Keremiyaxi 10:8 - Kakaɨyari Niukieya

⁸ Yunaitɨ mepɨka'u'iyari 'axamemɨteyurienikɨ xeikɨa pɨwanake, kɨyexi kakaɨyarixiyari 'ɨxatsitamete mepɨhɨkɨ wahetsiemieme.

Keremiyaxi 10:8 ပူးပေါင်းရင်းမြစ်များ

Tsakariyaxi 10:2

Kakaɨyarixi memɨwewiyatɨka 'itarikakɨ mepɨtekuxata, temaiwawemete 'itarika mepɨteheinɨtsa, mepɨtekuxata 'itarikakɨ kememɨtenieritɨarie meta kememɨteyɨnɨtɨwa pɨtiyakɨ. 'Ayumieme xeme xepeuyexɨrie muxatsi memɨkatehekakutsiyari wahepaɨ.

Keremiyaxi 10:14

Teɨteri 'atsimemɨkatemate meta memɨte'ukatawe'erie mepɨhɨkɨ, kakaɨyarixi wawewiwamete mepuyutetewiya yuwewiyakɨ. Tita memɨtewewie pɨti'itarika, meta mepɨka'ayeneniere.

'Awakuki 2:18

»¿Tita tiyunaki'erie kakaɨyari mɨwewiya, kemɨ'ane mitawewi tewi kɨyekɨ tiwewiwame xɨka hɨkɨtɨni? ¿Tita tiyunaki'erie kakaɨyari mukwaxiyarie, 'itarika xeikɨa mɨti'ɨkita? Tiwewiwame kakaɨyarixi mɨwawewie mekaniuwaweme mɨkɨ xeikɨa yuri katini'erieka yuwewiyatsie.

Kitsariyaxi 44:19

Memɨtemaika meta memɨtemaiwaweni pɨwareuyehɨwa, mepɨkayu'iyaritɨa meta mɨpaɨ mɨtayɨni mepɨkayɨwawe: «Kɨye hixɨapa 'akamekɨ nepatinai, papa nekaniuta'ɨariya tɨɨtsie, wai ne'utawarɨkaka nepitakwai. ¿Kamɨtsɨ netiyɨwe tixaɨtɨ tixani'eriwame nemayeitɨani kɨyexi mana mɨtihekɨ? ¿Kɨye yatewime hɨxie netititunumakeni?»

Kitsariyaxi 41:29

Mɨkɨ yunaitɨ te'itawamete mepɨhɨkɨ. Kememɨteyurie tixaɨtɨ pɨkatihɨkɨ, wakakaɨyarixi 'eka xeikɨa mepɨhɨkɨ, teyu'uximatɨwamete.

Nɨawari 135:18

Kemɨ'ane memɨwatiwewiwa, mɨkɨ wahepaɨ mepɨ'anene, meta yunaitɨ kemɨ'ane wahetsie yuri memɨte'erie.

Nɨawari 115:8

Kemɨ'ane memɨwatiwewiwa, mɨkɨ wahepaɨ mepɨ'anene, metatsiere yunaitɨ yuri memɨte'erie wahetsie.

Keremiyaxi 4:22

«Neteɨterima mepɨka'u'iyari, mepɨkanetsimate, tɨɨri 'atsimemɨkatemate mepɨhɨkɨ memɨkatemaiwawe. Kwinimieme mepanayeyɨne 'axamemɨteyurienikɨ, 'aixɨa memɨteyurienikɨ mepɨkamate».

Keremiyaxi 2:27

Kɨye yatewime mɨpaɨ xepɨtekɨhɨawe: “'Ekɨ pepɨnepaapa”, meta xeime tete mɨpaɨ xepɨtehahɨawe: “'Ekɨ pepɨnetsi'utinuiwitɨa”. Xepɨnetsi'uwarixiwiyaxɨ, xepɨkanetsixeiyaku. Peru xehetsie 'uximatɨarika munuanitsie mɨpaɨ xepɨnetekɨhɨawe: “Kenanukukexi meta ketaneutawikweitsitɨa”.

'Utseyaxi 4:12

Neteɨterima kɨye kakaɨyariyari xeikɨa mepayexeiya, mɨkɨ kuta kɨye tiwaku'eiya, mepɨkayumaiwawe hipame 'ukarawetsixi wahamatɨa mehitɨwetɨ xeikɨa mepauyexɨrie, yukakaɨyari mepuku'eiri mɨyameyɨatɨ.

Kitsariyaxi 44:18

'Atsimepɨkatemate, tixaɨtɨ 'atsimepɨkatehetimaitɨkɨka, wahɨxite peukutsiku, mepɨkaneniere, mepɨkatemaiwawe, mepɨkaheiti'enietɨkɨka.

Keremiyaxi 3:9

»'Ixaheri mɨkatiuhayewaxɨkɨ hipame wahamatɨa hunetɨ, kwie ka'itiyakame kanayeitɨani meta kemɨ'ane mɨkayɨkɨna mukumaɨwa kanayuyeitɨani tete meta kɨye kakaɨyarixiyari muwarayexeiyakaikɨ.

Keremiyaxi 5:4

Hikɨ mɨpaɨ nepɨtiu'eri: «Mɨpaɨ pɨ'ane hawerimɨ'ane, memɨka'u'iyarini wahepaɨ mepɨte'u'uwa, memɨka'imatekɨ Yawé huyeya meta yukakaɨyari 'aitsikateya.

Kunatsi 2:8

»Tetexi kakaɨyarixiyari memɨwarayexeiya 'anaki'eriya mepɨku'eiri.