Keremiyaxi 15:2 - Kakaɨyari Niukieya

² Xɨka mɨpaɨ memateha'iwawiyani: “¿Hakewa kuta tepeyehu?”, mɨpaɨ ketiniwarayemari'itɨa mɨpaɨ ne Yawé nemainekɨ: »“Kemɨ'anetsɨ memɨkwinikɨ memɨ'ayumiemete, meke'ukwini, kemɨ'ane 'ixiparakɨ memɨkwinikɨ memɨ'ayumiemete, 'ixiparakɨ meke'ukwini, haakakɨ memɨkwinikɨ memɨ'ayumiemete, haakakɨ meke'ukwini, kemɨ'ane memanuhapanienikɨ memɨ'ayumiemete mekehehapanieni”.

Keremiyaxi 15:2 ပူးပေါင်းရင်းမြစ်များ

Keremiyaxi 43:11

'Ekipitu kwieyaritsie kaninuamɨkɨ kanitamiemɨkɨ, 'ana hipatɨ mekanikwi'iwakuni, kemɨ'ane memɨkwi'iwakekai, hipatɨta 'ana mekananuhapaniekuni xeime kwieyaritsie, kemɨ'ane memanuhapanienikekai, hipatɨta 'ixiparakɨ memukwi'iwakekai, 'ixiparakɨ mekanikwi'iwakuni.

Tsakariyaxi 11:9

'Ayumieme mɨpaɨ nepɨtiwarutahɨawixɨ: «Neri xehɨweme nepɨkahayani. Kehate xemɨkwini tsepatsɨ xemukwi, kehate xemɨkwi'iwa, tsepa xemukwi'iwaxɨ, kemɨ'aneta memɨyuhayewa, tsepa memɨyutikwai».

Matsiɨkɨtɨ kemɨratɨa 13:10

Kemɨ'ane teɨteri 'ateewa paitɨ mɨwaranuhapani, mɨkɨta kananuhaniemɨkɨ 'ateewa paitɨ. Kemɨ'ane 'ixiparakɨ mɨtiyumemiwa, mɨkɨta 'ixiparakɨ kanimieriemɨkɨ. Mɨpaɨ metemaitɨ Kakaɨyari teɨterimama mepɨte'uka'eniwani yuri mete'erietɨ.

'Etsekieri 5:2

Kepauka maye'ani, kuyaxi tetsariyayari, mɨhaikatsie mieme xeime kiekari hixɨapa pepɨtataiya, xeimeta 'ixiparakɨ pekanitiximɨkɨ kiekari warita, 'imatɨrieka 'ekatsie pepita'enitsitɨani. Neta, ne'ixipara nepɨwatihana meta nepɨwaranukuweiya mana kiekatari.

'Etsekieri 5:12

Yayupaɨmetɨ hairieka tsiemieme kwiniyakɨ meta haakakɨ kaye'utɨma mekanikwikuni, hipatɨta hairieka tsiemiemete 'ixiparakɨ 'a'aurie mekanikwi'iwakuni, 'imatɨrieka memɨyuhayewatɨwe nauka 'ekayarikɨ nekaniwataxɨriexɨamɨkɨ. Ne ne'ixipara nekaniwatihanimɨkɨ, teɨteri nekaniwaranukuweiyamɨkɨ.

Keremiyaxi 14:12

Tsepa memuyuhakie, wahiwari nepɨka'enieni, tsepa mawari taiyariyari memɨnetsiwewirie meta hatsite mawariyari nepɨka'itanaki'erieni. Ne nepuwakwini yurikɨ, 'ixiparakɨ, haakakɨ meta kwiniyakɨ».

Kitsariyaxi 24:18

Kemɨ'ane muyuta'una mɨkɨ hiwari makatɨ putsu 'emeukatewata kaneukawemɨkɨ, kemɨ'ane meukatewata muwatiyani winiyaritsie kaniyɨhɨamɨkɨ, katineuyepiekari muyuawitsie kitenie 'etsimayeyeutsie neniereme, meta kwie tsutɨmeyari kaniwatayuaneniri.

'Amuxi 5:19

Mɨpaɨ katiniyɨmɨkɨ xewitɨ maye 'umakarɨmetɨ matsi hutse pɨta mitakwani hepaɨ, yatɨni xewitɨ nuame yukie yukitenie mɨrawiyakekai kuu hetsie mumei mikei hepaɨ.

Tanieri 9:12

»”'Ekɨ pepeye'atɨa kepemɨtarayemari'itɨa, tame meta tate'aitɨwamete, 'ekɨ tahetsie 'ikɨ 'uximatɨarika mɨmariwe pepɨ'atɨa. Hatsuaku 'ena kwiepa mɨpaɨ pɨkatiyɨwe Kerutsareme hetsiemieme kemɨtiuyɨ.

'Etsekieri 14:21

»Yawé naimekɨmɨyɨwe mɨpaɨ kanaineni: Matsi kwinimieme katiniyɨmɨkɨ kepauka Kerutsaremetsie nemenɨ'ani, nauka 'uximatɨarikayari mɨtiyumemiwa: kuyaxa, haakaxa, yeutari teyukwa'amete meta kwiniya. Mɨkɨkɨ nepɨwakwini mana kiekatari meta watewama.

Keremiyaxi 14:16

Meta teɨteri memɨte'utaxatɨarie Kerutsareme kayeyari 'utɨma menixɨrietɨkɨnikuni haakakɨ meta 'ixiparakɨ, pumaweni kemɨ'ane mɨkɨ mɨwakateuku, wa'ɨitama, waniwema 'ukitsi, meta waniwema 'ukari, mɨpaɨ nepɨtiwarakapitɨani ke'axamemɨte'uyurikɨ”.

Keremiyaxi 16:4

«Mekanikwikuni waɨkawame kwiniya 'axa'anenemekɨ. Xewitɨ pɨkayuhayewa mɨtatsuani wahetsiemieme meta mɨwakateukukɨ, kwiepa mekaniyuhayewakuni kwitarai hepaɨ. 'Ixipara meta haaka kaniwarakuxɨtɨamɨkɨ, wakaxari wirɨkɨxi meta yeutari wa'ikwai katinayeimɨkɨ».

Keremiyaxi 19:7

'Ikɨ kwieyaritsie Kura kememɨteku'eriwakai meta Kerutsareme mɨpaɨ nepɨkatiwapitɨani, yanekatiniyurimɨkɨ 'ixiparakɨ memɨkwi'iwakɨ memɨwaraye'unie wahɨxie, tatsɨari kemɨ'ane memɨwarakumaweriyakekai wahetsɨa, wawaiyari nekanihayewamɨkɨ wirɨkɨxi wahetsiemieme meta yeutari, wa'ikwai mɨrayanikɨ.

'Etsekieri 12:11

Mɨpaɨ ketiniwarutahɨawi: “Ne 'inɨari nekaniyɨaneni xehetsiemieme. Kenemɨtiuyuri, mɨpaɨ xekatenanuyekɨnikuni, xekananuhapaniekuni xepɨretsutsietɨ 'ateewa paitɨ”.

'Etsekieri 33:27

»'Ayumieme, mɨpaɨ ketiniwaraye'eritɨa Yawé naimekɨmɨyɨwe kename mɨpaɨ nehaine: “Ne yurikɨ nekanayeniereni, kemɨ'ane kii 'u'unimeta memayeteni 'ixiparakɨ mekanikwi'iwakuni, kemɨ'aneta yeuta memu'uwani yeutari mekaniwatikwaikuni, meta kemɨ'ane kii 'aixɨa rekukurarutɨiyariekameta memayeteni meta terɨta kwiniyakɨ mekanikwikuni.

Kitsariyaxi 10:4

Tawariri yɨkɨ memɨte'uyurieni mepɨkayɨwaweni tixaɨtɨ memɨkatehɨkɨ mekanayuyeitɨakuni xeikɨa memanuhapanieni wahamatɨa yatɨni mekanikwikuni hipatɨ memɨkwi'iwa wahamatɨa. Tsepanetɨ 'ikɨ naitɨ mɨyamɨtiɨyɨ, Kakaɨyari haxɨaya pukaheunuawe, matsi 'akuxi yumamá kanitatseratɨkani.