Keremiyaxi 15:9 - Kakaɨyari Niukieya

⁹ Kaniku'amɨweni kemɨ'ane 'atahutame yuniwema 'ukitsi mɨwarayexeiyakai, ka'u'iwetɨ payeika. Tsepa mutuka pukɨ'iyɨriwa, 'ukaratsi yutewiyatɨ payeika yemekɨ. Kemɨ'ane memɨyuhayewa nepuwayetuani memɨkwi'iwakɨ memɨwaraye'unie wahɨxie», Yawé mɨpaɨ kanaineni.

Keremiyaxi 15:9 ပူးပေါင်းရင်းမြစ်များ

1 Tsamuheri 2:5

Meripaitɨ 'ikwai 'anayuhayewame memexeiyakai, hikɨri paa 'etsipemekɨ mepuyutua. Meripaitɨ memɨte'uka'eniwakai haakakɨ hikɨri waɨkawa 'ikwai mehexeiyatɨ mekaniu'uwani. 'Uka mɨkaniwewekai 'atahutamexɨa kaniutiniweni, matsi yumɨireme yuniwema mɨwarexeiyakai kawarexeiyatɨ kanayani.

Kitsariyaxi 47:9

Yapauka, xeitukaritsie, naitɨ mɨkɨ 'ahetsie katinaye'amɨkɨ: 'aniwema pekaniwareuyehɨamɨkɨ meta wiura pekanayeimɨkɨ, mɨkɨ mekamenitimariutakuni, tsepa waɨkawa pemɨti'akewaiya meta kepemɨtiuyemate yɨkɨ pemɨtiyurienikɨ.

Hiwerika 1:1

Xɨa'ui, yuxaɨta puyuhayewaxɨ, kiekari meripaitɨ witsimɨ'anekai teɨteri warexeiyatɨ. 'Ukaratsi wiura hepaɨ pɨtiyuxexeiya, meripaitɨ mumariwekai yunaime nuiwarite watsata. Meripaitɨ wamaama mɨhɨkɨtɨkai. Hikɨri waɨriyarika ti'uximayatame pɨhɨkɨ wahetsiemieme.

'Etsekieri 5:12

Yayupaɨmetɨ hairieka tsiemieme kwiniyakɨ meta haakakɨ kaye'utɨma mekanikwikuni, hipatɨta hairieka tsiemiemete 'ixiparakɨ 'a'aurie mekanikwi'iwakuni, 'imatɨrieka memɨyuhayewatɨwe nauka 'ekayarikɨ nekaniwataxɨriexɨamɨkɨ. Ne ne'ixipara nekaniwatihanimɨkɨ, teɨteri nekaniwaranukuweiyamɨkɨ.

Hiwerika 4:10

'Ukarawetsixi 'aixɨa memɨte'u'iyarikai, yumamá mekaniuhɨniri yuniwematɨme mekaniwaruka'etsa. Yuniwema wahekɨ mekatenikwakaitɨni, kepauka Kerutsareme muka'unarietsie.

Keremiyaxi 44:27

Netsɨ nekaniwata'ɨwiyamɨkɨ 'axanemɨwayurienikɨ xeikɨa, hawaikɨ 'aixɨa nemɨwayurienikɨ. Haakaxakɨ meta kuyaxakɨ yunaitɨ Kura kiekatari 'Ekipitu memɨtama mekanitayunikuni.

Keremiyaxi 21:7

Mɨkɨ naitɨ ranuyeyayu, Tserekiyaxi Kura kwieyaritsie ti'aitame nekaniyetuamɨkɨ, meta yunaime memɨte'i'uximayatsiriekai meta teɨteri kemɨ'ane memɨtawikweni kwiniyakɨ, kuyaxatsata meta haakaxatsata —Yawé mɨpaɨ kanaineni—. Nekaniwayetuamɨkɨ Nawukurunutsuxi Wawiruniya kwieyaritsie ti'aitame hetsɨa, meta memɨxekuwautɨwe mexekwinike wahetsɨa. Nawukurunutsuxi kanixekwimɨkɨ 'ixiparakɨ kaxeheunenimayatɨ yɨkɨ katixeku'eriyatɨ”.

Keremiyaxi 6:4

«Xekeneuyukuha'aritɨa mɨkɨ temɨtamienikɨ. Tekanitamiekuni tuka haye'ayu. Peru, xɨa'ui tame, tukarikɨ pɨkareutere meta 'etɨriya 'apɨtewi tɨkarikɨ mieme.

Keremiyaxi 7:19

Yawé mɨpaɨ kanaineni: «Peru ne 'axamepɨkanetsiyurie, yuxaɨta mekaniyuyurieka, mekanitewiyatsitɨariekuni.

Keremiyaxi 19:7

'Ikɨ kwieyaritsie Kura kememɨteku'eriwakai meta Kerutsareme mɨpaɨ nepɨkatiwapitɨani, yanekatiniyurimɨkɨ 'ixiparakɨ memɨkwi'iwakɨ memɨwaraye'unie wahɨxie, tatsɨari kemɨ'ane memɨwarakumaweriyakekai wahetsɨa, wawaiyari nekanihayewamɨkɨ wirɨkɨxi wahetsiemieme meta yeutari, wa'ikwai mɨrayanikɨ.

Keremiyaxi 50:12

Peru xekwieyari tixaɨtɨ pɨkarayeitɨarieni, kemɨ'ane tukari mɨxe'upitɨa tewiyarika kanipitɨariemɨkɨ. Wawiruniya 'imatɨreme kanayeimɨkɨ, makuwaki, makumawe meta maku'ayepariya kanayeimɨkɨ.

'Etsekieri 5:13

Hikɨ nehaxɨa wahetsie puyuhayewa, kɨmana mepɨtihuxani, ne'iyari 'aixɨa kaniyɨmɨkɨ. Kepauka ne neha'atɨ nemɨtihayewa newaruweiyatɨ, mɨpaɨ mepɨtehetimani kename ne Yawé, mɨpaɨ nehaine.