Keremiyaxi 10:5 - Kakaɨyari Niukieya

⁵ »Wakakaɨyarixima mepɨkaniuwawe, 'ewieri wikixi wamariutame hepaɨ mepɨtematsiɨkɨ xutsi ma'etsietsie muwe hepaɨ. Peuyewetse memɨkɨtɨkietɨweni memɨka'ɨkɨniwawekɨ. Xepɨkawamakarɨka, 'axamemɨxe'uyurieni mepɨkayɨwawe, metatsiere 'aixɨa memɨxe'uyurieni».

Keremiyaxi 10:5 ပူးပေါင်းရင်းမြစ်များ

Kitsariyaxi 46:7

Yunaiparitsie me'etetɨ mekanititɨkɨni, manuwekaitsie mekanitaketsani, mana puyukuhayeikawa. Mukuyuaxɨani manuwetsie pɨkayɨwe. Tsepa waɨkawa memihiwie, pɨkawata'eiya, mɨkɨ pɨkayɨwe xe'uximatɨarikatsie mɨxe'utawikweitsitɨani.

1 Kurinitutari 12:2

Xeme mɨpaɨ xekatenimaika kemɨti'anekai kepauka Ti'aitame xemɨka'ayexeiyakaitsie. Xekanikuhapanietɨwekaitɨni tetexi memɨkaniuwawe wahetsɨa, kexemɨtekɨhɨawarɨwakai.

1 Kurinitutari 8:4

Merikɨte, 'ikwai hepaɨtsita kakaɨyarixi kememɨtemawiyarie, mɨpaɨ tepɨtemate, tete pɨkaxuawe kwiepa yuri mɨkakaɨyari, xewitɨ pɨkaxuawe kakaɨyaritɨtɨ. Kakaɨyari yuxewitɨ 'akaniuweni xeikɨa.

'Awakuki 2:19

Xɨa'ui kemɨ'ane kɨye mɨpaɨ mɨtikɨhɨawe: “Kenanutanieri”, meta tete mɨkaniuwe: “Kenanukukexi”. Tsepanetɨ huru meta pɨrata memɨkawiriyarietɨka, tixaɨtɨ memɨxete'uta'ɨkitɨani mepɨkayɨwawe, memɨkahayeyuyurikɨ.

Kitsariyaxi 46:1

Weri panakatutsi, Newu kwiepa kaniukaweni, wakakaɨyarixi tetɨkɨmete wahetsie meputɨkiexime. Wa'ɨkiyarite 'ahetetɨ naitsarie pukɨtɨkiene, 'ika mɨtiyu'uxitɨwa pɨhɨkɨ xeikɨa.

Kitsariyaxi 45:20

»Xekeneuyukuxeɨri xemeyuta'unaxɨa nuiwarite watsata, xekeneuyukuxeɨri, xekenakɨni. 'Atsimemɨkatemate mekanihɨkɨtɨni kemɨ'ane kɨye kakaɨyarixiyari memɨwarɨ'ɨ, meta kakaɨyarixi wahɨxie memuyunenewixime memɨkateyuwikweitsitɨwa.

1 Te'aitamete 18:26

Wahari niukametemama xeime tuuru mekananayehana memɨ'atɨiriyarie mekanitixitexɨani, hikɨ yukakaɨyari mekanahɨawekaitɨni ximeri memutayua tuka kanayani mɨyame'utiyuanekaku. Mawari taiyame memutawewi warita mehatsunatɨkɨkatɨ, mɨpaɨ meniutiyuanekaitɨni: —Wahari 'aku, ketaneuta'eiya. Peru nitixaɨtɨ pɨkatiu'enierie, nitixaɨtɨ pɨkatiwaruta'ei.

Keremiyaxi 10:14

Teɨteri 'atsimemɨkatemate meta memɨte'ukatawe'erie mepɨhɨkɨ, kakaɨyarixi wawewiwamete mepuyutetewiya yuwewiyakɨ. Tita memɨtewewie pɨti'itarika, meta mepɨka'ayeneniere.

Hutarieka 'inɨari 4:28

Mana paitɨ xeme xepɨwarayexeiyani kɨyexi kakaɨyarixiyari meta tetexi, teɨteri wawewiya mepehɨkɨtɨni: kakaɨyarixi memɨkaheuneniere meta memɨkaheu'enana, memɨkatekwa'a meta memɨkateheu'ɨkwe.

2 Kemɨtiuyɨ 25:15

'Ayumieme Yawé kaniuyeha'ani 'Amatsiyaxi hepaɨtsita, hikɨ yuniukame xeime kaneinɨ'airieni mɨpaɨ rehɨawetɨ: —¿Titayari kakaɨyarixi petiwarayexeiya memɨka'uyɨwekaxɨa yuteɨterima wahetsie memɨtanuani 'ekɨ pewakwinekaku?

Kitsariyaxi 16:12

Tsepa muhawi kiekatari kakaɨyarixi memɨte'atimawiyarɨwa memɨteheutahake, tixaɨtɨ mepɨkatekaxeiya matsi xeikɨa mepɨti'uxe, kepauka yutukita memuyunenewiyu, tsepa kememɨyɨa yakɨ xeikɨa mepɨyɨaka.