Keremiyaxi 17:3 - Kakaɨyari Niukieya

³ meta nehɨritsie mɨhekɨatsie. »Naime tita waɨkawa pemɨrexeiya hipame kuyaxi nekatiniwayetuiriemɨkɨ, 'apiinite mɨraye'atɨka meta 'atukite 'etsimupepe, naime ke'axapemɨtiuyurikɨ naime 'akwieyaritsie.

Keremiyaxi 17:3 ပူးပေါင်းရင်းမြစ်များ

Keremiyaxi 15:13

'Axapemɨtiuyurikɨ nekatiniyetuamɨkɨ xepiinite mɨraye'atɨka, tixaɨtɨ nekatiwautɨ, tita waɨkawa pemɨrexeiya meta piinite mɨraye'atɨka, naime 'ikɨ 'akwietsie.

Keremiyaxi 26:18

kename, 'Etsekiyaxi kepauka mɨti'aitametɨkai, Mikeyaxi Muretseti kiekame yunaime Kura kwieyaritsie kiekatari wahetsiemieme mɨpaɨ tiuxatakai: «Mɨpaɨ kanaineni Yawé Naimekɨmɨtɨrɨkaɨye: “Tsiyuni kanakukwietsanariemɨkɨ kwie mɨraka'etsitɨre hepaɨ, Kerutsareme 'unitɨ kanayeimɨkɨ, meta tuki yemuriyari 'ɨtsita kanayeimɨkɨ”.

2 Te'aitamete 24:13

Yawé kemutayɨkai, Nawukurunutsuxi naime tukita timieme piinite mɨraye'atɨka katinetɨni meta paratsiyuta timieme, naime metetitaratɨ piinite hurukɨ mɨtiwewiyatɨkatei 'Ixaheri kwieyaritsie ti'aitame Tsarumuni mɨtiuti'aitakai tukita timieme mɨrayanikɨ.

Mikeyaxi 3:12

'Ayumieme, xeme ya'aneme xewiwiekaku Tsiyuni kwietsanaripa hepaɨ tiyuxexeiyatɨ kanayeimɨkɨ, Kerutsareme 'unimeyari xeikɨa kaniyuhekɨarimɨkɨ, meta yemuri tuki manuwekai 'ɨtsita kanayeimɨkɨ.

'Etsekieri 16:39

Wahetsɨa nepɨmatsiyetuani, mɨkɨ mawari taiyame pemutiwewi mepɨti'una, naime tukite mepɨteti'una. Mɨkɨ 'akamixa mepɨtatsana, meta 'akukate, 'anakɨtsate mepɨmatenawairieni, naime pemaweme mepɨmatsihayewa.

'Etsekieri 6:3

Mɨpaɨ ketiniwarutahɨawi: “Xekeneu'enana, 'Ixaheri hɨriyarite, Yawé naimekɨmɨyɨwe niukieyakɨ, hɨrite meta yemurite, haa manuyehapane meta mayeweweritsie: ‘Xehetsiemieme 'ixipara kanayenemɨkɨ, nekaniti'unamɨkɨ xetukite.

Hiwerika 1:10

Meye'unie naime pɨtiyukapiinitɨa naime mɨraye'atɨka Kerutsareme mɨrexeiyakai, meta mɨkɨ puwaruxei tukita kepauka memeutahaxɨa hipatɨ teɨteri Kakaɨyari memɨka'ayexeiya, 'ekɨ pemɨkawapitɨakai, muwa 'ateɨterima memɨwayutixexeɨriwatsie memeutahakeni.

Keremiyaxi 12:12

Naitsarie makumawetsie yemurite mɨtiteitsie mekaniu'axɨani teyumemiwamete. Yawé 'ixiparaya 'ikɨ kwieyari kanika'unamɨkɨ naime 'etsiwatɨma yayeume pɨkahayewa, meta nixewitɨ kayuwatɨ pɨkahexeiyani.

Kitsariyaxi 27:9

Mɨpaɨ Kakuwu 'axakemɨtiuyurikɨ pɨti'itiyarieni, mɨpaɨ xeikɨa katiniyɨmɨkɨ 'axakemɨtiuyuri mɨreuyehɨwiyarienikɨ: tetexi kakaɨyarixi memɨte'atimawiyarɨwa naitɨ tumuanari kehayani, tetexi mu'uniwe mɨtɨxieka hepaɨ, meta 'Atserá 'ɨkiyaya 'a'uwetɨ pɨkakuhayeikarɨwani meta mawari taiyame 'ɨkwa witsimu'ɨa nixewitɨ tɨma.

Mawari 26:30

Xetukite 'etsimɨpepe kakaɨyarixi xemɨtewaranutimawiriwa nepɨka'unaxɨani, meta mawari taiyame 'ɨkwa witsimu'ɨa xematitaiyatsie nepɨka'unaxɨani, meta xekaxarite 'aneme nepɨkeni xekakaɨyarixi memɨka'ayeneniere wa'ɨkiyari waheima, nehaxɨa xehetsɨa punuani.

Nɨawari 78:58

Mekaniyehaxɨatɨani tukite 'etsimupepe memutiwewikɨ, mamakɨ wewiyakate memuwarayexeiyakaikɨ.

Keremiyaxi 20:5

Metatsiere, memɨxe'aye'unie nekaniwayetuiriemɨkɨ naime tita waɨkawa xemɨteheuxeiya 'ikɨ kiekariyaritsie, naime tita xemɨte'ukaxei xete'uximayatɨ meta waɨkawa mɨraye'atɨka, meta Kura kwieyaritsie te'aitamete tita piinite mɨraye'atɨka memɨtehexeiyakai, memɨtewanawatsirienikɨ meta memɨtehanutɨnikɨ Wawiruniya paitɨ.

Tsupuniyaxi 1:13

Xepiinitɨarika memɨxeka'una wa'iwarika pɨrayani, xekii yuxaɨta puyuhayewaxɨani: “Yukii xepɨtiwewieni, peru muwa xepɨka'ayeyaxe, kaxie xepɨka'iteɨta, peru winuyari xepɨkaha'inɨata”.

Keremiyaxi 21:13

Ne nekamanaye'unieka, Kerutsareme, 'uka ti'aitame mayeweri heima kiekame, 'ai hetsie 'akuwerikaku pemuka —Yawé mɨpaɨ kanaineni—. Xeme mɨpaɨ xemutiyuane: ‘¿Kemɨ'ane pɨtatsikemaka? ¿Kemɨ'ane peutahani temɨwayu'awietatsie?’ ”

'Etsekieri 23:46

»Yurikɨ Yawé mɨpaɨ kanaineni: Yɨmɨiretɨ teɨteri mekeyukuxeɨrieni memeye'uniekakɨ, me'imariutatɨ meta naime mete'inawatsirietɨwetɨ.