Keremiyaxi 14:3 - Kakaɨyari Niukieya

³ Memɨxikutsixi yuteɨterima hanɨiyakɨ mekaniwanɨ'aka, mɨkɨ putsu matineniere mekanekɨkani, Peru haa mepɨka'ukaxexeiya. Meyutetewiyatɨ mehɨxiyatɨ, mekanakununuwani xarite 'uyewawakime me'uhapatɨ meta yumu'utsie meheutimetɨkaitɨ.

Keremiyaxi 14:3 ပူးပေါင်းရင်းမြစ်များ

2 Tsamuheri 15:30

Rawiri matsi, Huriwu hɨriyaritsie kaneutiyune 'utatsuatɨ, yumu'utsie 'anuyukanatɨ meta heumamawetɨ. Yaxeikɨata yunaitɨ keyupaɨmetɨ memeweiyakai yumu'utsie mekananuyukanaxɨani meta me'utitsuatɨ mekananutikɨne.

Nɨawari 40:14

Mekeheuyuyexɨrieni meke'uyutitetewiya, yunaitɨ kemɨ'ane memɨnetsimieku, mekeheuyuta'unaxɨani me'a'iwarieme, yunaitɨ kehate memɨtekuwautɨwe 'axamenetsiyurikutɨ,

2 Te'aitamete 18:31

»'Etsekiyaxi xepɨkaheu'enieka. Mɨpaɨ kanaineni 'Atsiriya kwieyaritsie ti'aitame: “Kayuwatɨ xemexeiyanikɨ yaxekeneutiyua nehetsɨa, meta xekeneyuyetua. 'Ana yukaxie xepukakwa'ani meta yuxapa, metatsiere haa yuputsuta mieme xepɨhareka,

'Amuxi 4:8

Hau'erietɨ mekaneu'uwakaitɨni tsepa kemɨ'ane kiekaritsie teɨteri haa mekuwautɨwetɨ, peru yaxeikɨa mepɨteheuharikukai. Mɨyatɨtɨ, xeme nehetsɨa xepɨka'u'axɨa —Yawé mɨpaɨ kanaineni—.

Keremiyaxi 2:13

»Pɨtihuta 'axamɨti'ane neteɨterima 'axakememɨte'uyuri: Mepɨnetsi'uku'eiri, haixa mayeniere muhane nehɨkɨtɨme, putsute pɨta haa mukatuariketɨka yɨkɨmana mepuyutiwewiriexɨa, putsute mɨtatari haa mɨkareuteteritɨwa.

Kuheri 1:20

Tewaxi yeutari mepɨmetsikuwautɨwe meteheuyehɨatɨ, wahaa 'akiitsie naitsarie mukawaxɨakɨ tai 'ɨxa mutitaiyaxɨkɨ 'ayeparitsie.

Keremiyaxi 20:11

Peru Yawé nehamatɨa kaniuyeikani yumemiwame kwinimieme mɨtiyɨwe hepaɨ, 'ayumieme memɨnetsi'uweiya mekana'iwariekuni mekapɨyɨwekaxɨani, yamepɨkateyurieni mekaniyutitetewiyakuni. Ke'axamemɨ'itɨarieni hatsuaku pɨkahatɨmaiyarieni.

Keremiyaxi 14:4

Kwiepa kaniutsinini, mɨka'ukawiwiyekɨ 'ikɨ kwieyaritsie. Mekaniyutetewiyani memuka'etsa, yumu'utsie meheutimetɨkaitɨ.

Nɨawari 109:29

Nehetsie memɨtehahɨpa meke'utewiyatsitɨarieni waɨkawa, meke'uyutitetewiya yemekɨ.

Kuwi 6:20

Yuri kememɨte'eriekai mekani'u'uxeni, kepauka mana memu'axɨa mepu'iyɨri.

'Etsitexi 6:12

Maxirukeyu kaninuani ti'aitame paratsiyu kitenie, 'Amani yukieta kanakunuani yumexɨitɨatɨ, nutuixietɨ heuyutinatɨ yɨhɨxie.

1 Te'aitamete 17:7

Peru mɨixa tukari 'anukayaku, mɨkɨ 'akiyaritsie haa kaniukawani, mɨixari mɨkakawiyewekaikɨ mɨkɨ kwieyaritsie.

2 Tsamuheri 19:4

Matsi ti'aitame, yɨhɨxie heuyukunatɨ pɨkatihayewakai karima mɨpaɨ tiuhiwatɨ: «Xɨa'ɨi, 'Awitsaruni, neniwe. Xɨa'ɨi 'Awitsaruni, neniwe, neniwe».

Keremiyaxi 2:37

Mana pekaniyeyeimɨkɨ 'akatutsitɨa peheukumetɨkaitɨ, karikɨ Yawé kaniwarexɨrieni kemɨ'ane wahetsie pemɨtiwiyakai, wahamatɨa 'aixɨa pepɨkatiyeyani.

Keremiyaxi 3:3

'Ayumieme pɨkawiyemɨkɨ, 'ayumieme taxarita mieme wiyeri pɨkanua. 'Ukaratsi tuminikɨ muyuwitɨnɨa hepaɨ pepɨti'akɨhɨawe, tewiyarika pepɨkamate.

Keremiyaxi 15:18

¿Titayari katihayewawe nekukuiniya? ¿Titayari katiyu'uayemarinɨa nekukuiniya? ¿Titayari katiyumɨkɨ? ¿Nehetsiemieme yakɨ haa manukatsukwaka pepɨhɨkɨtɨni haixa mɨkawani?

Hiwerika 4:4

Tɨɨri yemekɨ waɨkawamekɨ mepeuhariku, waneni 'ari puwawaki. Paa tɨɨri mekaniku'iwawani, peru neuxei nixewitɨ pɨkawamimɨkɨ.

'Utseyaxi 2:3

Ya mɨpaɨ pɨkatiuyuri, ne naime nekatininawairiemɨkɨ, ke'anetɨ mutinuiwaxɨ mɨpaɨ 'anekame nekanihayewamɨkɨ. Makuwakitsie nekanihɨamɨkɨ. Kwiepa tixaɨtɨ mɨkaraxuawe nenihayewamɨkɨ, yeharimɨnetɨ kanimɨmɨkɨ.

Tsakariyaxi 14:17

Xɨka xewitɨ kiekari kaheuyani Kerutsareme Ti'aitame hɨxie ka'ukatunumakeni, Yawé Naimekɨmɨtɨrɨkaɨye hɨxie, mɨkɨ kiekaritsie pɨkahekawiye.

'Amuxi 4:7

»Ne yanepɨtiuyuri mɨkakawiyekɨ kepauka meuyewekai 'akuxi haika metseri mɨtika'itsanatɨtsie. Xeime kiekariyaritsie pukawiyexɨ, xaɨtsieta hawaikɨ, xeime 'etsarita xeikɨa pukawiyexɨ, xaɨtsie pɨka'ukawiyexɨ, 'ayumieme pɨtiutiwa.