Keremiyaxi 1:9 - Kakaɨyari Niukieya

⁹ Hikɨ Yawé netenitsie kaneniutamayɨani, mɨpaɨ kanetiniutahɨawe: «Hikɨ 'atenitsie neniuki nekamaniupitɨani pemeutaniuwenikɨ.

Keremiyaxi 1:9 ပူးပေါင်းရင်းမြစ်များ

Rukaxi 21:15

ne pɨta temaiwawemete nekanixe'ayeitɨamɨkɨ, xemɨtiniunikɨ, 'ayumieme yunaitɨ memɨxe'aye'unie mekaniyutatexikuni mexe'a'iwakutɨ mexeniukimakutɨ.

Rukaxi 12:12

karikɨ 'ana 'Iyari Mɨtiyupata pɨtixeta'ɨkitɨani kexemutiyuaneni».

Kitsariyaxi 51:16

Neniuki 'ateta nekameniupitɨani meta nemamá 'etɨrieyatsie pekaniyeweni, muyuawi 'anepuyema meta kwie nepukama, meta Tsiyuni mɨpaɨ nepɨrahɨawe: “'Ekɨ nekiekari pepɨhɨkɨ”».

Kitsariyaxi 50:4

Yawé naimekɨmɨyɨwe pɨnetsi'upitɨa nemeutaniuwenikɨ netimaiwetɨ, kemɨ'ane mu'uxe neniukikɨ nemutuikanikɨ. Ximeri yakanetinanutahɨtuwani, meta nenakata neheu'ename kanenayeitɨaka para nemeu'enanikɨ teyɨ'ɨkitɨwamete wahepaɨ.

Mateu 10:19

Peru, kepauka memɨxetiwiya, xepɨkayu'iyaritɨaka kexemutiyuaneni hepaɨtsita meta kehapaɨ xemɨtewakɨhɨaweni. 'Anake yaxekatenipitɨariekuni kexemutiyuaneni,

Keremiyaxi 5:14

'Ayumieme, Yawé mɨpaɨ paine, Kakaɨyari Naimekɨmɨtɨrɨkaɨye: «Mɨpaɨ memutiyuanekɨ teɨteri, neniuki 'atenie tai hepaɨ kani'anemɨkɨ, meta 'ikɨ teɨteri, kɨyexi kwinimieme netɨ muwe hepaɨ. Mɨkɨ tai kaniwatixɨtsitɨamɨkɨ.

'Etsekieri 3:10

Hikɨ mɨpaɨta kanetiniutahɨawe: «Tewi pemunu'aya, naime ketineu'eni kenemɨmatitahɨawe, 'a'iyaritsie keneuti'uta.

Kitsariyaxi 49:2

Neteta 'ixipara 'atamɨariekame patike, pɨnetsi'uti'awietaxɨ yumamá 'etɨrieyatsie, 'ɨrɨ hepaɨ witsine'aneme pɨnetsihayeitɨa, meta pɨnetsi'uti'awietaxɨ yɨ'ɨrɨ 'uitɨwameta.

Marikuxi 7:33

Yatewa heiwitɨka yɨxaɨtame teɨteri memɨka'anu'uwatsie, nakatana yu'itɨwame kaneuka'uitɨani, meta 'uta'aɨtsikawieka nenieya kaniumayɨani.

'Inɨatsie 23:5

Hikɨ Yawé Warami katiniutaxatɨani, mɨpaɨ katinitahɨawe: —Kenakunua Waraki hetsɨa kenemɨtayɨni mɨpaɨ ketinetahɨawi.

Hutarieka 'inɨari 18:18

'Ayumieme watsata xeime nepanayexeiya neniukame mayanikɨ 'ahepaɨ, ne neniuki nepipitɨani tetana, mɨkɨ yapɨtiwataxatɨani ne kenemɨtita'aitɨani.

Keremiyaxi 36:2

«Xapa mukwikwiya kenekuwawa mana ketinaka'utɨa naime kenemɨmatiutaxatɨa kepauka Kutsiyaxi muyeikakaitsie mieme, nematikuxaxatɨwakai hikɨ 'akuxi yaxeikɨa nemutaine 'Ixaheri hepaɨtsita, meta Kura meta hipame nuiwarite wahetsiemieme.

Tanieri 10:10

'Ana mamá kaneniuwiya, netitunumaweme kaneniuhayewa kwiepa nemateikatɨkaime,

Tanieri 10:16

Hikɨ xewitɨ tewi hepaɨ tiyuxexeiyatɨ netenitsie kaneniutamayɨani, hikɨ 'ana ne ne'utaniutɨ nekanayani. Mɨpaɨ nekatinitahɨawe nehamatɨa mɨtikuxatakai: “Neti'aitɨwame, 'ikɨ mɨyanemɨtiunierixɨkɨ 'aixɨa nepɨkatinekɨhɨawe meta nepɨkaheutɨrɨkaɨye.

Hutarieka 'inɨari 18:16

Mɨkɨ kanihɨkɨtɨni xeme Yawé yukakaɨyari xemɨte'itawawiri Huré hɨriyaritsie, xemayuxeɨriekai tukariyaritsie, kepauka mɨpaɨ xemutiyua: “Neri Yawé nekakaɨyari niukieya ne'enietɨ nepɨka'umieni, meta Yawé taiya nepɨkaheuxeiyamɨkɨ, nɨkahɨrixɨa ne'umɨni”.

Hutarieka 'inɨari 18:17

»Hikɨ mɨpaɨ Yawé kanetiniutahɨawe: “'Aixɨa kani'aneni mɨkɨ kememaitɨka.

Kitsariyaxi 59:21

Yawé mɨpaɨ kanaineni: «'Ikɨ netɨratu kanihɨkɨtɨni xehamatɨa nemiwewie: Ne'iyari xehetsie mɨyeka, meta neniuki nemɨmatsi'upitɨa pemekaterɨwakɨ 'ape'uyuatɨ, hatsuaku pɨkamatsiku'eirieni, meta 'aniwema wahetsie meta 'anuiwarima wahetsie, hikɨtɨtɨ meta yuheyemekɨ ―Yawé mɨpaɨ kanaineni―.

Keremiyaxi 15:19

'Ayumieme Yawé mɨpaɨ kanaineni: «Xɨka petiuhayewa, ne nepumatsi'anukuhana 'anata pepɨnetsi'ayexeiyani. Xɨka petiuhayewa yakɨ petikuxatatɨ, xɨka yurikɨ xeikɨa petikuxatani yemekɨ meuyewetsekɨ, neniukame 'ekɨ pepayani. Mɨkɨ 'ahetsɨa meke'u'axɨani, peru 'ekɨ wahetsɨa pepɨkaheyeikani.

Keremiyaxi 34:6

Kakaɨyari niukameya Keremiyaxi 'ikɨ naime Tserekiyaxi katiniutaxatɨani, Kura kwieyaritsie ti'aitame, Kerutsareme paitɨ.