Keremiyaxi 2:7 - Kakaɨyari Niukieya

⁷ Ne nepɨxe'atɨa kwie 'aixɨa mɨ'anetsie, mana 'ikwaxi mɨtixuawe xemɨtekwakakɨ tinaitɨ mana mɨtixuawe. Peru xeme xe'u'axɨaka nekwie ka'itiyakame xepayeitɨa, xeme kwie nemɨxeyetuiri ne'ixani'eriekame xepayeitɨa.

Keremiyaxi 2:7 ပူးပေါင်းရင်းမြစ်များ

Keremiyaxi 16:18

Ne nekatinixe'akapitɨamɨkɨ meri 'axakexemɨte'uyurikɨ meta 'axaxemɨte'u'iyarikɨ matsi tawari hepaɨna paɨmemekɨ, kakaɨyarixikɨ memɨxani'eriwakɨ memɨkwikwi'ikɨ nekwie 'axaxemuyurikɨ, meta kwie nemɨxeyetuiritsie xepɨte'utahɨniyaxɨ tita nemɨtixani'erie».

'Inɨatsie 13:27

Mɨpaɨ mekateniwaruxatɨani: —Hakewa pemɨtatsihetanɨ'a mɨkɨ kwieyaritsie tepanɨkɨ, puyuri mana waɨkawa pexuawe retsi meta xiete. 'Ena xeketeneuxeiya 'ikwaxi mana mɨrexuawe.

'Etsekieri 36:17

«Tewi pemunu'aya, kepauka 'ixaheritsixi yukwieyaritsie memu'uwakai, mɨkɨ ka'itiyakame mekaneyeitɨani. Kememɨyɨakai nehɨxie, mɨpaɨ pɨtimatsiɨkɨkai, 'ukaratsi mɨka'itiya kepauka xuriyaya maye'a hepaɨ.

Keremiyaxi 3:9

»'Ixaheri mɨkatiuhayewaxɨkɨ hipame wahamatɨa hunetɨ, kwie ka'itiyakame kanayeitɨani meta kemɨ'ane mɨkayɨkɨna mukumaɨwa kanayuyeitɨani tete meta kɨye kakaɨyarixiyari muwarayexeiyakaikɨ.

Keremiyaxi 3:1

»'Inɨarikɨ, xewitɨ 'uki yɨ'ɨya kaniuku'eirieni, mɨkɨta 'uka kanihayewa xeime pɨta 'uki tiwitɨnike. ¿Tiyɨwe 'uki matɨari mewitɨkɨkai nuame mitiwitɨnikɨ? Pɨkayɨwe. Mɨpaɨ xɨkatiuyɨni kwie naime ka'itiyakame kanayeitɨamɨkɨ. Mɨpaɨ kani'aneni, 'ekɨri yumɨireme pekaniwarukumayɨani, 'ayumieme pekapɨyɨweri nehetsɨa hutarieka pemunuani —Yawé mɨpaɨ kanaineni—.

Mikeyaxi 2:10

Xekenanuku'uti. Xekeneuhuni, 'ikɨ 'ena xema'uxipie pɨkahɨkɨ. Tita 'axamɨti'ane xepɨte'utahɨniyaxɨ, xepika'unaxɨ naime yemekɨ.

'Etsekieri 20:6

Mɨkɨ tukaritsie mɨpaɨ nepɨtiwarutahɨawixɨ yurikɨ nehaitɨ kename newarayewitɨni 'Ekipitu, kename newaranuwitɨni xeime kwieyaritsie ne nemeikuxeiyakaitsie. Mɨkɨ kwieyaritsie waɨkawa kanexuaweni retsi meta xiete, mɨkɨ yemekɨ witsimɨraku'ane kanihɨkɨtɨni.

Nehemiyaxi 9:25

Kiekarite kuraruyari 'amatitetewa mepɨwara'iwaxɨ meta kwie 'aixɨa mɨ'anene, kiite yukii mepayeitɨaxɨa piinitɨarika tihɨpɨneme, meta putsute muyewawaki, kaxie haraweriyarite meta huriwu, metatsiere waɨkawa 'iteɨrite 'ikwaxi mɨrexeiyatɨka. Meteniutikwani meta meniutihuxani metatsiere meniutiwaiyata, mepɨteha'inɨataxɨ waɨkawa ke'aixɨa pemɨwaruyuri.

Hutarieka 'inɨari 21:23

kaxarieya kɨyetsie 'uyewiekame xepɨka'uku'e'eiriwani tɨkarikɨ, matsi mɨkɨ tukaritsie xekeneukateuki. Karikɨ xewitɨ kepauka kɨyetsie muyewiyani mɨkɨ tewi Kakaɨyari 'axakaniyurieka. Ka'itiyakame kwie xepɨka'ayeitɨaka Yawé xekakaɨyari mɨxeyetuirie xekwie mayanikɨ.

Hutarieka 'inɨari 6:18

Tita mɨtiheitserie tita 'aixɨa mɨti'ane yaketineyurieneni Yawé hɨxie, 'aixɨa 'iyari pemuyeikanikɨ meta mɨkɨ 'akwie pemayeitɨanikɨ 'aixɨa mɨ'ane Yawé 'atutsima mɨwaruxatɨakaitsie.

Keremiyaxi 3:2

»Keneuxeiya 'iya hɨrite mɨmeetse: Hakewa 'ahamatɨa pɨkarekahitɨwe. Harawe tewiyari makumawetsie 'amuyeika hepaɨ, huye tetsita pepɨkayeixakai, 'atuxexerima pewakwewietɨ. Kwie ka'itiyakame pekanayeitɨani memɨka'akɨnama wahamatɨa pehunetɨ.

Keremiyaxi 32:23

Peru kepauka 'ena memu'axɨa meta yukwie memayeitɨanikɨ, mepɨkametsi'anu'eni, 'a'inɨari niukiyaritsie yamepɨkatekakɨ meta kepemɨtiwaru'aitɨakai. 'Ayumieme 'ikɨ 'uximatɨarika pepɨwarupitɨa.

Keremiyaxi 32:30

Meripaitɨtɨ 'Ixaheritsixi meta Kura kiekatari, 'axamepɨteyurie nehɨxie. 'Ixaheri teɨteriyari menetsihaxɨatɨatɨ mepɨkatehayewaku yameteyurietɨ —Yawé mɨpaɨ kanaineni—.

'Etsekieri 20:28

Kepauka nemɨwa'atɨa kwietsie meripaitɨ yurikɨ nehaitɨ, mɨpaɨ nemainekai kename newayetuirienikekai, mɨkɨ kwieyaritsie tsepa kemɨ'ane hɨri memuxei yatɨni kɨye waɨkawa yɨrakame, mɨkɨ hetɨa mawari meputiwewiwakai, mepɨnetsixatɨakai matsi yemekɨ mɨkanetsinake. Mana 'ɨkwa witsimu'ɨa meputitaiyakai, meta kaxie winuyari mɨtiyeuriwa.

'Utseyaxi 9:3

Yawé kwieyatsie xepɨka'u'uwaniri, 'Epɨrahini 'Ekipitu kanakunuamɨkɨ meta 'Atsiriya timieme mɨkati'itiya pepɨtitikwani.

Hutarieka 'inɨari 32:9

Xemetsɨ Yawé kanixe'anayexeiya teɨterimama xemɨhɨkɨtɨnikɨ, Kakuwu hetsiena mieme kanihɨkɨtɨni.

Nehemiyaxi 9:26

»Peru mekaheu'enanatɨ mepakɨ: menetsi'aye'unietɨ mepakɨ, 'a'aitsika meputixani'eri, 'aniukamete 'ahetsɨa miemete mepɨwarukwi memɨwa'iniekai memɨ'axɨanikɨ 'ahetsɨa, yemekɨ 'ahɨxie 'axamepɨte'uyuri.

Kitsariyaxi 19:25

Yawé Naimekɨmɨtɨrɨkaɨye 'aixɨa kaniwayurimɨkɨ, mɨpaɨ 'utaitɨ: «'Aixɨa kani'itɨarieka 'Ekipitu neteɨterima meta 'Atsiriya nemɨwarutawewi, metatsiere 'Ixaheri neteɨterima nemɨwaranayexei memɨhɨkɨ».

'Etsekieri 20:24

memɨwarayexeiyakaikɨ yututsima wakakaɨyarixi 'axamemu'ɨatɨka, ne'inɨari niukiyari mepɨkahaye'atɨa meta ne'aitsika mepɨka'utanaki'eri metatsiere xawati tukariyari kapatsiekame mepayeitɨa.

'Etsekieri 23:35

»”'Ayumieme, Yawé naimekɨmɨyɨwe mɨpaɨ kanaineni: Kepemɨreuterixɨ penetsihatɨmaiyatɨ meta penetsiwarixiwiyatɨ, kepemɨtiuyurikɨ pepɨtiuka'eniwani, 'ahiwe'erikakɨ meta tuminikɨ peyumayɨinɨatɨ pematɨakɨ”».