Keremiyaxi 10:6 - Kakaɨyari Niukieya

⁶ Yawé, xewitɨ pumawe 'ahepaɨ 'anetɨ. Pepɨmariwe 'ekɨ, 'ekɨ yemekɨ pepɨmariwe meta pepɨtɨrɨkaɨye.

Keremiyaxi 10:6 ပူးပေါင်းရင်းမြစ်များ

Memeyekɨ 15:11

Yawé, xewitɨ pumawe kakaɨyarixi watsata 'ahepaɨ 'anetɨ. Xewitɨ pumawe 'ahepaɨ timariwetɨ meta 'ahepaɨ tipatsietɨ. 'Ekɨ, mariweme pemɨtiyuriwe, 'ekɨ yemekɨ pepɨtatsihɨxiyatsitɨa 'atɨrɨkariyakɨ.

Nɨawari 96:4

Kanimariweni Yawé, hetsiena pɨtinakeni witsimɨtikɨhɨawarɨwanikɨ, matsi waɨkawa makaxiwatɨ keyuri hipatɨ kakaɨyarixi.

Nɨawari 48:1

Yawé pɨmariwe, minɨawani yemekɨ 'aixɨa pɨ'ane takakaɨyari kiekarienatsie. Hɨrieya mɨpatsietsie,

Hutarieka 'inɨari 33:26

»Xewitɨ pumawe Ketsuruni Kakaɨyarieya hepaɨ 'aixɨa tiuka'iyaritɨ, xeparewienike muyuawitsie pakaneika, haitsata, waɨkawa mariwetɨ.

Kitsariyaxi 12:6

Keneutakwikani meta keneutahiwani temawierikakɨ, Tsiyuni kiekatari, pumariwe yurikɨ, 'ahamatɨa 'uyeikatɨ, Mɨpatsie 'Ixaheri hetsiemieme».

Nɨawari 145:3

Yawé kanimariweni, meta kaneuyeweka teminɨawani, kemɨtimariwe pɨkayumainɨa.

Tanieri 4:3

Waɨkawa 'inɨarieya pɨmamariwawe. Waɨkawamekɨ pɨtiyuhɨxiyatsitɨwa mariwemekɨ kemɨtiyurieni. Mɨra'aita kaheu'akamekɨ pɨti'aita. Kemɨti'itsɨkame tukari mɨyehane mɨkɨ 'apuwe.

Nɨawari 147:5

Tati'aitɨwame pɨmariwe, meta tɨrɨkariyaya pɨmɨire, kemɨtimaiwe hawaikɨ pɨkaheu'axe,

2 Tsamuheri 7:22

»Pepɨmariwe 'ekɨ, Yawé naimekɨmɨyɨwe. Tame mɨpaɨ tekatenetimani xewitɨ kaniumaweni 'ahepaɨ tɨrɨkaɨyetɨ meta tawarita yuri kakaɨyari pumawe.

Keremiyaxi 32:18

'Anaki'eriya heitserie pumatsiɨkɨ meyuwaɨkawame wahetsie, peru meta waniwema 'ukitsi pepɨtiwakwinitɨa wa'ukiyarima 'axamete'uyurieku. Kakaɨyari pemɨmariwe pemɨtɨrɨkaɨye, Yawé Naimekɨmɨtɨrɨkaɨye pemɨtitewa.

Kitsariyaxi 40:25

«¿Kamɨtsɨ kemɨ'ane hepaɨ kename ne'ane xepɨtiyuani? ¿Kemɨ'ane nehepaɨ pɨ'ane?», mɨpaɨ kanaineni Mɨpatsie.

Memeyekɨ 8:10

Parahuni mɨpaɨ katinita'eiya: —'Uxa'a kwitɨwa. Muitsexi mɨpaɨ kaniutayɨni: —Mɨpaɨ kaniyɨmɨkɨ, pekatinetimaimɨkɨ xewitɨ kakaɨyari kaniumaweni Yawé takakaɨyari hepaɨ 'anetɨ.

Marakiyaxi 1:11

Karikɨ, nuiwarite watsata nekanayexeiyarieka, tau 'amɨranatineni 'atsita kepauka manukayune. Naitsarie 'ɨkwa witsimu'ɨa kanitaiyarieka meta mawari hɨkɨatɨ kaniwewiyaka nehetsiemieme, ne nemɨmariwekɨ nuiwarite watsata —mɨpaɨ kanaineni Yawé Naimekɨmɨtɨrɨkaɨye—.

Tanieri 4:34

Mɨkɨ wiyari 'anuyekɨneku ne, Nawukurunutsuxi, neheima muyuawitsie nepenierixɨ, 'ana tewi hepaɨ netinekɨhɨawetɨ nepatɨa. Hikɨ 'ana Kakaɨyari 'Amutewi neputanɨawaxɨ, neputihɨximake meta 'aixɨa neputayɨ yuheyemekɨ 'amuyeika hepaɨtsita: Tɨrɨkariyaya pɨkaheu'axe, pɨti'aita yuheyemekɨ.

Kitsariyaxi 46:9

Meripaitɨ timieme xeketenaye'eri, ne Kakaɨyari nepɨhɨkɨ, tawarita xewitɨ pumawe, ne Kakaɨyari nepɨhɨkɨ, tawarita xewitɨ nehepaɨ 'anetɨ pumawe.

Kitsariyaxi 46:5

»¿Kemɨ'ane hamatɨa pepɨnetsi'inɨata, kemɨ'ane hepaɨ nepɨ'ane? ¿Kemɨ'ane hepaɨ nepɨtinexexeiya, kemɨ'ane hamatɨa yaxeikɨa tepɨ'anene?

Kitsariyaxi 40:18

¿Kemɨ'ane Kakaɨyari hepaɨ 'aneme mepayeitɨani? ¿Kehepaɨ mete'iwewieni?

Nɨawari 35:10

'ana mɨpaɨ yemekɨ nepɨtayɨni: «Xewitɨ pumawe 'ahepaɨ 'anetɨ Yawé. 'Ekɨ pepɨwawikweitsitɨa haweri memɨyɨa memɨtɨrɨkawi wahetsɨa, haweri memɨ'anene meta tixaɨtɨ memɨkateheuxeiya pepɨwawikweitsitɨa memɨtewa'uximayatsitɨa wahetsɨa».

Nehemiyaxi 9:32

»Hikɨta, takakaɨyari, Kakaɨyari pemɨmariwe, pemɨmakaxiwa meta pemɨtɨrɨkaɨye, tɨratu pemaye'atɨwa meta yapepɨtikamie, 'etsiwa tiuyɨme pepɨka'erieka kememɨte'ukwinitɨarie, tate'aitɨwamete, kuwexinaruritsixi, mawari wewiwamete meta 'aniukamete, ta'ukiyarima meta teyunaitɨ 'ateɨteri, te'aitamete 'Atsiriya kiekatari memɨtatsi'a'iwaxɨtsietɨtɨ 'atsita hikɨ.

Nehemiyaxi 4:14

Hikɨ mɨkɨ 'aixɨa netiuyuriekari, mɨpaɨ nekatiniwarutahɨawe 'ukirawetsixi meta kuwexinaruritsixi, metatsiere teɨteri yunaime: «Xepɨkawamakaxeni. Ti'aitame xekena'eriwani, mɨmariwe mɨmakaxiwa, xekeneuyutakuya yu'iwama wahetsie xenuatɨ, yuniwema wahetsie, yu'ɨitama meta yukii hetsie xenuatɨ».

Hutarieka 'inɨari 32:31

Watete tatete hepaɨ pɨka'ane. Memɨtatsi'aye'unie mɨpaɨ mepɨtemate.

Memeyekɨ 9:14

Hikɨri 'imatɨrieka waɨkawa mariwemekɨ nepɨmatsi'anunɨ'airieni kwiniya 'ahetsiemieme, yaxeikɨata te'a'uximayatsiriwamete wahetsie, para mɨpaɨ pemɨretimanikɨ kename xewitɨ 'umawe 'ena kwiepa nehepaɨ tiyurienetɨ.

1 Kurinitutari 8:6

matsi tame ketemɨtemate, Kakaɨyari kaniyuxewini ta'ukiyaritɨtɨ. Naitɨ hetsiena katinayeneikani, tame hetsiena mieme tekani'ayumiemetetɨni. Ti'aitameta kaniyuxewini Ketsutsi Kɨritsitu hɨkɨtɨtɨ. Naitɨ katiniunetɨarieni mɨkɨ 'inetɨaku, tameta tekanayeneniereni mɨkɨ tatsi'unetɨaku.

Keremiyaxi 10:16

Kakaɨyari Kakuwu manayexei nuiwarieya mayanikɨ mɨkɨ wahepaɨ pɨka'ane, matsi mɨkɨ naime mɨtiunetɨa kanihɨkɨtɨni, Yawé Naimekɨmɨtɨrɨkaɨye katinitewaka, meta nuiwarieya 'Ixaheri kanihɨkɨtɨni.

1 Kemɨtiuyɨ 16:25

Yawé matsi kanimariweni, hetsiena pɨtinake witsimɨtikɨhɨawarɨwani, matsi waɨkawa makaxiwatɨ keyuri hipatɨ kakaɨyarixi.