Keremiyaxi 12:9 - Kakaɨyari Niukieya

⁹ Nehetsiemieme neteɨterima wiki witsimeu'ane hepaɨ nepɨtiwaxeiyakai memimietɨwe wirɨkɨxi. Xekenehu, xekeniwarukuxeɨri yunaime yeutari. Xekeniwa'atɨa memitakwanikɨ.

Keremiyaxi 12:9 ပူးပေါင်းရင်းမြစ်များ

Kitsariyaxi 56:9

Yeutari meta teyukwa'amete 'ɨtsita miemete, xeyunaitɨ xekenakɨni xeketeniwarutikwa'i.

Keremiyaxi 7:33

'Ikɨ teɨteri wawaiyari wirɨkɨxi wa'ikwai pɨrayani meta yeutari, xewitɨ 'apɨka'uyeikani mɨwatamariutakɨ.

2 Te'aitamete 24:2

Hikɨ 'ayumieme Yawé kaniwarenɨ'ani Kuhatsimi hetsɨa kuyaxi tenawayamete wawiruniyutsixi, tsiriyutsixi, muhawitsixi, 'amunitsixi. Kaniwarenɨ'ani Kura kwieyaritsie mana naime memɨte'akuxɨtɨanikɨ, Kakaɨyari niukametemama kememutiyua Yawé yahainekaku.

Matsiɨkɨtɨ kemɨratɨa 17:16

Tamamata 'awate pemuxei, meta yeutanaka, mɨkɨ 'ukaratsi tuminikɨ mɨyumayɨinɨa mekanitixani'erikuni. Yuxaɨtame mekaniku'eirikuni meta heumaweme, waiyarieya mekanitakwaikuni, meta mekanitataiyakuni.

Keremiyaxi 15:3

»Ne neniwaranunɨ'airiemɨkɨ naukame 'uximatɨarika —Yawé mɨpaɨ kanaineni—: 'ixipara mɨtiyumemiwa, tsɨikɨri memɨwatahapaxɨanikɨ, wirɨkɨxi memɨwatitutsenikɨ meta yeutari naimeri memɨwatikwanikɨ.

Keremiyaxi 2:15

Mayetsi meputitsua hetsiena mieme, mepuyutihaxɨatɨa karima hetsiena mieme. Kwieya yuxaɨtame puyuhayewaxɨ, kiekariteya naitɨ putitaiyarie, nixewitɨri mana pɨka'uka.

Keremiyaxi 34:20

neniwayetuamɨkɨ memɨwaraye'unie wahetsɨa, memuwakuwautɨwe memɨwakwinikɨ, wakaxari wirɨkɨxi meta yeutari teyukwa'amete wa'ikwai katinayeimɨkɨ.

Hiwerika 1:17

Tsiyuni pahiwa parewiya ha'iwawatɨ, peru pumawe xewitɨ minɨtɨanikɨ. Yawé mɨpaɨ tiuta'aitaku Kakuwu 'aurie mematetɨkatei hikɨ mepeye'unie, hikɨ Kerutsareme kanihɨkɨtɨni xatsi xeikɨa meta mɨka'itiya.

Kitsariyaxi 2:11

Kwinimieme mɨtiyuta'ɨre hɨxiteya tixaɨtɨ pɨkarayeitɨarieni teɨteri kememɨteyuti'ɨre kanititunariexɨariemɨkɨ. 'Iya tukaritsie Yawé xeikɨa 'aixɨa katinikuxaxatsiwamɨkɨ.

Kitsariyaxi 2:12

Yawé Naimekɨmɨtɨrɨkaɨye xeime tukaritsie kanayenemɨkɨ yunaitɨ memuyuti'ɨre meta mamariwaweme memayuyeitɨwa wahepaɨtsita, yunaime memuyuti'ukita wahepaɨtsita, tixaɨtɨ mekatehɨkɨtɨme mɨwarayeitɨanikɨ,

'Etsekieri 34:5

'Ayumieme muxatsi mepeutaxuriexɨa: wahɨweme meuyewetsekɨ. 'Ayumieme teyukwa'amete watsata mekaniu'uwani.