Keremiyaxi 12:3 - Kakaɨyari Niukieya

³ Yawé, 'ekɨ ne pepɨnetsimate, 'ekɨ pepɨnetsixeiya meta pepɨtimate kenemɨtinewaɨriya 'ahetsiemieme. Keniwaranuhapani, muxatsi memɨkwi'iwa wahepaɨ, keniwaranuyeteɨxi 'iya tukaritsie memɨkwi'iwakɨ.

Keremiyaxi 12:3 ပူးပေါင်းရင်းမြစ်များ

Keremiyaxi 17:18

Tewiyarika pepɨkanetsipitɨaka, mɨkɨ pɨta keniwarutewiyarikatsitɨa. Pepɨkanetsimariutani, mɨkɨ pɨta keniwamariutani. Tukari kwaniweme keniwaranɨ'airi, tsepari keniwaruka'una yuheyemekɨ.

2 Te'aitamete 20:3

«Yawé, kenena'eriwani ne yanepɨtikamiekai 'aixɨa 'anemekɨ 'ahepaɨtsita, meta ne'iyarikɨ 'aixɨa netiyukɨhɨawetɨ, meta yanepɨtiuyuri kemɨmatinake». Hikɨ 'ana 'Etsekiyaxi kaniutitsuani waɨkawa yuhiwerietɨ.

Tsatiyaku 5:5

Xemeri xete'ukahiwe'erietɨ xeikɨa kwiepa xepu'uwakai, kemɨxetinake xeikɨa xepɨteyuriekai. Xepɨyuwaiyatɨakai xeikɨa xemɨkwi'iwakɨ.

Nɨawari 17:3

'Ekɨ ne'iyari pepɨmate, 'ekɨ tɨkarikɨ pepɨnetsixeiya, tsiparatsɨ keneneuta'inɨata, nehetsie 'axamɨ'ane pepɨkakaxeiya. Ne 'axanepɨkatayɨni

Keremiyaxi 50:27

Watsikerutsixi yunaime xekeniwarukuya. Hakewa memetikwikwiwa mana xekeniwaranuhapani. Xɨa'ui nepaine wahetsiemieme, watukari maye'akɨ, kepauka memɨtekwinitɨarienitsie.

Nɨawari 139:23

Kakaɨyari, ne'iyari keneuxeiya, keneneuta'inɨata kenemɨtiyɨkɨhɨawe.

Nɨawari 26:1

Yawé, heitseriemekɨ ketineuyuri nehetsiemieme, ne 'aixɨa nepɨtiuyeika, Yawé, 'ahetsie nepɨtiwiya nekahekawaɨtsetɨ.

Wani 21:17

Hairiekari Ketsutsi mɨpaɨ katinitahɨawe: —Tsimuni 'aku, Wani nu'aya, ¿penetinaki'erie? Pekuru kaniyuhiweriekaitɨni hairieka «¿Penetinaki'erie?» mɨtitahɨawixɨkɨ. 'Ayumieme mɨpaɨ katinitahɨawe: —Ti'aitame, 'ekɨ naime pekatinimaika, pepɨtimate nemɨmatsinaki'eriekɨ. Ketsutsi mɨpaɨ katinitahɨawe: —Nemuxatsima ketiniwarumikwa.

Keremiyaxi 51:4

Wawiruniyutsixi yukwieyaritsie mekanikaxɨrikuni, kaye'utɨma 'ixiparakɨ mekananuyetsekiexɨakuni.

Keremiyaxi 48:15

Muhawi kanika'unariemɨkɨ meta kiekariteya, —mɨpaɨ kanaineni Ti'aitame, Yawé Naimekɨmɨtɨrɨkaɨye mɨtitewa—: Mana kiekatari temari 'aixɨa memɨ'anene mekanikwi'iwakuni.

Keremiyaxi 20:12

Yawé Naimekɨpemɨtɨrɨkaɨye, 'ekɨ 'aixɨa mɨtiuka'iyari pemɨmate, tewi kemɨtiyu'iyaritɨa kemɨtiku'eriwa pemi'enie, keneneuxeitsitɨa kepemɨtiwarakapitɨani, 'ahetsɨari nekaniwayetuani kememɨnetsiyurie.

Nɨawari 11:5

Yawé kaniwaxeiyani kememɨteyurie 'aixɨa memɨte'u'iyari meta 'axateyuruwamete, kaniwa'uxiwe'erieka kemɨ'ane memɨteyukananaima.

Nɨawari 7:9

Kakaɨyari heitserie pemexeiya, 'ekɨ pemɨtimate wa'iyari kemɨtiku'eriwa, ketineukumaweriya 'axateyuruwamete ke'axamemɨteyurie keneparewieka heitserie mexeiya.

Kuwi 23:10

Matsi mɨkɨ, nehuye naime pakumate, xɨka netsi'uta'inɨatake, ne huru 'aixɨa mɨ'ane hepaɨ ne'anetɨ nepayeiwe.

1 Kemɨtiuyɨ 29:17

Nekakaɨyari 'aku, ne nepɨtimate 'ekɨ 'iyarite pepɨxeiya kemɨtiku'eriwa meta pepinaki'erie tita mɨtiheitserie. 'Ayumieme ne'iyari heitseriekaku nematiyetuiri 'ikɨ naime piinite, meta nepɨwaruxei 'ateɨterima meyutemamawietɨ kememɨte'iyetua yumawari kememɨteyuwaɨriya.

2 Pekuru 2:12

Mɨkɨ tatewama memɨkate'u'iyari wahepaɨ me'anenetɨ, yɨkɨmana xeikɨa mepɨte'u'iyari, mepɨtinunuiwa memɨtiwiyarienikɨ memɨkwi'iwakɨ xeikɨa, mɨkɨ 'axame'utiyuatɨ mepitsewixima tita 'atsimemɨkatemate hepaɨtsita. Merikɨte, tatewama wahepaɨ mepɨtatɨmaiyarieni mɨkɨ.

Keremiyaxi 15:15

Yawé, 'ekɨ pepɨtimate. Kenena'eriwani, kenene'ɨwiyani. Memɨnetsi'uweiya ketiniwarakapitɨa. Wahepaɨtsita kepemɨtiukanewiekɨ, pepɨkanetsipitɨaka nemɨka'unarienikɨ, 'ahetsiemieme neuxei nepɨtiuka'eniwa.

Keremiyaxi 17:16

Peru ne nepɨkanemexɨitɨa nemɨmatsiku'eirienikɨ meta muxatsi wahɨweme 'ahetsiemieme nehɨkɨtɨtɨ netihayewake, meta yanepɨkara'eriwa 'uximatɨarika tukariyari 'umamienikɨ. 'Ekɨ pepɨtimate kenemutaine, 'ahɨxietsɨ nekaniutayɨni.