Karatsiyatari 4:7 - Kakaɨyari Niukieya

⁷ Merikɨ hikɨrixɨa ti'uximayatame pepɨkahɨkɨ. Pekaninu'ayatɨni pɨta. Xɨka penu'ayatɨni, tita Kakaɨyari hetsɨa mɨtimieme katiniunake 'ahetsie, mɨpaɨ pe'aneme Kɨritsitu mɨmatsi'ayeitɨakɨ.

Karatsiyatari 4:7 ပူးပေါင်းရင်းမြစ်များ

Karatsiyatari 3:29

Hikɨri, Kɨritsitu hetsɨa xekanimiemetetɨni. 'Ayumieme kemɨ'ane 'Apɨrahami hetsie mɨyeyanikekai, xeme xekanihɨkɨtɨni. Xehetsie pɨtiunakixɨ mɨkɨ kemɨtiutahɨawarie.

Karatsiyatari 3:26

Yuri xekateni'erieka, 'ayumieme Kakaɨyari niwemama xekanihɨkɨtɨni, Kɨritsitu Ketsutsi hetsie xekateniwiyani.

Karatsiyatari 4:31

'Ayumieme ne'iwama, ti'uximayatame tepɨkaniwemama. Muyɨnɨ'a pɨta tekaniniwemamatɨni.

Nɨawari 73:26

Tsepa newaiyari mɨtimɨxime meta ne'iyari, matsi Kakaɨyari ne'iyari pɨtseiriyani, mɨkɨ nehetsiemieme xeikɨa kanihɨkɨtɨni yuheyemekɨ.

Hiwerika 3:24

'Ayumieme 'imatɨrieka, mɨpaɨ neputaine: «Yawé xeikɨa kanihɨkɨtɨni tita nemɨrexeiya. 'Ayumieme hetsiena xeikɨa netiwiyatɨ nepɨta'ikwewani».

Keremiyaxi 10:16

Kakaɨyari Kakuwu manayexei nuiwarieya mayanikɨ mɨkɨ wahepaɨ pɨka'ane, matsi mɨkɨ naime mɨtiunetɨa kanihɨkɨtɨni, Yawé Naimekɨmɨtɨrɨkaɨye katinitewaka, meta nuiwarieya 'Ixaheri kanihɨkɨtɨni.

Tsutɨarika 15:1

Hikɨ mɨpaɨri tiɨyɨku, Yawé 'Apɨrami kaniutahɨawe heinɨtsika hepaɨ tiyuxexeiyamekɨ: «'Apɨrami, pepɨkaheumaka. Ne 'ahetsie nunuwame nekanihɨkɨtɨni, kenemɨmatiyetuirieni waɨkawa katinayeimɨkɨ».

Matsiɨkɨtɨ kemɨratɨa 21:7

Kemɨ'ane mɨrayu'iwa, hetsiena katininakimɨkɨ 'ikɨ naitɨ, neta Kakaɨyarieya nekanihɨkɨtɨkamɨkɨ, mɨkɨta neniwe kanihɨkɨtɨkamɨkɨ.

Keremiyaxi 31:33

»'Ikɨ tɨratu kanihɨkɨtɨni 'iya tukari 'anuyeyayu nemɨwawewirieni 'ixaheri teɨteriyari —Yawé mɨpaɨ kanaineni—: Wa'eriwametsie ne'inɨari niukiyari nepɨwapitɨani meta wa'iyaritsie nekanika'utɨamɨkɨ. Ne wakakaɨyari nekanihɨkɨtɨkamɨkɨ mɨkɨta neteɨterima mepɨhɨkɨtɨni.

Nɨawari 16:5

'Ekɨ, Yawé, ne'ikwai pekanihɨkɨtɨni meta tita nemɨti'ie, 'ekɨ yapekatinimaika kemɨnetiyurieni netukari hepaɨtsita.

Mateu 6:24

»Tewi pɨkayɨwe yuhutame yukutsiyarima wahetsie tiwiyatɨ mɨti'uximayaka. Ni'uxiwe'eriekamɨkɨ xeime 'inaki'erietɨ xeime, yatɨni matsi xeime waɨkawa ninaki'eriekamɨkɨ xeime xani'erietɨ. Pɨkayɨwe xemɨte'uximayaka Kakaɨyari hetsie xetewiyatɨ meta yupiinitɨarikatsie xetewiyatɨ.