Keremiyaxi 14:9 - Kakaɨyari Niukieya

⁹ ¿Titayari petihɨxiya, kuya mɨkayɨwe mɨtiyutawikweitsitɨani hepaɨ? Yawé, 'ekɨ tahamatɨa pepuyeika, kepemɨtitewa mɨpaɨ tepɨtematiwa, pepɨkatatsi'uku'e'eiriwani.

Keremiyaxi 14:9 ပူးပေါင်းရင်းမြစ်များ

Kitsariyaxi 63:19

Wa'atɨtɨ hatsuaku pepɨkatatiuta'aitɨa tepɨ'ane, wa'atɨtɨ hatsuaku kepemɨtitewa temɨkate'uterɨwarieni hepaɨ.

Kitsariyaxi 59:1

Yawé tɨrɨkariyaya 'etsipɨkatewi mɨratawikweitsitɨanikɨ, meta mɨkaheu'ena pɨkahɨkɨ.

Keremiyaxi 15:16

Kepauka 'aniuki nemukaxexeiyakai, ne nepitikwa'akai, mɨkɨ pɨnetemawierikatɨkai meta ne'iyari pɨtemawierikayatɨkai, kepemɨtitewakɨ nehetsie nematsihexeiyakɨ, Yawé, Kakaɨyari Naimekɨmɨtɨrɨkaɨye.

Nɨawari 46:5

Mana Kakaɨyari kaniukani, kiekari hatsuaku pɨkahatiweni, kepauka mukahekɨkɨaretsie Kakaɨyari kaniwaparewiekamɨkɨ.

'Inɨatsie 11:23

Yawé Muitsexi mɨpaɨ katiniuta'eiya: —¿Kamɨtsɨ Yawé tɨrɨkariyaya reu'atɨka? Hikɨtsɨ pekaninierimɨkɨ, xɨka neniuki nehaye'atɨamɨkɨ yatɨ pɨtikatixaɨ.

Hepɨrayutsixi 13:5

Mɨpaɨ xeketeneu'uwani tumini xekahiwe'erietɨ, xekenenaki'aka xeheixeiyatɨ tita xemɨtehexeiya. Mɨkɨ kanihɨkɨtɨni kemɨ'ane mɨpaɨ mutayɨ: «Ne yemekɨ 'axaɨtame nepɨkamatsihayewani, nepɨkamatsiku'erieni hatsuaku».

2 Kurinitutari 6:16

¿Kakaɨyari tukitana kemetenake tetexi kakaɨyarixi? Pɨkayɨwetsietɨ. Tame Kakaɨyari mayeniere tukieya tekanihɨkɨtɨni, kemutayɨ Kakaɨyari: «Wahetsɨa nekaniukaimɨkɨ, watsata nekaniuyeikamɨkɨ. Wakakaɨyari nepɨhɨkɨtɨni, mɨkɨta neteɨterima mepɨhɨkɨtɨni». 'Ayumieme mɨpaɨta putayɨ:

Matsiɨkɨtɨ kemɨratɨa 21:3

Hikɨ niuki nekaniu'enieni 'uweni manuwe 'ayeneikame karima mɨpaɨ hetaineme: «Hikɨrixɨa Kakaɨyari yuteɨteri watsata kaniuyeikamɨkɨ. Wahamatɨa 'ukaitɨ kanayeimɨkɨ. Mɨkɨta teɨterimama mekanihɨkɨtɨkakuni, Kakaɨyaritɨtɨ wahamatɨa puyeikani meta pɨwakakaɨyaritɨni.

Tsakariyaxi 2:5

Hikɨ kiekari warita —Yawé mɨpaɨ paine— tai kuraruyari nepɨhɨkɨtɨni, meta kiekari taɨta nepitahɨniya waɨkawa 'aixɨa mɨti'anekɨ”.

Keremiyaxi 8:19

Neteɨterima waniwe 'uka hiwarieya pa'eniɨriɨkɨ 'ikɨ kwieyari manuye'atɨkatsie paitɨ: «¿Tamɨ Yawé Tsiyuni katitikie? ¿Tamɨ mana kati'aita?» «Yukakaɨyarixikɨ memɨnetsi'uyehaxɨatɨakɨ, kakaɨyarixi tixaɨtɨ memɨkateyunaki'erie meta memɨkawamatekɨ».

Kitsariyaxi 51:9

Kenanutanieri, Yawé tɨrɨkariyaya. Kenanutanieri, tɨrɨkariya kamixayari kenanakatɨki. Kenanutanieri meripaitɨ hepaɨ, meripaitɨ memu'uwakai wahepaɨ. ¿'Ekɨ pekatiuyuri Xahawi pemutaxite, meta hapa kiekame pemanuyetse?

Kitsariyaxi 12:6

Keneutakwikani meta keneutahiwani temawierikakɨ, Tsiyuni kiekatari, pumariwe yurikɨ, 'ahamatɨa 'uyeikatɨ, Mɨpatsie 'Ixaheri hetsiemieme».

Nɨawari 27:9

Pepɨkayu'awietaneni nehetsiemieme, 'ikɨ ti'a'uximayatsiriwame pepɨkahehɨpani pe'ihekatɨ, 'ekɨ netsiparewiwame pekanihɨkɨtɨni, nexaɨtame pepɨkanetsikuhayeikawani meta pepɨkanetsi'uku'e'eiriwani, Kakaɨyari netsiwikweitsitɨwame.

1 Tsamuheri 12:22

Yawé pinake memeitimanikɨ teɨteri yemekɨ, 'ayumieme yuteɨterima pɨkawarexɨrieni, matsi pɨta yuteɨterima pɨxe'ayeitɨa xeme 'aixɨa 'iyarikɨ.

Hutarieka 'inɨari 23:14

Karikɨ Yawé xekakaɨyari xemakutei kaniuyeikani xe'ɨwiyatɨ meta mɨxeyetuirienikɨ memɨxe'aye'unie. 'Ayumieme xemakutei pakupatsieka, xɨka mana xemakutei Kakaɨyari tiuxeiya mɨkatinake, pɨxeku'eirieni.

Nɨ'ariekate 15:17

teɨteri memɨyuhayewa Ti'aitame memukuwaunikɨ, yunaitɨ nuiwarite nemɨwaranayexei nehetsɨa memɨmiemetetɨnikɨ.

'Etsekieri 48:35

»Mɨkɨ kiekari kuraruyari 'atanauka miriyari (9.000) meturuyari pexeiyani. »Mɨkɨ tukaritsie kiekari mɨpaɨ pɨtitewaka: “'Ena Yawé pɨkiekame”».

'Awakuki 1:2

Yawé, ne'utahiwatɨ parewiya nepɨmatsiwawirie, peru 'ekɨ pepɨkanetsi'enie, ¿Kepaukakeri pepɨnetsihanu'enieni? Waɨkawamekɨ nepɨmatsiwawiriekai mukumawerekɨ ketemɨtenanaimarie, peru 'ekɨ 'atsipepɨkara'eriwa.

Hutarieka 'inɨari 28:10

Yunaitɨ nuiwarite kwiepa memɨtama mepɨxe'ayemakaka kepauka memɨxehetimani kename Yawé teɨrimama xehɨkɨ.

2 Kemɨtiuyɨ 7:14

xɨka neteɨterima, Yawé teɨterimama memɨte'uterɨwarɨwa, tixaɨtɨ xɨka mekatehayuyeitɨani meta xɨka meyutanenewieni, meta xɨka menetsi'anukuwauni, mete'uhayewa ke'axamemɨteyuriekai, ne muyuawitsie paitɨ nepɨwa'enieni, nekatiniwareuyehɨwiriemɨkɨ ke'axamemɨte'uyuri meta wakwie 'aixɨa nekaniyurimɨkɨ.

Nɨawari 10:1

¿Yawé, titayari 'ateewa paitɨ petiuyeika? ¿Titayari kepauka temɨte'uka'eniwatsie petiu'ati'awiwieta?

Kitsariyaxi 43:7

Yunaime xekeniwa'atɨa kemɨ'ane nehetsiemieme mematerɨwarɨwa, kemɨ'ane mɨnetsinɨawanikɨ nemitawewi, kemɨ'ane nemitawewi meta nemita'iwewaxɨ”».

Keremiyaxi 51:5

Tsepa 'Ixaheritsixi meta Kura kiekatari waɨkawa wahetsie mɨrahɨiwa Mɨpatsie 'Ixaheri hetsiemieme hɨxie, wakakaɨyari pɨkawaruku'eiri, Yawé Naimekɨmɨtɨrɨkaɨye.

Hiwerika 5:20

¿Ketitayarikuta 'aheyemekɨ petaratɨtɨmaiya? ¿Ketitayarikuta mɨixa tukari petatiuku'eiri?

Tsakariyaxi 8:3

»Mɨpaɨ kanaineni Yawé: »“Nepunuani tawarita Tsiyunitsie, meta Kerutsareme ne'ukaitɨ nepayani. Hikɨ Kerutsareme pɨmatiwani tita Yuri Mɨraine Kiekariyari, meta Yawé Naimekɨmɨtɨrɨkaɨye yemurieya Yemuri Mɨpatsie pɨtitewaka”.