Keremiyaxi 17:4 - Kakaɨyari Niukieya

⁴ 'Akɨmana pekatineuyehɨamɨkɨ tita nemɨmatiumikai. Waɨriyarika ti'uximayatame nepɨmatsihayeitɨani memɨmatsi'aye'unie wahetsɨa, xeime kwieyaritsie pemɨka'imatetsie, nehaxɨa pemutaiyaxɨkɨ, mɨkɨri yakatinitakamɨkɨ yuheyemekɨ».

Keremiyaxi 17:4 ပူးပေါင်းရင်းမြစ်များ

Keremiyaxi 15:14

'Aneɨkixiwima pemɨtiwata'uximayatsirienikɨ yanekatiniyurimɨkɨ xeime kwieyaritsie pemɨka'imatetsie, nehaxɨatsie tai kaniutani xehetsie kaneutanerɨkwawani».

Hiwerika 5:2

Takwie hipatɨ tiwapiini pɨratɨa, meta takii, 'ateewa kiekatari wapiini katinayani.

Keremiyaxi 7:20

»'Ayumieme Yawé naimekɨmɨyɨwe mɨpaɨ kanaineni: “'Ena nehaxɨa nekananɨ'amɨkɨ: teɨteri wahetsie meta tewaxi wahetsie, kɨyexi yeuta mieme hetsie meta 'ikwaxi 'ena kwiepa mɨtixuawetsie, nehaxɨa pɨtaka pɨkayɨtɨnɨaka”.

Kitsariyaxi 5:25

'Ayumieme Yawé haxɨaya kaniutani yuteɨterima wahepaɨtsita, hetsiena yumamá kananukuhana meta kaniwani, hɨrite kaniwatayuatɨkani, mɨkite xatsi hepaɨ mekateniyukuhayeikawani mɨranuyekɨkatɨretsie hixɨapa. Mɨyatɨtɨ haxɨaya pɨkatiuhayewaxɨ, yumamate 'akuxi kanitatseratɨkani.

Keremiyaxi 16:13

'Ayumieme nepɨxe'ayeweiya 'ikɨ kwieyaritsie, xeime kwieyaritsie xemɨka'imatetsie xe'ukiyarima memɨkaheitimatsie, mana tukarikɨ tɨkarikɨ hipame kakaɨyarixi xepɨwarayexeiyani. Ne nepɨkaxetinenimayata”».

Kitsariyaxi 14:3

Kepauka Yawé kexemɨte'uka'eniwakaikɨ mɨxeka'uxipitɨani, kexemute'u'uximatɨarie meta waɨriyarika xepitɨarietɨ xemɨte'aitɨariekaitsie,

'Etsekieri 21:31

'Ahetsie nehaxɨa nekanikawiwimɨkɨ, nehaxɨa tai hepaɨ 'anekame nekanita'iemɨkɨ, hipame wahetsɨa nekamaniyetuamɨkɨ 'axamemɨte'u'iyari wahetsɨa memɨteyukukuya.

Hiwerika 1:12

«Xeme huyeta xemuyekɨka, xekeneuyu'ɨwiya: ¿Kamɨtsɨ xekateyu'iyaritua nehetsiemieme? ¿Hakewa xewitɨ nehepaɨ 'aneme 'uximatɨarika pexeiya, Yawé 'uximatɨarika mɨnetsiyetuiri hepaɨ 'anekame? Yawé kepauka muyeha'a nehamatɨa, 'ikɨ 'uximatɨarika kaneyenɨ'ani nehetsiemieme.

Keremiyaxi 12:7

»Neteɨterima nepuwaruku'eiri, tita mɨtinepiinitɨkai nepiku'eiri, neteɨterima nemɨwanaki'erie nepuwayetua memɨwaraye'unie wahetsɨa.

Keremiyaxi 5:29

Mɨpaɨ kanaineni Yawé: «¿Kareuyewetse mɨkɨkɨ nemɨtiwakwinitɨani? ¿Kareuyewetse mɨkɨ nuiwari mɨya memɨte'u'iyari neta nemɨtiwarakapitɨanikɨ mɨkɨ kememɨnetsi'uyuri?

Kitsariyaxi 66:24

Hikɨ kepauka memuwayekɨnetsie mepɨwaxeiya wakaxarite kemɨ'ane memɨnetsi'utami. »Kwitsi pɨkamɨni muwakwa'a, meta tai pɨkatɨni muwatixɨtsitɨwa: memɨxani'eriwa mepakɨne yunaitɨ kwiepa memɨtama wahɨxie».

Kitsariyaxi 30:33

Tupeti meripaitɨri kaniyukuha'aritɨani, ti'aitame hetsiemieme kanihɨkɨtɨni. Teeka kaniwati'inierieni heukatewatɨ 'awatiyeutɨ, waɨkawa tai meta kɨyexi hexeiyame, Yawé 'ihɨtsieyu kanitaimɨkɨ, tai hayari hatɨa muhaneni hepaɨ.

Nehemiyaxi 9:28

Peru kepauka memuxɨnarie, yaxeikɨatsiere mepɨteyuriekai, 'ekɨta pepɨwayetuayakai memɨwaraye'unie wahetsɨa, mɨkɨ mekateniwaruta'aitɨwakaitɨni. Hekwamekɨ mekameniutahiwiwakaitɨni pemɨwaparewienikɨ, hikɨ muyuawitsie paitɨ pekaniwaku'eniwakaitɨni. Waɨkawa pemɨwanaki'eriekaikɨ mɨixa peniwarutawikweitsitɨani.

2 Te'aitamete 25:21

Mana Kamati kwieyaritsie, Wawiruniya kwieyaritsie ti'aitame katiniuta'aita memɨkwi'iwakɨ. Mɨpaɨ mekateniukumaweriyarieni Kura kwieyaritsie kiekatari, hipatɨ xeime kwieyaritsie mekanehapanieni.

1 Te'aitamete 9:7

ne 'ixaheritsixi nepɨwarakumaweriya kwie nemɨwayetuiritsie meta tuki nepɨtixani'erieni patsiekame nemayeitɨa nehetsiemieme. Hikɨ 'ana 'Ixaheri 'atsieriwame payani yunaime teɨteri wahetsiemieme.

Hutarieka 'inɨari 28:25

»Yawé pɨxeyetuani memɨxe'a'iwakɨ memɨxe'aye'unie. Tsepa xemekɨ 'aixɨa xeteheuku'utɨ, peru 'arike xepuyuta'unaxɨani yuxexuitɨ. Yunaitɨ kwiepa memɨtama te'aitamete mexenanaimatɨ mepakɨne.

Keremiyaxi 2:14

¿'Ixaheri kuta waɨriyarika ti'uximayatame tihɨkɨ? Mɨra'uximayatsietsie pɨka'utinuiwaxɨ. ¿Kamɨtsɨ titayari tinawatsiyarie?

Keremiyaxi 18:23

Yawé, peru 'ekɨ pepɨrakumate naime kememɨteku'eriwa kememɨnetemieni. Ke'axamemɨteyurie pepɨkatiwareuyehɨwirieka, meta ke'axamemɨte'uyuri pepɨkahekuyeitɨwani 'ahɨxie. 'Ahɨxie meke'ukaxɨriyani. Kepauka wahekɨ pemɨha'a 'ana keniwaraye'atɨiri.

Keremiyaxi 21:12

Rawiri xiɨyarimama mɨpaɨ ketiniwarayehɨtɨa Yawé mɨpaɨ kanaineni: »“Heitseriemekɨ xeketeneyurieka naime tukaritsie, xekeneɨxɨna 'uximayatsika 'anutiyakame mɨpitɨarie, nɨka hɨrixɨa 'utani nehaxɨa tai hepaɨ meta 'utani xewitɨ ka'itɨwemekɨ, xeme 'axaxemɨteyuriekɨ.

Keremiyaxi 22:28

Kekuniyaxi xari mɨkaheuyehɨiya mɨtari pɨhɨkɨ, xewitɨ mɨka'iheiwe'erie. ¿Titayari xeime kwieyaritsie reutahɨiya mɨkɨ meta yunaitɨ nuiwaritemama, xeime kwieyaritsie memɨka'imatetsie?

Kitsariyaxi 50:11

Peru xeme tai xemukutaiya meta 'utsi xemuti'ɨwe, kɨmana xeyukɨxirietɨ xemuhunikɨ, xemitaiyatɨka xehekɨariwiyakaku. 'Ayumieme nepɨxe'anunɨ'airieni: 'uximatɨarika waɨkawa, mana xepɨkwini.

Keremiyaxi 5:19

Kepauka mɨpaɨ pemɨtita'iwawiyarieni: “¿Titayari Yawé takakaɨyari mɨya tatiuyuri?”, 'ekɨ mɨpaɨ pekatiniwata'eiyamɨkɨ: “Xeme kexemɨnete'uku'eiri meta yukwietsietɨtɨ hipame kakaɨyarixi xemuwarayexeiyakaikɨ, mɨpaɨta xeime kwieyaritsie hipame teɨteri xepɨtewarayexeiyani”.

'Etsekieri 7:24

Nuiwarite kwinimieme 'axamemɨte'u'iyari mekani'axɨakuni wakiiteta memɨtahaxɨanikɨ. Memuyuti'ɨre memɨtɨrɨkawikɨ mekanikumaweriyariekuni, meta watukite kapatsietɨ kanayeitɨariemɨkɨ.