Karatsiyatari 6:7 - Kakaɨyari Niukieya

⁷ Xepɨkateyu'itaiyani, Kakaɨyari pɨkayunanaimarinɨa. Tewi kemɨtiuka'e, mɨpaɨ pɨtiu'itsana.

Karatsiyatari 6:7 ပူးပေါင်းရင်းမြစ်များ

2 Kurinitutari 9:6

'Ikɨ xekena'eriwani: Kemɨ'ane 'etsipaɨmeme muka'e yu'imɨari 'ikwerietɨ, 'etsiwa xeikɨa kanika'itsanamɨkɨ meta kemɨ'ane waɨkawa mika'eni, mɨkɨ 'anayuhayewame kanika'itsanamɨkɨ.

'Utseyaxi 10:12

Xekeneuka'etsa yuhetsiemieme kemɨtiheitserie, Naki'eriya takariyari xekeneuka'itsana, kwietsanaripa xeketene'uximayaka. 'Ari tukari paye'ari Yawé xema'eriwanikɨ, kepaukake munuani penɨ'ani heitserie mɨtiyupitɨwa wiyeriyari.

Kuwi 4:8

Kenemɨretima mɨpaɨ pɨneti'ɨkitɨa kemɨ'ane 'axamɨti'ane mɨtika'eni, mɨkɨ 'uximatɨarika kanika'itsanamɨkɨ.

1 Kurinitutari 15:33

Xepɨkate'irɨwiyarieka: «'Axamemɨte'u'iyari wahamatɨa 'uyeikatɨ, huye 'aixɨa mɨ'ane kaneuyehɨamɨkɨ».

Temaiwawemete 11:18

'Axatiyuruwame kwamanarikakɨ xeikɨa katina'i'iwani, matsi kemɨ'ane heitseriemekɨ yamemɨtekahu wa'iwarika 'aixɨa kani'aneni.

Temaiwawemete 1:31

Tita tewi mɨtiuka'e mɨkɨ katinika'itsanamɨkɨ, pɨtitimɨiriya tita yuhetsie mɨtiupitɨa pɨka'ikemakaxɨani,

'Epetsutari 5:6

Nɨkatɨ xewitɨ tixe'u'itaiya 'eka niuki wewietɨ. Mɨya memɨteyuriekɨ, 'ayumieme Kakaɨyari pɨwaheka mɨkɨ memɨkayuwaɨriya yamemɨtekahunikɨ.

'Utseyaxi 8:7

»'Eka xepuka'e, haikɨri 'amɨpa xepɨka'itsana. Tɨriku kɨyeyari yumɨayeyari pɨkahexeiya tɨriku pɨkatixuawere. Xɨka 'utixuawere, teewatari kɨkamete mepitikwani.

1 Kurinitutari 6:9

Mɨpaɨ xekatemate, mɨkɨ 'axamemɨteyurie wahetsie pɨkatinakeni memaye'axɨanikɨ Kakaɨyari tiwa'aitɨwame mayanikɨ. Xepɨkateyu'irɨwiyaniri. Xɨka 'ikumaɨwani kemɨ'ane mɨkayɨ'ɨya mɨkayɨkɨna, tetexi xɨka warayexeiyani, xɨka 'ikumaɨwani xeime 'ɨyaya, kɨnaya, xɨka 'ukitɨtɨ 'ukari wahepaɨ yɨaneni, 'ukitɨtɨ xɨka 'ikumaɨwani xeime 'uki,

Temaiwawemete 6:14

'Axamɨtiyuriene kaniyu'iyaritɨaka 'axamɨti'anekɨ xeikɨa, meta kanikuwauneni mɨpaɨ tiyuhaxɨatɨamɨtɨ.

Kuwi 15:31

Mɨkɨ pɨkayukwamanani meta niuki yakɨ mainetsie yuri pɨkati'erieka, mɨpaɨ yɨanetɨ tixaɨtɨ pɨkatiukaxeiya.

Rukaxi 16:25

Hikɨ 'Apɨrahami mɨpaɨ kaniutayɨni: “Neniwe, kena'eriwani 'aixɨa 'anemekɨ pepuyeikakai kepauka pemayeyurikai, peru Ratsaru 'aixɨa 'anemekɨ pɨka'uyeikakai, hikɨri mɨkɨ 'uwa kaninɨtɨarieka, 'ekɨ pɨta pepɨ'uximatɨarie.

Tsatiyaku 1:22

Niuki xe'enietɨ xeikɨa xepɨkayuwaɨriyani, mɨpaɨ xeyɨatɨ kapa xeteyu'irɨwiyakɨ yɨkɨmana. Mɨpaɨ xeketeneyurieka kemaine.

1 Wani 3:7

Neniwema xɨka tɨma xewitɨ kaxeheuyexɨrienike. Kemɨ'ane yamɨtiyuriene kemɨtiheitserie, mɨkɨ heitserie kanexeiyani mɨkɨ heitserie mexeiya hepaɨ.

'Awiriyaxi 1:3

kepemɨtiyuta'ɨre pekaniu'akwamana. 'Aita pemɨkiekɨ kwinimieme mutɨtɨtsie, 'akiita 'ateewa paitɨ pe'akanieretɨ, mɨpaɨ pekatini'akuhɨaweni: ¿Kemɨ'ane 'ena kwiepa pɨnetsi'a'iwa?

Karatsiyatari 6:3

Xɨka xewitɨ tixaɨtɨ tihɨkɨtɨme yu'erieka, matsi xɨka tixaɨtɨ katihɨkɨtɨni, yɨkɨmana katiniyu'itaiyamɨkɨ.

Tsatiyaku 1:26

Tewi xɨka rayexeiyame yu'erieka, matsi xɨka yuneni kapirenutɨaka, mɨkɨ matsi yɨkɨmana katiniyu'itaiyaneni, yakɨ xeikɨa katinayexeiyani.

1 Kurinitutari 3:18

Xepɨkateyu'irɨwiyani. Xɨka xewitɨ xeme timaiweme yu'erieka, temaiwawemete kememɨteyu'erie hikɨ miemetexi, 'atsikatimaitɨ pɨta ke'ayani, yuri timaiwetɨ mayanikɨ.

1 Wani 1:8

Xɨka yate'utiyuani kename tita 'axamɨti'ane tekatehexeiya, takɨmana tepeutayexɨrɨwa, tita yuri mɨraine tahetsie pumawe.

Rukaxi 21:8

Hikɨ mɨpaɨ kaniutayɨni: —Xekeneyukweriwayurieka nɨka xete'u'itaiyarieni. Yumɨiretɨ mepɨ'axɨani kename ne neyɨane, mɨpaɨ me'utiyuatɨ: “Neri nepɨhɨkɨ. Tukari kanaye'aniri”. Wa'utɨma xepɨkahekɨkani.

Kura 1:18

Mɨpaɨ mekatenixekɨhɨawekaitɨni: «Tukari taparirɨmekaku mekanitixuawerikuni teyunanaimawamete, 'amekaniu'uwakuni kememɨte'ukahiwe'erie xeikɨa Kakaɨyari meka'ayexeiyatɨ».

Temaiwawemete 6:19

kemɨtiunierixɨ ti'itawatɨ mɨtikuxata, meta kemɨ'ane yu'iwama mɨwakwamana memuyukwitɨwenikɨ.

2 Tetsarunikatari 2:3

Xepɨkatepitɨaka nɨkahɨrixɨa xewitɨ xe'ukwamana, karikɨ meri hipatɨ Kakaɨyari me'aye'unietɨ mekanakɨnikuni meta matsiɨkɨme kanayuyeitɨamɨkɨ mɨkɨ tewi 'axamɨtiyuruwame, kemɨ'ane mɨka'unarieni.

Keremiyaxi 37:9

»Yawé mɨpaɨ kanaineni: “Mɨpaɨ xepɨkateku'eriwani kename wawiruniyutsixi meyehu. Yakɨ xekateniku'eriwani. Mɨkɨ mepɨkayehu.

'Utseyaxi 10:13

Peru xeme 'axamɨti'ane xepuka'e, 'ayumieme mɨkatiheitserie xepɨka'itsana, 'itarika takariyari xekaniutikwani, wakaxetatetsie xemeuwawaɨrekaikɨ meta wakuyaxi memɨyumɨirekaikɨ.

'Etsekieri 14:5

Mɨpaɨ 'ixaheritsixi wa'iyari nehetsɨa nepɨranuitɨani mɨkɨ kakaɨyarixi 'axamemu'ɨatɨka wahekɨ memɨnetsi'uku'eiriekai”.