Keremiyaxi 2:11 - Kakaɨyari Niukieya

¹¹ ¿Kamɨtsɨ xewitɨ nuiwari tiuyeika hipame kakaɨyarixi waruku'eirieka hipame pɨta wareweiyaka, tsepanetɨ mekakakaɨyarixi? Neteɨterima mepɨnetsi'uku'eiri, nemɨmariwe wahetsiemieme, tixaɨtɨ mɨkatiyunaki'erie hekɨ.

Keremiyaxi 2:11 ပူးပေါင်းရင်းမြစ်များ

Xumatari 1:23

Kakaɨyari mɨkapɨniwe witsimɨ'ane, mekanipata tewi mɨpɨniwe hepaɨ tiyuxexeiyame memayexeiyanikɨ pɨta, wikixi wahepaɨ, yeutari wahepaɨ meta kuterixi wahepaɨ tiyuxexeiyame.

Kitsariyaxi 37:19

Wakakaɨyarixima taipa mekaniwareuxɨrieni meta mekaniwaruti'una, mɨkɨ memɨkakakaɨyarixitɨkaikɨ matsi xeikɨa kɨyexi meta tetexi memɨhɨkɨtɨkaikɨ, teɨteri wawewiya.

Keremiyaxi 16:20

¿Kamɨtsɨ tiyɨwe tewi yukakaɨyarixi mɨwarutiwewieni? Matsi mɨkɨ mepɨkakakaɨyarixi».

Nɨawari 106:20

Kakaɨyari waɨkawa watemawieritɨakaku mepiku'eiri, tuuru pɨta 'ɨkiyaya mepanukuwei tupiriya mukwa'a.

Mikeyaxi 4:5

Teɨteri yunaitɨ yukakaɨyarixi wahetsie metewiyatɨ mekaniuhuni, matsi tame Yawé hetsie tetewiyatɨ xeikɨa tekaniuhuni, takakaɨyari hetsie tetewiyatɨ, hikɨ 'ena mɨtiyehane meta yuheyemekɨ.

1 Kurinitutari 8:4

Merikɨte, 'ikwai hepaɨtsita kakaɨyarixi kememɨtemawiyarie, mɨpaɨ tepɨtemate, tete pɨkaxuawe kwiepa yuri mɨkakaɨyari, xewitɨ pɨkaxuawe kakaɨyaritɨtɨ. Kakaɨyari yuxewitɨ 'akaniuweni xeikɨa.

Keremiyaxi 2:8

Hatsuaku mawari wewiwamete mɨpaɨ mepɨka'utiyua: “¿Hakewari Yawé?” 'Inɨari niukiyari memakumate hatsuaku mepɨkanetsi hetima, teɨteri wahetsiemieme memanuyetekai menetsi'aye'unietɨ mepakɨ, neniukamete Wahari hetsiemieme pɨta mepɨte'utaxa meta kakaɨyarixi tixaɨtɨ memɨkateyunaki'erie pɨta mewaruweiyatɨ mepakɨ.

Keremiyaxi 2:5

Yawé mɨpaɨ kanaineni: «¿Ketita 'axati'aneme mete'ukaxei nehetsie xetutsima, merikɨte yemekɨ menetsi'uku'eiri? Tixaɨtɨ mɨkatiyunaki'erie 'utɨa pɨta mepekɨ, 'ayumieme tixaɨtɨ mepɨkatehakɨ.

Nɨawari 115:4

Peru mɨkɨ nuiwarite memɨwarayexeiya kakaɨyarixi huru meta pɨrata mekanihɨkɨtɨni, teɨteri wawewiya.

Nɨawari 3:3

Matsi 'ekɨ, Yawé, pepɨnetsiheutinama kuya kɨmana muyukunarɨma pehɨkɨtɨtɨ, 'ekɨ pepɨnexawatɨriya, 'ekɨ nemu'u pepanukunieritɨa.

Hutarieka 'inɨari 33:29

'Ixaheritsixi, xekeneyutemamawieka yutukarikɨ. ¿Tawari kemɨ'ane 'aku xehepaɨ, mepɨwikweitsitɨarie Yawé hetsie? Mɨkɨ 'ahetsie nunuwame pɨhɨkɨ meta metsiparewiwame, mɨkɨ xe'ixipara pɨhɨkɨ kɨmana xemɨtehayu'iwa. Memɨxekwitɨwe xehɨxie mepɨtitunuma'uni, wawari, hetsiena xema'uwe pakɨne».

1 Pekuru 1:18

mɨpaɨ xetemaitɨ, tita mɨtipɨniwekɨ pɨratakɨ, huru hepaɨ, mɨkɨkɨ xepɨka'unanaiya kepauka xemuxɨnarie 'uxa'atɨni warie yakɨ xeikɨa xemɨka'u'uwanikɨ, xetutsima kememɨtexe'ɨkitɨakai,

Karatsiyatari 4:8

'Anapaitɨ xemɨka'imaikaikɨ kemɨ'ane mɨkakaɨyari, waɨriyarika xekateniyuriekaitɨni kememɨtexe'aitɨakai mɨkɨ memɨkayurikakaɨyarixi.

1 Tsamuheri 4:21

Peru Kakaɨyari tɨratuya mekweiyakɨ meta mu'eya kɨnaya meta memukwikɨ, 'Ikawuri katiniterɨwa yuniwe, mɨpaɨ mɨtimatsiɨkɨnikɨ kename 'ixaheritsixi Yawé xawatɨriyaya waruku'eiriekai.

2 Kemɨtiuyɨ 13:9

Metsɨ xekaniwarayeweiya 'Aruni nuiwarimama, Yawé mawari wewiwametemama memɨhɨkɨ, meta rewitsixi. Mɨkɨ wahetsiemieme hipame mawari wewiwamete xekaniwarutihɨawe, tsepa ke'anetɨ muwa'atɨa xeime tsikeru meta 'atahuta muxatsi 'ukitsi mɨkɨ xekaniwarayeitɨwani mawari wewiwamete memɨkayuri kakaɨyarixi wahetsiemieme, teɨteri Kakaɨyari memɨkamate wahepaɨ xepɨteyurie.

Keremiyaxi 5:7

«¿Titayari nemereuyehɨwirieka? 'Aniwema mepɨnetsi'uku'eiri, memɨkakakaɨyarixi wahetsɨa mepɨteyuhɨritɨa. Kepauka nemɨtiwakupiniriekai tita memɨteheuyehɨakai, mɨkɨ memɨkayɨ'ɨitama mepɨwarukumayɨa 'ukarawetsixi yuwaɨkawatɨ memɨwakumaɨwa wakiita mepuyukuxexeɨriwakai.

Keremiyaxi 18:13

'Ayumieme Yawé mɨpaɨ kanaineni: «Xekeneuta'iwau hipame nuiwarite watsata: ¿Hakewa xewitɨ mɨpaɨ pɨre'enaxɨ? 'Ixaheri 'ɨimari yemekɨ 'axa'anemekɨ pɨtiuyuri.

'Etsekieri 5:7

»'Ayumieme ne mɨpaɨ nepaine, Yawé naimekɨmɨyɨwe: Xeme matsi xepɨkaheu'enana, keyuri nuiwarite xe'aurie mematetɨka, ne'aitsikatsie meta ne'inɨari niukiyaritsie yaxepɨkatekahu, meta mɨkɨ nuiwarite wayeiyari xemanukuweiya xepɨkayɨwawe.

'Etsekieri 14:5

Mɨpaɨ 'ixaheritsixi wa'iyari nehetsɨa nepɨranuitɨani mɨkɨ kakaɨyarixi 'axamemu'ɨatɨka wahekɨ memɨnetsi'uku'eiriekai”.

Hutarieka 'inɨari 32:16

Pɨwaruyehekaxɨ kakaɨyarixi hipame memɨwarayexeiyakaikɨ, mepiyehaxɨatɨa yukakaɨyarixi memɨxani'eriwa wahekɨ.

Hutarieka 'inɨari 32:21

Mepɨnetsi'uyehaxɨatɨa kemɨ'ane yuri mɨkakakaɨyarikɨ, nepuyeha'a hipame kakaɨyarixi memɨwarayexeiyakaikɨ. Neta yaxeikɨa nepɨwayurieni nepɨwayehaxɨatɨani kemɨ'ane memɨkaneteɨterima wahekɨ, nepɨwayehaxɨatɨani teɨteri 'axamemɨte'u'iyari wahekɨ.

1 Te'aitamete 11:33

Mɨpaɨ nepɨtiyurieni mɨkɨ mɨnetsi'uku'eirikɨ, 'Atsitaruti mayexeiyakɨ tsiruniyutsixi wakakaɨyari meta Kemuxi muhawitsixi wakakaɨyari, metatsiere Muruki 'amunitsixi wakakaɨyari. Tsarumuni nehuyeta pɨka'umie, yapɨkatiyuriwe kemɨnetinake, pɨkaraye'atɨa ne'aitsikatsie ne'inɨari niukiyaritsie, yupaapa Rawiri hepaɨ pɨkatikatɨa.

2 Te'aitamete 1:3

Peru Yawé niuki tuayameya, 'Eriyaxi mɨpaɨ katiniutahɨawe Titsiwe kiekame: «Kenemie keniwaranukunaki ti'aitame Tsamariya kiekame nɨ'arimama mɨpaɨ ketiniwaretahɨawi: “Neuxei xeme, ¿ketitayari kakaɨyari 'Ekuruni mewe Wahari-Tsewu xeteheu'iwawiyayu? ¿Tiumawe kuta Kakaɨyari 'Ixaheri kwieyaritsie?”