Keremiyaxi 2:32 - Kakaɨyari Niukieya

³² ¿Kamɨtsɨ tiyɨwe 'uka 'ɨimari yukukate mɨraye'atɨka mɨratɨmaiya, yatɨni wikiwame 'iwiyari matɨmaiya? Neuxei mɨixa wiyariri kananuyemieni neteɨterima memɨnetsihatɨmaitsie.

Keremiyaxi 2:32 ပူးပေါင်းရင်းမြစ်များ

Nɨawari 106:21

Kakaɨyari mekanatɨmaiya muwarutawikweitsitɨa meta waɨkawa mamariwaweme mɨtiuyuri 'Ekipitu kwieyaritsie:

Keremiyaxi 13:25

'Ikɨ mɨyati'anetɨ 'ahetsie katiniunake, 'ahetsiemieme nemi'inɨatakai —Yawé mɨpaɨ kanaineni—. Metsɨri pekanenatɨmaiya, 'itarikatsie pɨta pekatiniuwiya,

Keremiyaxi 3:21

Hiwari payu'eniɨriɨkɨ hɨrite mɨmeetsetsie, 'Ixaheritsixi wahiwerika hiwariyari, 'axameteyurietɨ 'amemu'uwakaikɨ, Yawé yukakaɨyari mematɨmaikɨ.

Keremiyaxi 2:11

¿Kamɨtsɨ xewitɨ nuiwari tiuyeika hipame kakaɨyarixi waruku'eirieka hipame pɨta wareweiyaka, tsepanetɨ mekakakaɨyarixi? Neteɨterima mepɨnetsi'uku'eiri, nemɨmariwe wahetsiemieme, tixaɨtɨ mɨkatiyunaki'erie hekɨ.

Kitsariyaxi 17:10

'Akakaɨyari metsiwikweitsitɨwame pematɨmaikɨ, 'ai mɨmatsitseiriya pemɨkahaye'erikɨ. 'Ayumieme, tsepanetɨ 'iteɨri 'aixɨa 'aneme pemuka'iteɨtaxɨ meta tsepa kaxie 'ateewa mieme pemukayatsaxɨ,

'Utseyaxi 8:14

'Ixaheri kemɨ'ane mitawewi patɨmai, meta yɨkɨmana paratsiyute puyutiwewiri, meta Kura kiekaritetsie waɨkawa kuraru 'amatitetewa kanawewietɨyani, peru ne wakiekarite 'aixɨa mɨreukunatɨkatsie tai nepaukaxɨriexɨani mɨwatixɨtsitɨanikɨ».

Kitsariyaxi 61:10

Yawé hetsiemieme nepɨnetemawie yemekɨ waɨkawa, nekakaɨyari hetsie temawierika nepexeiya. Mɨkɨ wikweitsitɨarika kamixayari mɨnetsi'anakatɨtɨakɨ meta tita mɨtiheitserie matayari pɨnetsiwakuketɨa. Neneɨkeme hepaɨ nekani'aneni witsimɨrekemari, yatɨni wikiwame hepaɨ nekatinekukani.

Nɨawari 9:17

Mɨki teukiyata mekaneukaxɨrɨweni 'axamemɨte'u'iyari, meta yunaitɨ Kakaɨyari mematɨtɨmaiya.

Keremiyaxi 18:15

Peru neuxei, neteɨterima mepɨnetsihatɨmai, hipame kakaɨyarixi tixaɨtɨ memɨkateyunaki'erie 'ɨkwa mepuwatairietɨwe. Yuhuyeta mepekaxɨri, huye meripaitɨ mieme 'utɨa, hipame huyetsie memu'uwanikɨ meta muka'uyeyɨkɨtsie.

Keremiyaxi 13:10

'Ikɨ teɨteri 'axamemɨte'u'iyari, memɨkayuwaɨriya yamemɨtekakɨnekɨ kenemɨti'aita, yu'iyari mukaheu'ena memuweiya meta hipame kakaɨyarixi memɨwarayexeiya, 'ikɨ hɨiyame tixaɨtɨ mɨkatiyunaki'erie hepaɨ mepɨyɨni.

Matsiɨkɨtɨ kemɨratɨa 21:2

Metatsiere kiekari mɨpatsie nekaniuxeiya, Kerutsareme mɨhekwa, muyuawitsie hakamiekame, Kakaɨyari manukatsie heyeyaka, wikiwame hepaɨ witsireyɨkɨniutɨatɨ mitiwitɨni hetsiemieme.

'Etsekieri 22:12

Hipatɨta mana mepu'uwa meteyumemiwatɨ tumini me'iwatɨ 'awie. 'Axapetiyurienetɨ, pemɨwaniɨtɨa waɨkawa perana'iwatɨ, 'a'iwa pekanihiweritɨaka, meta 'ayumieme pekanenatɨmaiya. Yawé mɨpaɨ kanaineni.

Tsutɨarika 24:22

Kepauka kameyutsixi memɨte'utahayewaxɨ meharetɨ, ti'uximayatame huru nakɨtsayari hewati'ɨka tsurieyatsie kaniyewirieni 'ataxewime kɨramuyari raheteme, meta huru matsɨwayari kaneimaniriexɨani hutame, xeitsienituyari kɨramuyari raheteme, ti'uximayatame mɨpaɨ katinita'iwawiya:

2 Tsamuheri 1:24

»Xɨa'ui, 'ukarawetsixi 'Ixaheri kwieyaritsie kiekatari. Xekeneutitsuanani Tsahuri hetsiemieme, mɨxekemaritɨakai 'ixuriki witsimɨ'anekɨ kwimɨxetakɨ, meta witsimɨxekuyuruwakai huru kukateyarikɨ.

Tsutɨarika 24:53

Hikɨ katinewatipini hurukɨ mɨtiwewiyatɨka meta pɨratakɨ metatsiere 'ixurikite mɨraye'atɨka Xeweka katiniupitɨani. Yaxeikɨa matsikaya meta maamaya katiniwayetuirieni 'imikierite.

Tsutɨarika 24:30

Rawani yu'iwa nakɨtsa kaniuxeirieni meta matsɨwa metatsiere kani'enieni tikuxatakaku ti'uximayatame kemɨrehɨawekai. 'Ayumieme kanayeyani ti'uximayatame heuwaumieka, haputsu matiniere kanitaxeiya, yukameyutsixi wahamatɨa.

Kitsariyaxi 57:11

»¿Kemɨ'ane pɨmatsi'utimariu, kemɨ'ane marika pɨmatsi'upitɨa, titayari penetiu'itai? Pepɨkanetsihaye'eri, nitixaɨtɨ pepɨkanerayeitɨa. ¿Xɨari pepɨkanetsimakaxe, mɨixa 'atsinemɨka'utayɨkɨ?

Keremiyaxi 2:33

Keperakumate 'ekɨ pemɨwakuwaunikɨ 'ahamatɨa memɨkahini. Matsi 'ukarawetsixi 'axamemɨte'u'iyari 'ahetsie mepɨtehetimamateke.

Hutarieka 'inɨari 32:15

»Ketsuruni putawaiyataxɨ meta pɨtiuyeketsi, 'ikwaikɨ xeikɨa putahuxai. Putawaiyataxɨ putatɨrɨkaxɨa. Kakaɨyari puku'eiri tukari mipitɨa, tete putixani'eri mitawikweitsitɨa,

'Itsɨkate 8:34

'Ixaheritsixi Yawé mekanatɨmaiya yukakaɨyari, mɨwaruparewi kepauka hipatɨ memɨwa'uximatɨakaitsie.

Keremiyaxi 23:27

Yuheinɨtsika mekuxatatɨ neteɨterima memɨnetsihatɨmaiyakɨ mekaniutiyuaneni, watutsima kememɨnetehatɨmai Wahari mehayexeiyatɨ mehakɨneka.