Keremiyaxi 11:7 - Kakaɨyari Niukieya

⁷ Kepauka paitɨ xe'ukiyarima 'Ekipitu nemɨwarayewitɨ hikɨ 'akuxi, nepɨkatihayewawe mɨpaɨ netixekɨhɨawetɨ: ‘Xekeneneu'enieka’.

Keremiyaxi 11:7 ပူးပေါင်းရင်းမြစ်များ

2 Kemɨtiuyɨ 36:15

Waɨkawa wanaki'erietɨ yuteɨterima meta yutuki hakewa mayeka, Yawé, wa'ukiyarima wakakaɨyari, waɨkawamexɨa pɨwarenɨ'a yuniukamete memɨwarayehɨtɨanikɨ.

'Epetsutari 4:17

'Ayumieme 'ipaɨ nepaine, Ti'aitame hetsie netiwiyatɨ 'ipaɨ nepɨtihekɨata. Xepɨka'u'uwani hipatɨ kememɨyɨa memɨkatateɨterima. Yakɨ xeikɨa mekateniku'eriwani mɨkɨ,

1 Tsamuheri 8:9

Merikɨte keniwaranu'eni kememaitɨka, peru keniwarayemari'itɨa hahekɨakamekɨ kemɨtiyurieni mɨkɨ ti'aitame wahetsie tɨrɨkaɨyemekɨ».

Memeyekɨ 15:26

Mɨpaɨ katiniwarutahɨawe: «Netsɨ Yawé xekakaɨyari nekanihɨkɨtɨni. Xɨka neniuki xe'enietɨ yaxetekahuni heitseriemekɨ, xɨka 'inɨari niukiyaritsie yaxetekahuni kemɨreuyewetse meta ne'aitsikatsie, ne hatsuaku kwiniya nepɨkahanɨ'ani xehetsie, 'ekipitutsie kenemɨtiuyuri. Netsɨ Yawé nekanihɨkɨtɨni, hatsuaku kwiniya xehetsie pɨkatinake».

2 Tetsarunikatari 3:12

Mɨpaɨ tepɨtewa'aitɨa mɨkɨ mɨpaɨ memɨ'anene, Ti'aitame Ketsutsi Kɨritsitu hetsɨa temɨmiemetekɨ mɨpaɨ tepɨtewatuika, kayuwatɨ metitetɨ mete'uximayatɨ yu'ikwai memɨtekwanikɨ.

Keremiyaxi 35:15

Yaxeikɨata, nepɨkatihayewa nexehenɨ'airiwatɨ memɨnete'uximayatsirie neniukametema, mɨpaɨ nemɨxetitahɨawekɨ: ‘Huye 'axamɨ'ane xekeneuhayewari, xekeneyumanetsikitɨa kexemɨteyuriekɨ meta hipameri kakaɨyarixi xepɨkawaruweiyani xemɨtewa'uximayatsiriekakɨ. Mɨpaɨ 'ana xeniu'uwakuni kwie nemɨxeyetuiritsie meta xetutsima nemuwayetuiriekaitsie’. Peru xeme xepɨkanetsi'eniwawe, kenemaine yaxepɨkatekakɨniwawe.

Keremiyaxi 25:4

»Meta mɨixamexɨa Yawé Kakaɨyari niukametemama yɨnɨ'arima kanixeheyenɨ'airieni, peru xeme xepɨkawa'enie xepɨkawa'eniku.

Keremiyaxi 11:4

ne netiwaraka'utɨirieka xe'ukiyarima kepauka nemɨwarayewitɨtsie 'Ekipitu, mɨkɨ huxunu tepɨa muwatitaiyarɨwata”. Mɨpaɨ nekatiniwarutahɨawe: “Xekenenanu'eni meta yaxeketenekakɨni kenemɨtixe'aka'utɨiri, hikɨ 'ana xeme neteɨterima xepakɨne neta xekakaɨyari nepɨhɨkɨtɨni.

Keremiyaxi 7:13

Yawé mɨpaɨ kanaineni: «“Hikɨta yaxeikɨa xeme xepɨteyurie, meta yaxeikɨa mɨixari nepɨxe'utahɨawixɨ xemeta xepɨkaheu'enana, hikɨta nemɨxe'utahɨawixɨ xemɨkanetsi'anu'enikɨ,

Hutarieka 'inɨari 30:20

Yawé yukakaɨyari xekenenaki'erieka, yaxeketenekahuni kemaine, hetsiena xeketenewiyani, mɨkɨ hetsie katiniwiyani 'atukari, meta mɨkɨ hetsie xeikɨa petiwiyatɨ mɨixa pepuyurieni mɨkɨ kwieyaritsie xetutsima 'Apɨrahami, 'Itsahaki meta Kakuwu mɨwaruxatɨatsie».

Hutarieka 'inɨari 12:32

»Neuxei 'amarima 'aixɨa naimetsie yaketinekaye'a kenemɨmati'aitɨa hikɨ, tawarita peka'enutiyayatsatɨ meta peka'enakaxɨrɨwatɨ.

Hutarieka 'inɨari 8:6

Xekenaye'atɨaka naime Yawé 'akakaɨyari 'aitsikaya kemaine, xe'eyemakatɨ huyeya xekeneuweiyani.

Hutarieka 'inɨari 6:2

kepemɨreutere pe'uyeikatɨ 'ekɨ 'aniwema meta 'ateukarima pepeyexeiyani Yawé 'akakaɨyari naime 'inɨari niukiyaritsie yaxetekahutɨ meta 'aitsika waɨkawa nemɨmatsiyetuirie, mɨixa wiyari 'apemuyeikanikɨ.

Hutarieka 'inɨari 5:29

Heiwatɨ wa'iyari yemekɨ yuwaɨririyani memɨnetsi'ayemakaxenikɨ meta memeye'atɨakakɨ naime ne'aitsika, mɨpaɨ mɨkɨ meta waniwema yuheyemekɨ 'aixɨa 'iyari memu'uwanikɨ.

Hutarieka 'inɨari 4:6

Xekenaye'atɨaka meta yaxeketeneu'uwani, mɨpaɨ 'ana xepɨtematsiɨkɨre kename xete'uyemate xetemaiwawe hipame nuiwarite wahɨxie. Mɨkɨ mepitamarieni naime 'ikɨ 'inɨari niukiyari, hikɨ 'ana mɨpaɨ mepɨtiyuani: “Yurikɨ, 'ikɨ teɨteri mepɨte'akumate meta mepɨtemaiwawe, 'ikɨ nuiwari memɨmariwe mepɨhɨkɨ”.

Keremiyaxi 25:3

«Tamamata heimana haika wiyari Kutsiyaxi 'Amuni nu'aya ti'aitakaku Kura kwieyaritsie, 'ana paitɨtɨ 'atsita hikɨ —kananuyemieniri xeitewiyari heimana haika wiyari—, Yawé kanetinikuxaxatɨwani, neta waɨkawamexɨa 'ari nekatinixe'utaxatɨani, xeme peru xepɨkanetsihanu'eniwawe.

Keremiyaxi 31:32

Tɨratu kenemɨtiuwewi wa'ukiyarima wahamatɨa mɨpaɨ pɨka'aneni, kepauka 'Ekipitu nemɨwarayewitɨ mɨkɨ yamepɨkatekakɨ, tsepa ne wakɨna nemɨhɨkɨtɨkai —Yawé mɨpaɨ kanaineni—.

Keremiyaxi 35:14

Kunarawi xiɨyarimama Xekawi nu'aya yamekatenikahuni kename winu meka'iekakekai memɨtehahɨawarɨwakaikɨ, hikɨ 'akuxi mepɨka'iye'e karikɨ mekanei'enieka watutsi kemɨtiwaru'aitɨa. Xeme matsi mɨixa yanetixekɨhɨawekakutɨtɨ, yaxepɨkatekakɨniwawe.

Tsakariyaxi 1:4

»”Xetutsima kememɨ'anenekai wahepaɨ xepɨka'aneneni, mɨpaɨ memɨtewakuxaxatɨwakai Kakaɨyari niukametemama meripai miemetexi, mɨpaɨ kanaineni Yawé Naimekɨmɨtɨrɨkaɨye: ‘'Axaxete'u'iyaritɨ xeketeneuhayewa meta 'axaxeteyurietɨ.’ Merikɨte kenemainekai mɨkɨ yamepɨkatekakɨ meta mepɨkanetsi'u'eni —mɨpaɨ kanaineni Yawé—.

2 Te'aitamete 17:13

'Ayumieme Yawé 'Ixaheri kwieyaritsie kiekatari meta Kura kwieyaritsie kiekatari mɨpaɨ katiniwarayehɨtɨani yuniukamete meta memɨtaneniere Kakaɨyari hetsie timiemekɨ: «Xeketeneuhayewa 'axaxeteyurietɨ. Ne'aitsikate xekenaye'atɨaka meta kenemutayɨ, metatsiere naime ne'inɨari niukiyaritsie yaxeketenekahuni kenemɨtiwaruta'aitɨa xe'ukiyarima, meta xeme nemɨxeyetuiri neniukamete yametexekɨhɨawekaku».

Keremiyaxi 32:23

Peru kepauka 'ena memu'axɨa meta yukwie memayeitɨanikɨ, mepɨkametsi'anu'eni, 'a'inɨari niukiyaritsie yamepɨkatekakɨ meta kepemɨtiwaru'aitɨakai. 'Ayumieme 'ikɨ 'uximatɨarika pepɨwarupitɨa.

Keremiyaxi 34:14

'atahuta wiyari 'anuyeyeikakaku mepɨwakuhayeikawanikekai hepɨrayutsixi kemɨ'ane yɨkɨmana muyutuani xeime hetsɨa. 'Ataxewime wiyari waɨriyarika tita'uximayatayu 'ana mekaniwarutatuayanikekaitɨni. Peru xetutsima mepɨka'anu'enana yamepɨkatekakɨ.

'Utseyaxi 4:1

Xekeneu'enana 'ixaheritsixi, Yawé niukieya xekeneu'eni, 'ari Yawé yuxanetsika kanitsutɨamɨkɨ mɨkɨ mana kiekatari wahetsie: «Neteɨterima wahetsie pumawe 'aixɨa mɨti'ane meta naki'eriya mepɨkahexeiya, meta Kakaɨyari mepɨkamate.

'Utseyaxi 5:1

»'Ikɨ niuki xekeneu'eni xeme mawari wewiwamete. Xekeneu'enana 'ixaheritsixi. Xekene'enanaka ti'aitame nuiwarimama. Xehetsie pɨmieme kexemɨte'anutaxɨriyani. Mitsipa kiekariyaritsie xeme xekateni'irɨwiyarieka, Tawuxi hɨriyaritsie winiyari 'amɨtewi xekaniutawieka.