɨyari mɨtiwaxeitsitɨa mɨpaɨ mepɨkatekuxata, kepauka yamemaitɨka, meputirukuwa xeikɨa.

1 Te'aitamete 18:40

Hikɨ 'ana 'Eriyaxi mɨpaɨ katiniuta'aita: —Xekeniwaretiwiya Wahari niukametemama, nixewitɨ pɨkaheyuta'unani. Kepauka memɨwarutiwi, 'Eriyaxi katiniuta'aita Kitsuni 'akiyaritsie memanuhapanienikɨ, muwa kaniwarukwini.

1 Te'aitamete 18:29

Tuka kananukayani, mɨkɨ yaxeikɨa meniyɨakaitɨni memɨka'u'iyarini wahepaɨ, hikɨ kanaye'ani mawari taikai mieme hurayari. Peru nitixaɨtɨ pɨkatiu'enierie, nixewitɨ mɨkawaru'enikɨ nixewitɨ pɨkawaruta'ei.

1 Te'aitamete 18:22

Hikɨ 'ayumieme 'Eriyaxi tawarita mɨpaɨ kaniutayɨni: —Ne xeikɨari nekaniyuhayewaneni Yawé niukameya, peru matsi, Wahari kaniwarexeiyani nauka tsienituyari heimana huta tewiyari heimana tamamata niukamete.

1 Tsamuheri 12:21

Kakaɨyarixi tixaɨtɨ memɨkateyunaki'erie xepɨkawarayexeiyani, mɨkɨ mepɨkayɨwawe memɨxe'uparewieni memɨxe'utawikweitsitɨani, tixaɨtɨ memɨkatehɨkɨkɨ.

1 Tsamuheri 2:12

'Eri niwemama 'axamepɨte'u'iyarikai, Yawé mepɨka'eniekai.

Hutarieka 'inɨari 33:10

'A'aitsika Kakuwu puta'ɨkitɨa, meta 'a'inɨari niukiyari 'ixaheri. Mawari taiyametsie pumatiyetuiri, 'ɨkwa witsimu'ɨa meta mawari mɨtaiyarietɨka.

Keremiyaxi 9:14

Yu'iyari mɨkaheu'ena mepanukuwei, Wahari kakaɨyarixiyarite mepɨwaranukuwei, wa'ukiyarima kememɨtewaru'ɨkitɨa».

Keremiyaxi 18:18

Teɨteri mɨpaɨ mekaniutiyuani: «Xekeneuyukuxeɨri tepɨtetixata Keremiyaxi hepaɨtsita. 'Inɨari niukiyari pɨkaheuyeweka mawari wewiwame hetsie, 'ɨxatsi mɨtimaiwe hetsie pɨkaheuyeweka tɨma meta niuki Kakaɨyari niukameya hetsie pɨkaheuyeweka. Niukikɨ tepeye'atɨirieni, tsepa kemaine yatepɨkateyurieni».

'Etsekieri 22:26

Mawari wewiwamete mana miemete ne'inɨari niukiyaritsie yamepɨkatekahu, piinite mɨtipatsietɨka, katipatsiekame mepɨtehayeitɨa. Mɨkɨ mepɨka'imaiwe'erie mɨtipatsie mɨkatipatsie matɨa, meta hipame mepɨkatewa'ɨkitɨa 'aixɨa mɨti'itɨarie meta 'aixɨa mɨkati'itɨarie hepaɨtsita. Meta xawati tukariyari tixaɨtɨ mepɨkatehayeitɨa meta ne watsata nekapatsietɨ nepayeitɨarie.

'Etsekieri 34:2

«Tewi pemunu'aya, 'Ixaheritsie muxatsi wahɨwemete wahetsiemieme ketineutaxata, ketiniwarutaxatɨa, mɨpaɨ ketiniwaraye'eritɨa, Yawé naimekɨmɨyɨwe mɨpaɨ kanaineni: “Xɨa'ui xeme, 'Ixaheritsie muxatsi wahɨwemete, xeme xeikɨa yɨkɨmana xemɨyu'ɨwiya. ¿Kamɨtsɨ tehɨwemete muxatsi mekatewa'ɨwiyani?

Kuwi 35:10

Peru xewitɨ mɨpaɨ pɨkahaine: “¿Hakewa Kakaɨyari, mɨnetsi'utawewi, tɨkarikɨ tɨrɨkariya hekwame mɨnetsikupitɨwa,