Keremiyaxi 10:9 - Kakaɨyari Niukieya

⁹ Taritsi paitɨ patɨwa pɨrata 'etsimutsutsui, meta 'Upatsi huru patɨwa. Memɨkakakaɨyarixi wa'ɨkiyari, mɨtataɨrawi meta mɨxeta memanakatɨtɨka, teɨteri tewewiwamete meta tepɨa kwaniyamete mɨkɨ yunaitɨ wawewiya mepɨhɨkɨ.

Keremiyaxi 10:9 ပူးပေါင်းရင်းမြစ်များ

Nɨawari 115:4

Peru mɨkɨ nuiwarite memɨwarayexeiya kakaɨyarixi huru meta pɨrata mekanihɨkɨtɨni, teɨteri wawewiya.

Tanieri 10:5

mɨpaɨ nekatiniuniere, xeime tewi rinu 'ixurikiyari 'anakatɨkɨme nekaniuxeiya, huru hɨiyameyarikɨ waɨkawa matsi 'aixɨa mɨ'anekɨ 'ayɨhɨakame.

Kitsariyaxi 40:19

Tiwewiwame kakaɨyaritɨme kanitawewimɨkɨ, hurukɨ tiwewiwame huru pikawiriwa meta pɨrata kukayari pitiwewiriwa.

1 Te'aitamete 10:22

Haika wiyari 'anuyeyeikakaku, ti'aitame Tsarumuni kanuwaya 'amupa meixeiyakai haramaratsie meta Hirami kanuwaya 'amupa matɨa, mɨkɨ Taritsi kananeikakaitɨni huru 'atɨtɨ, pɨrata meta maripixi tatsɨari 'erepanite 'awateya, hutseri meta 'aruxi witsimemɨ'anene.

'Etsekieri 27:12

Pɨtimɨirekai kepemɨrexeiyakai Taritsi 'ahamatɨa ti'uximayakaku. Pemɨtituiriekaikɨ mɨkɨ pɨmatsixatɨakai pɨrata, tepɨa, 'etsitaniyu meta tepɨa mahete.

Nɨawari 72:10

Taritsi kwieyaritsie te'aitamete meketeyutuaka meta haramara tetsita 'anutaɨye te'aitamete mekete'i'atɨiriwani Tsawani meta Tsewa kiekatari.

Kitsariyaxi 23:6

Taritsi xekeneuyekɨni, haramara tetsita kiekatari, xekeneutitsuanani.

'Etsekieri 27:7

Rinu 'ixurikiyari 'Ekipitu mieme mɨtixutɨkakɨ 'eka kwekwewiwame meputiwewi, mɨkɨkɨ 'apatera pepayeitɨa. Haramara tetsita 'Eritsaha kwieyaritsie mieme, 'ixuriki mɨyɨtsikimaɨye meta mɨxeta pɨ'atɨarie 'akiitsie meuwɨre.

Kunatsi 1:3

Hikɨ Kunatsi kanayeyani peru yuta'unake pɨta 'Itsipaniya paitɨ, Yawé hɨxie mɨka'uyeikanikɨ tewapɨta muyeikanikɨ. Kupe mɨtiyetewatsie kaninuani, muwa nawiya kaniyemieximekaitɨni Taritsi reyetewakaku 'erietɨ. Tiuyutuaka mana kanikayerɨni mɨkɨ kiekaritsie memeukɨnekai wahamatɨa, puyu'unarɨmekai Yawé ti'aitɨakaku.

'Awakuki 2:19

Xɨa'ui kemɨ'ane kɨye mɨpaɨ mɨtikɨhɨawe: “Kenanutanieri”, meta tete mɨkaniuwe: “Kenanukukexi”. Tsepanetɨ huru meta pɨrata memɨkawiriyarietɨka, tixaɨtɨ memɨxete'uta'ɨkitɨani mepɨkayɨwawe, memɨkahayeyuyurikɨ.

2 Kemɨtiuyɨ 9:21

Haika wiyari 'anuyeyeikakaku, ti'aitame Tsarumuni kanuwateya 'amupapa meixeiyakai Hirami teɨterimama memikunɨ'atɨwekai, mɨkɨ Taritsi kaneyekɨkakaitɨni huru 'utɨtɨ, pɨrata meta maripiri tatsɨari 'erepanite 'awateya, hutseri memawɨriwawe meta 'aruxi witsimemɨ'anene.

'Utseyaxi 8:6

Neuxei keneu'ena 'Ixaheri: Mɨkɨ tsikeru Kakaɨyari pɨkahɨkɨ, mɨkɨ tewi pɨwewiyaya. Mɨkɨ tsikeru Tsamariya mieme kanitatarariemɨkɨ.