Keremiyaxi 2:2 - Kakaɨyari Niukieya

² «Kenemie Kerutsareme kiekatari mɨpaɨ ketiniwaretaxatɨa Yawé mɨpaɨ kanaineni: »“Nepa'eriwa matɨari 'ɨimariyari kepemɨnetinaki'eriekaitsie, 'anaki'eriyakɨ kepauka nemetsi hewitɨtsie, kepauka makumawetsie pemɨnetsi'uweiyakai, 'iya kwietsie 'etsiya mumawetsie.

Keremiyaxi 2:2 ပူးပေါင်းရင်းမြစ်များ

'Etsekieri 16:60

Matsi ne hɨrixɨa, nepaye'erieni tɨratu kenemɨtiuwewi 'ahamatɨa pemɨ'ɨimaritɨkaitsie, hutarieka tɨratu 'ahamatɨa nepɨwewieni yuheyemekɨ mieme.

'Etsekieri 16:8

»”Hutariekata 'a'aurie nemuyetɨatsie, nekameniuxeiya. 'Ari kanaye'akaitɨniri pematiwikieni. Hikɨ nematakɨ nekamenanakakamixatɨani pemɨmawekaikɨ. Tɨratu 'ahetsɨa nekaniuwewieni, yatekaniutiyuani, hikɨ nehetsiemieme pekanayani. Yawé naimekɨmɨyɨwe mɨpaɨ kanaineni.

Keremiyaxi 11:6

Yawé mɨpaɨ kanetiniutahɨawe: «'Ikɨ naime ketineutaxata Kura kiekariyaritetsie meta Kerutsareme kayeyari'ɨtɨa, mɨpaɨ pe'utaitɨ: “Xekeneu'eni 'ikɨ tɨratu kemutiyuane, meta xekenaye'atɨa.

Keremiyaxi 7:2

«Yawé tukieya kitenieyari hɨxie keneutakexi, hikɨ mana pe'uwetɨ 'ikɨ niuki keneutaxata: Xekeneu'eni Yawé niukieya, xeme yunaitɨ, Kura kwieyaritsie kiekatari kemɨ'ane 'uwa xemeutahake 'ikɨ kitenieyaritsie Yawé xemayexeiyanikɨ.

Hutarieka 'inɨari 2:7

»Yamepɨtemate kename Yawé xekakaɨyari xeparewie naimekɨ kexemɨteyurie, meta xe'ɨwiya makumawetsie xe'u'uwakaku. 'Ikɨ huta tewiyari wiyari, Yawé xekakaɨyari xehamatɨa kaniuyeikani meta nitixaɨtɨ pɨkatixeheuyehɨwa.

'Utseyaxi 2:15

'Ana nekaniyetɨiriemɨkɨ kaxie haraweriyari, mayeweritsie waɨkawa Kemɨtiuka'eniwakai 'aixɨa 'aneme nepayeitɨani memanukɨka Mɨnetsitakwewiekɨ. Mana pɨnetsita'eiya temaikɨyari hepaɨ, kepauka 'Ekipitu mayetɨatsie hepaɨ.

Keremiyaxi 2:6

Hatsuaku mɨpaɨ mepɨka'utiyua: “¿Hakewari Yawé 'Ekipitu mɨtatsihayewitɨ, makumawetsie mɨtatsi'uwitɨximekai, 'uwakikaku kweriwa'anekɨa, tixaɨtɨ mɨkaraxuawetsie meta 'umariwekaku, hakewa xewitɨ muka'anuyeikatsie meta xewitɨ muwa mɨkakietsie?”

Hutarieka 'inɨari 8:2

Xekena'eriwani huta tewiyari wiyari Yawé xekakaɨyari mɨxe'uwitɨximekai huyeta tukarikɨ meta tɨkarikɨ makumawetsie, puxetiuka'enitsitɨa mana waɨkawa pɨxe'uta'inɨataxɨ yamɨretimanikɨ tita yu'iyaritsie xemɨtehexeiya, meta yamɨretimanikɨ xɨka 'aitsikaya xe'eye'atɨaka yatɨ hawaikɨ.

Memeyekɨ 14:31

Mɨya mete'uneniereka 'ixaheritsixi, yutɨrɨkariyakɨ kemɨtiuyuri 'ekipitutari wahetsie, mɨkɨ mekaniutimamani Yawé yuri mekateniuta'eririeni, yaxeikɨata Muitsexi 'iparewiwameya.

Mateu 11:15

Xewitɨ netɨ mu'enaxɨ, ke'u'ena.

Rukaxi 12:13

Hikɨ teɨteri watsata 'uwetɨ xewitɨ mɨpaɨ katinitahɨawe: —Ti'ɨkitame, yaketineutahɨawi ne'iwa mɨnetsi'ɨitɨanikɨ tita nehetsie mɨtinake tapaapa tita mɨtatiuku'eiriri.

Kunatsi 1:2

«Kenemie, Niniwe kiekariyaritsie 'amɨyewatsie, yaketiniwaretaxatɨa kenemɨtika'una, karikɨ nekaniwaruxeiyari ke'axamemɨteyurie teɨterimama».

'Utseyaxi 8:1

»Kuxineta keneutahɨtsiri 'inɨari mayanikɨ. Kwixɨ hepaɨ 'akanamieni mɨkɨ waneɨkixiwi Yawé teɨterimama wahetsɨa. Tɨratu ketemɨte'uwewi mɨkɨtsie yamepɨkatekakɨ meta ne'inɨari niukiyari mɨkɨ mepuku'eiri,

'Etsekieri 23:19

Peru matsi mɨkɨ yɨmɨireme wahamatɨa kaniukahuni, 'ɨimariyari ku'eriwatɨ kepauka 'Ekipitu hipame wahamatɨa muhunekai hepaɨ.

'Etsekieri 23:8

Hatsuaku pukatiuhayewaxɨ yayɨanetɨ 'axakaniuyuyurieni naimekɨ, 'Ekipitu paitɨ mitsutɨakai 'ɨimariyari, yumuiretɨ hamatɨana mekaniukahipitekaitɨni, yɨmuɨretɨ mɨpaɨ tsitsieya mekateniutimayɨani.

'Etsekieri 23:3

'Ɨimarixiyari paitɨ watsisi mɨtimayɨiyanikɨ mepuyutauni, 'Ekipitu paitɨ tuminikɨ meyumayɨinɨatɨ mepakɨ, mana mepu'iyamatɨarie.

'Etsekieri 16:22

'Axapetiyurienetɨ meta hipame wahamatɨa pehunetɨ pepɨkahaye'eri pemɨnunutsitɨkaitsie, kepauka naitɨ pemeumawekai meta 'axuriyatsie pemɨyekurupenekaitsie.

Keremiyaxi 19:2

hikɨ kenemie mayeweritsie Weni-Hinuni paitɨ, 'Iwewamete wakitenie hɨxie hepatsie, mana niuki pepɨtaxata ne kenemɨmatitahɨawe.

Kitsariyaxi 58:1

»Keneutahiwa karima, pepɨka'utimamaweni. Kwi keneutahiwa kuxineta hepaɨ. Neteɨterima keniwarutaxaneta memɨnetsi'aye'uniekɨ, 'axamemɨte'uyurikɨ, Kakuwu nuiwarimama.

Kwikari 3:11

Xekeniwayekɨni 'ukarawetsixi Tsiyunitari. Ti'aitame Tsarumuni xekenexeiyani. Yumu'utsie kanenamaka Kuruna maamaya menamaniri kepauka mutineɨkixɨtsie mieme kepauka 'iyarieya muyutemawiekai.

Temaiwawemete 1:20

Mɨtimaiwenikɨ mɨ'ayumieme 'uka hepaɨ kaye 'utɨa kanahiwani, yuwaɨkawatɨ teɨteri memaxuawetsie waɨkawa kanahiwani.

Memeyekɨ 16:8

Muitsexi mɨpaɨ katiniwarutahɨawe: —'Ikɨ taikaiyaritsie Yawé wai kanixemimɨkɨ, paa xetikwame xekanitihuxaikuni kanixe'u'enieni hepaɨtsitana 'axakexemutiyua. Tame tixaɨtɨ tepɨkatehɨkɨ. Xeme ke'axaxemutiyuane tahetsiemieme xepɨka'utiyuane, Yawé hetsiemieme pɨta xekaniutiyuaneni.

Tsatiyaku 4:4

Neuxei teɨteri hipame wa'ɨitama xemɨwakumaɨwa. ¿Kari mɨpaɨ xepɨkatemate, xɨka tinaki'erieka tita kwiepa mɨtimieme, Kakaɨyari kani'uxiwe'eriekamɨkɨ? 'Ayumieme kemɨ'ane mɨyuwaɨriya tita kwiepa mɨtimieme mɨtinaki'eriekakɨ, mɨkɨ Kakaɨyari 'aye'unietɨ payuyeitɨwa.

Matsiɨkɨtɨ kemɨratɨa 2:4

Peru matsi 'ahepaɨtsita tixaɨtɨ nepɨtixani'erie, matɨari kepemɨtiyukanaki'eriekai pemɨtiuhayewaxɨkɨ.

Nɨawari 129:1

Hikɨta 'ixaheritsixi mɨpaɨ meke'utiyuani: —Yumɨiretɨ mepɨnetsi'uhiweritɨa temaikɨyaritsie paitɨtɨ,

Keremiyaxi 2:1

Yawé niukieya nehetsɨa kaninuani:

Keremiyaxi 3:4

Mɨixa wiyari pɨka'anuyemie mɨpaɨ pemɨnetiumarekai: “Nepaapa, 'ɨimariyari pemɨnehamiku,

'Utseyaxi 2:7

Waɨkawa tiuka'eniwatɨ yutuxexerima pɨwakuwauneni, kawataxeiyame mɨpaɨ pɨtayɨni: “Nekɨna matɨari nemitiwitɨ hetsɨa nepɨnuanikeyu, matsi meripaitɨ 'aixɨa nepɨtixeiyariekai keyuri hikɨ”.

Hutarieka 'inɨari 33:3

'Ekɨ pepɨhɨkɨ 'ateɨterima pemɨwanaki'erie, yunaitɨ memɨpatsietɨka 'amamatsie mepɨte'ane. 'Ayumieme mekameniuweiyani, 'ɨxatsi 'ahetsɨa mieme mekaniukaxexeiyani.

Kwikari 3:6

¿Titatihɨkɨ makumawetsie mɨretineika kɨtsi 'amuweni hepaɨ tiyuxexeiyatɨ, mixaxi meta 'ɨkwa witsimu'ɨa tsata, meta waɨkawa witsimu'ɨatɨka nɨtɨ?

'Utseyaxi 2:17

Ne nepɨmeratɨmaiyatsitɨani tawarita pemɨkawakuxatanikɨ memɨkayuri kakaɨyarixi, hatsuakuri pemɨkawatahɨawe.

'Utseyaxi 9:10

Mɨpaɨ kanaineni Yawé: «Kepauka 'Ixaheri nemutaxei, makumawetsie kaxie takari nemutaxeiya hepaɨ nepuyɨ, kepauka 'atutsima nemɨwaruxei meripai miemete, xapa takari yɨyɨrime nemuxeiya hepaɨ nepuyɨ. Peru mɨkɨ mepekɨ Wahari-Pehuxi kakaɨyariyari hetsɨa, mepɨnetsi'uku'eiri, tewiyarikatsie mepuyuyetua, 'anari wahepaɨ 'axame'anenetɨ mepakɨ menaki'eriwatɨ hepaɨna.

'Utseyaxi 11:1

«Kepauka 'Ixaheri mununutsitɨkai 'anapai nepinaki'eriekai, 'Ekipitu 'uyeikakaku neniwe nepenayexei.