Keremiyaxi 17:9 - Kakaɨyari Niukieya

⁹ Tixaɨtɨ pɨtiumawe 'iyari hepaɨ tiyukwamanatɨ. 'Aixɨa miyurieni pɨkayɨwe. ¿Kemɨ'ane pɨyɨwe meitimanikɨ?

Keremiyaxi 17:9 ပူးပေါင်းရင်းမြစ်များ

Mateu 15:19

Karikɨ 'iyaritsie katinatineikani 'axa'iyaritɨarika, xeime kemɨtiumieni, xeime kemɨtiukumayɨani kayɨ'ɨya kayɨkɨna, kememɨteyukumaɨwa teɨteri kemɨkatiheitserie, 'inawari, 'itarika meta 'axaniuki hipame wahepaɨtsita.

Ti'ɨkitame 9:3

Xewitɨ xeikɨa kaniuyeikani 'axamɨtiyurienenikɨ 'ikɨ tukaritsiemieme: Teyunaitɨ tsieretsɨ tekanikwikuni. Metatsiere tewi 'iyarieya 'axamɨti'anekɨ kanihɨneni, rukuxiya xeikɨa yu'iyaritsie kanexeiyani yuheyemekɨ, 'imatɨrieka xeikɨari kanimɨmɨkɨ.

Temaiwawemete 28:26

Xɨka tewi yuhetsiemieme yuri tiyu'eririeka mɨkɨ pɨkayuwaɨriya muwaparewienikɨ hipame, matsi kemɨ'ane timaiwetɨ yamɨtiyurieni kaniyutawikweitsitɨamɨkɨ.

Hepɨrayutsixi 3:12

Xekeneyukweriwayurieka, xeme ne'iwama, kapa xewitɨ xeme 'iyarieya 'axa'anenikɨ, kapa yuri kati'eriekakɨ 'ihayewamɨtɨ Kakaɨyari mayeniere.

Tsutɨarika 6:5

Hikɨ Yawé nieretɨ teɨteri ke'axa kwinimieme memɨteyuriekai, 'axamɨti'ane hetsie xeikɨa memɨyɨkɨhɨawekaikɨ,

Tsutɨarika 8:21

Kepauka Yawé 'ɨakariyari witsimu'ɨa mu'ukwixɨ mɨpaɨ katiniuyuhɨawe: «Tsepa teɨteri tɨɨriyari paitɨ 'axamemɨteyurie, tawarita kwie 'axanepɨkayurieni tewi ya'ane wiwiekaku. Metatsiere hatsuakuri nepɨkatiwakwini kwiepa memɨtexɨawe, hikɨ kenemɨtiuyuri.

Mateu 13:15

'Ikɨ teɨteri yu'iyaritsie mepɨtsetse'i, yunakata mepeukanatɨka, meta yuhɨxita mepeunaname. Mexɨka mɨpaɨ meka'anenenike, yɨhɨxikɨ mepeunenierenikeyu, yunakakɨ mepeu'enanakakeyu, yu'iyaritsie mepɨtemaiwawenikeyu, meta mepɨtehayewakeyu ke'axamemɨteyurie, neta 'aixɨa me'aneneme nepɨwarayeitɨanikeyu”.

Keremiyaxi 16:12

Xemeta kwinimieme matsi xepɨyɨa xe'ukiyarima wareuyeta. Yuxexuitɨ yu'iyari 'axamɨ'ane mɨkaheu'ena xepuweiya, xepɨkanetsihanu'eniwawe.

Nɨawari 51:5

Ne mɨpaɨ nepɨtimate nemutinuiwaxɨtsietɨtɨ 'axanepɨtiuka'iyari, 'axanetiyuruwametɨtɨ nemaama hetsie nepɨyenuiwaxɨ.

Marikuxi 2:17

Waru'enieka, Ketsutsi mɨpaɨ katiniwarutahɨawe: —'Aixɨa memɨteheu'erie mepɨkaheiyehɨwa tiyu'uayemawame, mɨkɨ memɨtekukuye pɨta mekaneiyehɨaka. Ne nepɨkanua newata'inienike mɨkɨ heitseriemekɨ yamemɨtekahu, mɨkɨ 'axamemɨteyurie pɨta newata'inienike nekaninuani.

Xumatari 1:21

Kakaɨyari mehetimaika, 'aixɨa mepɨka'utiyuanekai hepaɨtsitana Kakaɨyari hepaɨtsita temutiyuane hepaɨ. Pamɨpariyutsi mepɨka'ipitɨakai, matsi yakɨ metekuxatatɨ mekanakɨne mexi niuki mexɨatɨakai, wa'iyari 'atsikatimaiwekaku, kaniukuyɨre wa'iyaritsie.

Xumatari 7:11

Peru 'aitsika muxuawekaikɨ, tita 'axanemɨtiuyuri kanitsutɨani neti'irɨwiyatɨ, mɨkɨ 'aitsikakɨ kaneniumiemi.

'Epetsutari 4:22

'Ayumieme kexemɨte'u'ɨkitɨarie, xekenanutihɨna tita mɨtiye'i, xeketeneuhayewa kexemɨyɨakai meripaitɨ. Kemɨ'ane mɨpaɨ mɨtiyuriene, mɨkɨ kanitapɨnirɨmeni 'irɨmari kemɨtihiwe'eritɨa.

2 Tsamuheri 11:15

Xapa mɨpaɨ payetainekai: «'Uriyaxi kenanuyeyetsa, hakewa matsi waɨkawa memeyukwitɨwetsie. Hikɨ yuxaɨtame xekenehayewa metsekienikɨ meta memierienikɨ».

Kitsariyaxi 1:5

¿Ketitayari tawarita xetetiweiwani? ¿Ketitayari xete'iyeweiyani xe'eye'unietɨ? Naitɨri'amu'u kaniweiyaka, naitɨri 'a'iyari katinikuyeni.

Kitsariyaxi 1:6

Xeketatetsie tsutɨtɨ xeyekɨrita paitɨ ye'atɨ naitsarie xepɨteheukukuye: mɨkɨ naimetsie xepeukuweiyatɨka, xepeukuyuyuawi, meta haiya hayepietɨkaime xepexeiya, nixewitɨ pɨkaxeti'uayemawe meta pɨkaxe'anakɨhɨaxɨawe, nixewitɨ hatseitikɨ pɨkaxeka'uayemawe.

Kitsariyaxi 6:10

'Ikɨ teɨteri wa'iyari tsetse'ime kenayeitɨa, wa'enakareme kenanunaxɨa meta mekaheuneniereme keniwarayeitɨa, nɨkahɨrixɨa me'uneniere, me'u'enanani, meta yu'iyarikɨ meheitimaixɨani, kapa mete'uhayewame 'aixɨa meteheu'erietɨ mehayeitɨarieni».

Nɨawari 64:7

Peru Kakaɨyari wa'ɨrɨkɨ pɨwatimɨni, 'atsimekateha'eriwatɨ mepatixɨrieni mete'uka'eniwatɨ.

Keremiyaxi 7:24

Peru mɨkɨ mepɨkanetsi'anu'eni yamepɨkatekakɨ, yu'iyari mɨkaheu'ena meta 'axamɨtiuka'iyari pɨta kemɨtiwakɨhɨawekai mepanukuwei. Mɨpaɨ me'ɨyɨka mekanewa'uni pɨta, yukutama mekaniyekɨne.