Keremiyaxi 2:23 - Kakaɨyari Niukieya

²³ »¿Pepɨkayɨwe mɨpaɨ pemutayɨni: “Neka'itiyatɨ nepɨkahayuyeitɨa, meta Wahari kakaɨyarixiyarite newarayexeiyatɨ nepɨka'uyeika”? Kenaye'eri kepemɨtiuyuri mayeweritsie. Keneu'atimaixɨa kepemɨtiuyuri. Kameyu 'ukaratsi manautsawe, naitsarie pemukuyeika.

Keremiyaxi 2:23 ပူးပေါင်းရင်းမြစ်များ

Keremiyaxi 7:31

Yaxeikɨata watuki mekaniutawewieni Tupeti mieme, mayeweritsie Weni-Hinuni, mana memɨwatitaiyanikɨ yuniwema 'ukitsi meta 'ukari, nihatsuaku tɨma mɨpaɨ nemɨkatiu'aitaxɨ nitɨma mɨpaɨ nemɨkatiunehɨawixɨ”.

Temaiwawemete 30:12

Hipatɨ mekanixuaweni me'itiyakame meyuxatatɨ, matsi 'akuxi mepɨkayu'itiewawe kememɨkate'itiyakɨ.

Xumatari 3:19

Hikɨ tame mɨpaɨ tepɨtemate, naime 'inɨari niukiyari kemaine, pɨtiwarutaxatɨa mɨkɨ 'inɨari niukiyaritsie memɨtewiya, yunaime wateni muwaranunamirienikɨ, Kakaɨyari mɨwataxanetakɨ yunaime kwiepa memɨtama.

Rukaxi 10:29

Peru mɨkɨ heitseriemekɨ yatikamiekame yuhekɨatamɨtɨ mɨpaɨ Ketsutsi katiniutahɨawe: —¿Merikɨte, kepɨpaikɨ nehepaɨ tewi?

Keremiyaxi 31:22

¿Kepaukake pepɨtihayewa pekuyeikatɨ, neniwe 'uka yapemɨkatikamie? Yawé tihekwame katininetɨamɨkɨ 'ena kwiepa, 'ukaratsi yukɨna hetsɨa kaninuamɨkɨ».

Keremiyaxi 9:14

Yu'iyari mɨkaheu'ena mepanukuwei, Wahari kakaɨyarixiyarite mepɨwaranukuwei, wa'ukiyarima kememɨtewaru'ɨkitɨa».

Keremiyaxi 3:2

»Keneuxeiya 'iya hɨrite mɨmeetse: Hakewa 'ahamatɨa pɨkarekahitɨwe. Harawe tewiyari makumawetsie 'amuyeika hepaɨ, huye tetsita pepɨkayeixakai, 'atuxexerima pewakwewietɨ. Kwie ka'itiyakame pekanayeitɨani memɨka'akɨnama wahamatɨa pehunetɨ.

Temaiwawemete 30:20

»Mapaɨ katiniyurieka 'uka muwikie memɨkakɨnamama memikumaɨwa: tiutikwa'atɨ wayetereuxinatɨ, mɨpaɨ kaniutaineni: “Hawaikɨ matsi 'axanepɨkatiyuriwe”.

Temaiwawemete 28:13

Kemɨ'ane 'axamɨti'ane mɨti'awieta hatsuaku 'aixɨa pukatiyeyani, matsi kemɨ'ane muyutahekɨata 'axamɨti'ane mɨtiku'eirieni mɨkɨ katineuyehɨwiyariemɨkɨ.

Nɨawari 50:21

Mɨpaɨ pekatiniyurieneni, neta 'atsinepɨkahaine, ¿xɨari mɨpaɨ pepɨtiku'eriwa kename ne 'ahepaɨ ne'ane? Peru hikɨ ne nekamenitatiemɨkɨ, 'ahɨxie nemetsi'anutaxeiyatɨ nepɨmetsitaxaneta.

Nɨawari 36:2

Mɨpaɨ pɨtiku'eriwa kename 'aixɨa tiuka'iyari 'axamɨti'ane pɨkaxani'erie.

'Etsitexi 8:16

Huriyutsixi wahetsiemieme mɨkɨ pɨhekɨariyatɨkai meta temawierika tukariyari patɨa, memutihiwanikɨ 'aixɨa 'anemekɨ.

Keremiyaxi 2:36

Yapauka pepɨ'akupata hipame wahetsie pɨta petiwiyamɨtɨ. Yaxeikɨatsiere 'Ekipitu kameniku'eirimɨkɨ, 'Atsiriya kemɨmatiuku'eiri hepaɨ.

Keremiyaxi 14:10

Yawé mɨpaɨ kanaineni 'ikɨ teɨteri wahepaɨtsita: «'Ikɨ teɨteri puwanake memeu'uwanikɨ, yɨ'ɨkate mepɨkamaniyatɨa. 'Ayumieme ne nepɨkawanaki'erie, matsi ne nekaniwaraye'eritɨamɨkɨ ke'axamemɨte'uyuri hikɨ nekatiniwakwinitɨamɨkɨ mɨkɨkɨ».

Keremiyaxi 16:10

»Kepauka 'ikɨ naime pemɨtiwataxatɨani teɨteri, mɨkɨ mekamanita'iwawiyakuni: “¿Titayari Yawé takakaɨyari tahetsiemieme tita'ai 'uximatɨarika mariweme? ¿Yawé takakaɨyari hepaɨtsita kuta ke'axatete'uyuri?”

'Utseyaxi 1:2

Kepauka Yawé 'Utseyaxi hamatɨa matɨari mɨtiutaxa, mɨpaɨ katinitahɨawe: «Kenemie xeime 'ukaratsi tuminikɨ muyuwitɨnɨa kenetiwitɨki, hetsiena tɨɨri keniwarayexeiya, mɨkɨ kwieyaritsie mɨpaɨ memɨyɨakɨ yunaitɨ. Yawé me'uku'eirieka hipame kakaɨyarixi pɨta mekaniwarayexeiyakaitɨni».