Karatsiyatari 4:8 - Kakaɨyari Niukieya

⁸ 'Anapaitɨ xemɨka'imaikaikɨ kemɨ'ane mɨkakaɨyari, waɨriyarika xekateniyuriekaitɨni kememɨtexe'aitɨakai mɨkɨ memɨkayurikakaɨyarixi.

Karatsiyatari 4:8 ပူးပေါင်းရင်းမြစ်များ

1 Kurinitutari 8:4

Merikɨte, 'ikwai hepaɨtsita kakaɨyarixi kememɨtemawiyarie, mɨpaɨ tepɨtemate, tete pɨkaxuawe kwiepa yuri mɨkakaɨyari, xewitɨ pɨkaxuawe kakaɨyaritɨtɨ. Kakaɨyari yuxewitɨ 'akaniuweni xeikɨa.

2 Tetsarunikatari 1:8

Heitseriemekɨ kaniwaranutaxɨriemɨkɨ mɨkɨ memɨka'imate Kakaɨyari, mɨkɨ yamemɨkatekahu Tati'aitɨwame Ketsutsi niukieya 'aixɨa manuyɨne hetsie.

1 Tetsarunikatari 4:5

xekateyukahiwe'erietɨ kemɨtixenake xeikɨa, nuiwarite Kakaɨyari memɨkamate wahepaɨ.

1 Tetsarunikatari 1:9

Mɨkɨtɨtɨ tahepaɨtsita mekatenikuxatani ketɨtɨ reyɨ kepauka tame xehetsɨa temeta'axɨa, kereyɨ kepauka xemɨte'uhayewaxɨ, kepauka Kakaɨyari hetsie xemɨte'uwiyaxɨ kakaɨyarixi xewaruku'eirieka, xemɨte'uximayakakɨ Kakaɨyari mayeyuri yurikɨ 'amuyeika hetsiemieme,

1 Pekuru 4:3

'Ariri tukari manuyetɨatsie tukari xeputsewixima yaxeteyurietɨ kemɨtiwanake nuiwarite, xekaniku'uwani xerukuyatɨwetɨ xeikɨa, xete'ukahiwe'erietɨ, xetarɨwetɨwetɨ, xeku'ixɨaratɨwetɨ, xeku'ietɨwetɨ, meta tetexi xewarayexeiyatɨ memɨxani'eriwa.

1 Kurinitutari 1:21

Waɨkawa timaiwetɨ, mɨpaɨ katiniuta'aita Kakaɨyari, kwiepa memɨtama kememɨtemaiwawe memɨyutatexienikɨ meheitimanike Kakaɨyari. Matsi Kakaɨyari kaniyuwaɨriya niuki mɨkuxaxatsiwakɨ mɨwatawikweitsitɨanikɨ mɨkɨ yuri memɨte'erie, tsepa mɨkɨ niuki yakɨ xeikɨa haineme memɨ'erie hipatɨ.

Kitsariyaxi 37:19

Wakakaɨyarixima taipa mekaniwareuxɨrieni meta mekaniwaruti'una, mɨkɨ memɨkakakaɨyarixitɨkaikɨ matsi xeikɨa kɨyexi meta tetexi memɨhɨkɨtɨkaikɨ, teɨteri wawewiya.

2 Kemɨtiuyɨ 13:9

Metsɨ xekaniwarayeweiya 'Aruni nuiwarimama, Yawé mawari wewiwametemama memɨhɨkɨ, meta rewitsixi. Mɨkɨ wahetsiemieme hipame mawari wewiwamete xekaniwarutihɨawe, tsepa ke'anetɨ muwa'atɨa xeime tsikeru meta 'atahuta muxatsi 'ukitsi mɨkɨ xekaniwarayeitɨwani mawari wewiwamete memɨkayuri kakaɨyarixi wahetsiemieme, teɨteri Kakaɨyari memɨkamate wahepaɨ xepɨteyurie.

'Epetsutari 4:18

mekaniuyɨriyarieni kememɨteyumate yu'iyaritsie, heitserie mepɨkahexeiya Kakaɨyari tukari mɨwapitɨanikɨ, mɨkɨ 'atsimemɨkatematekɨ wa'iyari mɨtsetse'ikɨ.

1 Kurinitutari 12:2

Xeme mɨpaɨ xekatenimaika kemɨti'anekai kepauka Ti'aitame xemɨka'ayexeiyakaitsie. Xekanikuhapanietɨwekaitɨni tetexi memɨkaniuwawe wahetsɨa, kexemɨtekɨhɨawarɨwakai.

Keremiyaxi 10:25

Hipame nuiwarite wahetsie pɨta 'ahaxɨa keneukanɨ'a, memɨkamatsimate wahetsie, meta 'iya memɨkamatsihahɨawe wahetsie. Karikɨ Kakuwu mekaniutakwani, naime mekanaxɨni, meta kiena makumawe mekanayeitɨani.

Kutsuhexi 24:15

Peru xɨka xehetsiemieme 'axa'aneni Yawé mɨti'uximayatsirieka, xekeniwaranayexeiya kemɨ'ane xemɨwarayexeiyani, xetutsima memɨwarayexeiyakai 'Eupɨrate 'anutaɨye, yatɨni kakaɨyarixi 'amuxeutsixi memɨwarayexeiya, hikɨ 'ena wakwietsie xemanu'uwa. Tametsɨ, netɨɨriyama meta ne Yawé tepayexeiyani».

Kutsuhexi 24:2

Kutsuhexi yunaime mɨpaɨ katiniwarutahɨawe mɨpaɨ katiniwaraye'eritɨani: ―Yawé mɨpaɨ kanaineni, 'ixaheritsixi takakaɨyari: Mɨixa wiyari panuyemie, xe'ukiyarima, Teraki niwemama 'Apɨrahami meta Nakuxi, 'Eupɨrate hatuxameyari 'anutaɨye mekaniu'uwakaitɨni, kakaɨyarixi hipame mekaniwarayexeiyakaitɨni.

Memeyekɨ 5:2

Parahuni mɨpaɨ kaniutayɨni: —¿Kemɨ'ane mɨkɨ Yawé pɨhɨkɨ, para ne nemenu'enienikɨ 'ixaheritsixi nemɨwapitɨanikɨ? Ne Yawé nepɨkamate, ne nepɨkawapitɨani 'ixaheritsixi memɨyehukɨ.

1 Wani 3:1

Neuxei ta'ukiyari ketatinaki'erie, mɨkɨkɨ Kakaɨyari niwemama teputaterɨwarie, niwemama tepɨhɨkɨ. 'Ayumieme kwiepa memɨtama mepɨkatatsimate mɨkɨ memɨkaheitimaiwawekaikɨ.

Xumatari 1:28

Mɨpaɨ memɨkateku'eriwakaikɨ kename 'aixɨa 'ane Kakaɨyari ma'eriwanikɨ, 'ayumieme Kakaɨyari kaniwayetuani kemɨkatinake yamemɨteku'eriwanikɨ, kemɨkatinake memɨteyuriekakɨ.

Nɨ'ariekate 17:23

Mana ne'uyemietɨ nekatiniuxeiya tita xemɨtewarayexeiya, xeime nekaniutaxeiya mɨrayutimawatɨre, hetsiena mɨpaɨ re'uxame: kakaɨyari mɨkamatiwatsie 'ikɨ pɨmieme. Hikɨ, kemɨ'ane xemayexeiya xeka'imaitɨ, ne mɨkɨ hepaɨtsita nekatinixekuxaxatɨwani.

Nɨ'ariekate 14:12

Werunawe Tsehuxi mepute'uterɨwaxɨ, meta Papuru 'Eximetsi mɨkɨmeri niuki mukuxatakaikɨ.

Wani 1:10

Kwiepa kaniuyeikakaitɨni, kwie kaniuneni mɨkɨ 'inetɨaku, matsi kwiepa memɨtama mepɨkaheitima.

Keremiyaxi 2:11

¿Kamɨtsɨ xewitɨ nuiwari tiuyeika hipame kakaɨyarixi waruku'eirieka hipame pɨta wareweiyaka, tsepanetɨ mekakakaɨyarixi? Neteɨterima mepɨnetsi'uku'eiri, nemɨmariwe wahetsiemieme, tixaɨtɨ mɨkatiyunaki'erie hekɨ.

Xumatari 1:23

Kakaɨyari mɨkapɨniwe witsimɨ'ane, mekanipata tewi mɨpɨniwe hepaɨ tiyuxexeiyame memayexeiyanikɨ pɨta, wikixi wahepaɨ, yeutari wahepaɨ meta kuterixi wahepaɨ tiyuxexeiyame.

Keremiyaxi 5:7

«¿Titayari nemereuyehɨwirieka? 'Aniwema mepɨnetsi'uku'eiri, memɨkakakaɨyarixi wahetsɨa mepɨteyuhɨritɨa. Kepauka nemɨtiwakupiniriekai tita memɨteheuyehɨakai, mɨkɨ memɨkayɨ'ɨitama mepɨwarukumayɨa 'ukarawetsixi yuwaɨkawatɨ memɨwakumaɨwa wakiita mepuyukuxexeɨriwakai.

Keremiyaxi 16:20

¿Kamɨtsɨ tiyɨwe tewi yukakaɨyarixi mɨwarutiwewieni? Matsi mɨkɨ mepɨkakakaɨyarixi».

Karatsiyatari 4:3

Tameta yaxeikɨa, kepauka temɨtɨritɨkai, waɨriyarika tekateniyuriekaitɨni kemɨtatiu'aitɨwakai 'ɨkitɨarika kwiepa mieme, hekwamete kememɨte'ɨkitɨarie.